ئەڤرۆ ١٠/٧/٢٠٢٠ ساڵەک بسەر پێکئینانا نەهەمین کابینا حکومەتا هەرێما کوردستانێ بسەرۆکایەتیا مەسروور بارزانی دەرباز دبیت .
وەکی دەم بۆ حکومەتەکێ ساڵەت دەمەکێ کورتە ، کۆ بشێت لدیف کارناما خۆ دەست ب رێکخستن و پلان دانانێ بکەت .
نەخاسمە دوان کاودانێن تایبەت و دژوار یێن هەرێما کوردستانێ تێدا ، وەکی بڕینا بۆدجە و مۆچێ هەرێمێ ژلایێ بەغدا و بەڵاڤبوونا دیاردا گەندەڵیێ ل کەرتێن جوادا و لدیفرا هاتنا ڤایڕۆسا کۆڕۆنایێ ، کۆ قەیڕانا لسەر کوردستانێ گرانتر .

ڕەنگە لدەسپێکێ خەلکەکی وە هزر کربیت کۆ ئەڤ کابینا حکومەتا هەرێمێ نەشێت خۆ لبەر ڤان قەیرانێن دژوار بگریت و هزر ل هەڵوەشاندنا وێ کربیت ،

لێ سەرەرای ناکۆکیێن سیاسی یێن ناڤخۆی هەرێمێ و بەرهنگاریا گاڤێن حکومەتێ نەخاسمە پرۆژێ چاکسازیێ ژلایێ ، گرۆپێ دەسهەڵاتدارێن ئێک ژ مەزنە حزبێن پشکدار دناڤ حکومەتێ دا ، رژدیا سەرۆکێ حکومەتێ لسەر بجهــ ئینانا کارناما حکومەتێ و تەحەدایا قەیران و ئاستەنگا ، شیا گاڤێن مەزن بهاڤێژیت و دادکۆکیێ لسەر چاکسازیا و تێپەڕاندنا قەیرانا بکەت .

لدەمەکێ کورت دا ئەڤ کابینە شیا مەزاختیێن حکومەتێ کێم بکەت و داهاتان ژی فڕە لایەنی بکەت ، هەتا کۆ داهاتێن هەرێمێ ل چەند مەهێن دەستپێدێ ، چەند بەرامبەر بکەت . و هەتا پێش قەیرانا کۆڕۆنایێ شیا هەیڤانە مۆچێن فەرمانبەرا دابین بکەت .

ئەگەر تەماشەی لایێ نەپەنێ گاڤێن حکومەتا هەرێما کوردستانێ بسەرۆکاتیا مەسروور بارزانی بکەین ، بۆ بهێزکرنا هەرێمێ ژلایێ سیاسی و ئابووری و بسازیکرنێ ، گاڤێن دلخۆشکەر و جهێ شانڵزیێ نە ، ژلایەکێ پەیوەندیێن هەرێمێ لگەل عیراقێ چووینە ئاستەکێ باشتر و بەرەڤ چارەسەریێ دچن ، لگەل وەڵاتێن جیهانێ ژی پەیوەندیێن دبلۆماسیێن باش هەنە .

لسەر ئاستێ نافخۆ یێ کارگێری ، دەرماڵە و مۆچە هاتینە ڕێکخستن و ئەڤ چەندە بوویە ئەگەرێ دەست نیشانکرنا مۆچە و دەرماڵێن نەیاسایی و لبجهــ ئینانا پرۆژێ چاکسازیێ داهاتەکێ زۆر بۆ حکومەتێ دێ زڤریت کۆ هاتیە دەستپێکرن .

دڤێ ساڵێ دا لدیڤ کارناما حکومەتێ گرنگیەکا باش ب ژێرخانا ئابووری دایە وەک چاندن و پیشەسازی و گەشت و گۆزار و سەروەریکرن یاسایێ . راستە هێشتا ب پڕاکتیک نیشانێن وێ دیار نینە ، لێ پلانێن باش بۆ هاتینە دارشتن و ئەز باوەرم لدەمەکێ نێزکدا کاریگەریێن وێ یێن ئەرێنی بۆ خەلکی دێ دیار بن .

ژبووی کۆنترۆلکرنا داهاتێن نافخۆیی و دەروازێن سنووری ژی دیسان گاڤێن باش هاتینە هاڤێتن .

بڕەنگەکێ گشتی دڤێ ساڵێ دا ، دیار بو کۆ حکومەتا هەرێمێ سەرەرای هەبوونا ئاستەنگ و هەڤڕکیا یا رژدە لسەر بجهــ ئینانا کارناما حکومەتێ و ئەنجامدانا چاکسازیێن ریشەیی و دابینکرنا وەکهەڤیێ و سەروەریکرنا یاسایێ .

ڕاستە هێشتا هەمی گاڤ و بریارێن حکومەتێ بۆ چاکسازیا و زاڵبوون بیسەر قەیرانا و بسازیکرنا سازیێن هەرێمێ دیار نەبوونە ، لێ ل دەمێن داهاتی دا دێ دیار بیت کۆ سەرۆکێ حکومەتێ و تیما لگەل دا ، چ پلان و بەرنامە بۆ خۆشکرنا
ژین و ژیارا وەڵاتیان و ڤەژاندنا هەرێما کوردستانێ هاڤێتینە و چەند وێرەک و دلسۆر بوونە ل دەرکرنا بریارێن چاکسازیێ و ب نەپەنی چەند کار ژی لسەر سێکتەر و بووارێن جودا ژی هاتینە کرن کۆ هێشتا نەهاتینە ئاشکراکرن و کاریگەریێن وێ یێن ئەرێنی لداهاتی دێ دیار بن . وی دەمێ دووربینی و خەمخۆریا سەرۆکێ حکومەتێ دێ دیار بیت .

لێ پێتڤی یە ئەم وەکی وەڵاتی لەزێ نەکەین ، چونکی ڤان ڕەنگە پرۆژە و کارناما پێتڤی بدەمەکێ زێدەتر هەیە و مە باوەری هەبیت کۆ سەرۆکێ حکومەتێ ، ل بەرەیێ خەلکی یە ، دژی گەندەڵکارا و سەرپێچیکارێن سایایێ