زانایێ فیزیکی یێ ئەلمانی ئەلبێرت ئەنشتاین گوتیە )ب چ رەنگا ئەم نەشێین ئاریشان ب ھەمان مێشکئ ئاریشە دڕوستکری چارەسەربکەین( لەوما وەکی دبینین ب خوشخالی ڤە !!

١-سەرکردایەتیا پارتی دیموکراتی کوردستان بریارا گھورینان دا ب کریار دھەمی پلە و پوستێن دەستھەڵاتێ ل ھەرێما کوردستانێ و چاکسازی کرە پاکێچا سەرەکی یا کابینا نەھێ یا حکومەتا ھەرێمێ لەوما ئەز دبینم

دیدارێن حزبی و کەسی لبن ناڤێ ئاشتبوونا سیاسی و جڤاکی گونجایی نین بۆ سەڕۆکێ حکۆمەتێ دەما بەڕنامێ چاکسازیێ د رۆژەڤێ دا بیت ژ کارێن دەسپێکی یێن بەرێزی چاکسازی بیتن دھەمی وان سێکتەڕ و ناڤێن جھێ گومانێ تێدا جونکی ئاشکرایە ئەڤ نە ئارامیا سیاسی یا پارتێن سیاسی ل دژی حکومەتێ نە ژبەر کێمیا خزمەتگوزاریایە یان نە یەکسانیێ یە د رێڤەبرنێ دا ژلایێ جوگرافی ڤە بەلکو ئارمانجا وان راوەستاندنا پڕۆژێ چاکسازیێ یە و دروستکرنا ئاستەنگایە ل پێشیا پاکێجا چاکسازیێ ,ئەز ب ئاسایی دبینم چونکی چەندین ساڵە رێژەیەکا زۆرا کەسێن حزبی و حکومی تایبەت ێن پلە باڵا بێ ھیج سانسور و فیلتەرەک دەستدایە سامانێ گشتی یێ حکومەتا ھەرێمێ و رێژەیەکا زۆر خانەنشین بوینە بێی کو ھیچ رۆژەکێ خزمەتا فعلی ھەبیتن ,ھەرچەندە ھێدی ھێدی یاسا چاکسازیێ دھێتە بجھئینان لێ گەشبینین چ سێکتەر ژ ڤێ یاسایێ قورتالنابن

بلا رۆژا چاکسازیێ و دادیێ ھەلێتن مرۆڤێن دخەو یێن بەرژەوەندیا خو ژ بەرژەوەندیا مللەتی بلندتر دانایی دێ بنە زەلیلێن مێژوویا بێ دادیێ

,

٢-دانانا بەرێ بنیاتێ پرۆژێ جادا ١٠٠م ل سلێمانیێ گاڤەکا دلخوەشکەر و بھێز بوو بەرامبەر وان ھەمی تحدیاتێن ناڤخوی و ھەرێمی تایبەت یێن چاڤێ وان ل دوو ئیداریێ ویان وان لایەنێن دگوتن سەرۆکێ حکومەتێ تنێ سەرۆکێ دھوک و ھەولێرە.

.

,ئەز گەشبینین بێ جیاوازی پرۆژە و خزمەتگوزاری بھێنە بجھئینان ل ھەمی سنورێ دبن دەستھەڵاتا حکومەتا ھەرێماکوردستانێ ژ زاخو ھەتا خانەقین و سەرۆکێ حکومەتێ ب کریار و ئامادەبوون سەرۆکێ ھەمی یەکێن کارگێری بیتن دسنورێ ھەرێمێ دا ب پێشکێشکرنا خزمەتگوزاریا و چاکسازیەکا راستەقینە و سەرەدانکرنا ھەمی جھێن بن دەستھەلاتا حکومەتێ ڤە ب پڕۆژێن رەنگین و زەنگین دیسان دا باوەریا خەلکی بو دەستھەلاتێ زڤریتن و یاسا سەروەر بیتن و خەلک و حکومەت ماف و ئەرکێن خوە بدروستی بزانن بەرامبەری ئێک و پێگربن و خاڵا گرنگ و پێتڤی ئەز دبینم ھەڤکاری و لێکتێگەھشتنەکا باش ھەبیتن دناڤبەرا ھەرسێ سەرۆکایەتیێن ھەرێمێ دا ب ئێک تیم ل دژی گەندەلیێ و نە روونیێ د داھات و خەرجیاندا کاربکەن و ب یاسا چاکسازی بھێتەکرن نە برێکا تەعلیماتان جونکی ھێزا یاسایێ کونکرێتی ترە ژ بریارێن سەرۆک وەزیران یێن بناڤێ فەرمان و زانیاری)اوامر و تعلیمات( چونکی چاکسازیەکا راستەقینە و دادپەروەر دێ مە ژ سزا و مەرجێن حکومەتا ناڤەندی قورتالکەتن و ببین لایەنێ بھێز د گفتوگویاندا ل گەل بەغدا جونکی داھاتێن ھەرێمێ دێ زێدەبن و خەرجی کێم بن و دبیت حکومەتا ھەرێمێ نەزڤریتن بو بەغدایێ و بێ منەتیا ناڤەندی بشکێنیتن .