ئەگەر ئەم راست بێژ بین ، نە قەیران دمینن ، نە مەترسی .
غیاس خالد زێباری
پسیار ل هەر تاکەکێ جڤاکی بکەی ، دێ بێژین دووبەرەکی و خیانەتکرن فاکتەرێ ژناڤچوونا بەرهەمێن شۆڕەش و قوربانیێن کوردە .
پسیار ل هەر لایەنەکێ سیاسی یێ کوردوویستانی بکەی ، دێ بێژیت ، ئەم ئێکرێزخواز ، چاکسازخواز ، دادخواز ، بەڕەڤانکار و پارێزەرێن دەسکەفت و مافێن ڕەوا یێن گەلێ کوردین .
هەر لاپەڕەکێ دیرووکا بزاڤا رزگاریخوازیا کوردستانی بخوینی ، دێ بینی کۆ هەردەمێ ، دوژمنی نەشیابیت ، رێکێ سەرکەفتنێ و بدەستڤەئینانا ئارمانجێن گەلێ کورد بگریت ، پەنا بۆ درۆستکرنا نۆکەرا و دووبەرەکیێ بریە و شیاینە سەرکەفتنێ بدەست بینن .
مادەم ئەڤە ڕاستیا جڤاکێ کوردستانێ یە ، ئەرێ تاوانبار کی یە ..؟
مانە کورد بخوونە ..!
هەمی تاکێن جڤاکی و لایەنێن سیاسی ، سازیێن حکومی و نەحکومی ، دەسهەڵاتدار و نە دەسهەڵاتدار ، دزانن نەدادوەری و گەندەلی ل کوردستانێ هەیە ، چ ل مۆچەخۆرێن وەهمی و دووسێ مۆچەیی بیت ، یان خانەنشینکرنا نەیاسایی و وەزیرێن بێ وەزیری ، هەر وەسا رێڤەبەرێن گشتی و فەرماندێن بێ پێشمەرگایەتی و پێشمەرگەهێن بن دیوار و خوڵام و رەزڤان ....هتد
د هەر رێکەکا ئەڤ گەندەڵی و نەدادوەریە هاتبیتەکرن ، یان ژبەر هەر ئەگەرەکێ بیت . هەمی ئالیێن سیاسی یێن کوردستانێ بەرپرسیارن ، بێ جوداهی .
ژلایێ سیاسی ژی ، یا روون و ئاشکرایە ، کی لایەنێ سیاسی داکۆکیکار و بەرەڤانکارا پاراستنا قەوارێ هەرێما کوردستانێ و ماف و ئارمانجێن خەلکێ کوردستانێ یە و کی بوویە بجهــ ئینەرا وەڵاتێن هەرێمی و هەوڵا لاوازکرنا پابەندیا خەلکی ب هەرێمێ لاواز دکەت و زڤراندن بۆ عیراقێ ددەت و بوویە ئەگەرێ ڕادەستکرنا نیڤەکا ئاخا کوردستانێ ب داگیرکارا و دروستکرنا قەیرانا ئابووری و دارایی ل کوردستانێ ..!
هەتا دەرکەفتنا یاسایا چاکسازیێ ل پەرلەمانێ کوردستانێ ، هەمی ئالیێن سیاسی یێن کوردستانێ پەیامێن چاکسازیێ بلند دکرن و لایەنێن بەرامبەر ب گەندەل و دژبەرێن چاکسازیا تاوانبار دکرن .
نهۆ لدەمێ دیار بووی حکومەتا هەرێما کوردستانێ ب سەرۆکاتیا مەسروور بارزانی ، پشت بەسەتن ب یاسایا چاکسازیێ ، گاڤێن پراکتیکرنا چاکسازیا هاڤێتن و یێ رژدە لسەر بەردەوامی بوونێ ،
هەمان چاکسازخوازێن دوینێ ، ب بەهانەیێن بێ بنەما ، ئاستەنگا بۆ حکومەتێ و پرۆژێ چاکسازیێ درۆست دکەن ،
ئەگەر ژی دیارن ژلایەکی نەڤێت ئەڤ سەروەریە بۆ ڤێ کابینێ بیت ، ژلایەکێ دیتر بدەهان هزار لایەنگرێن وان یێن ڤەدەر ل یاسا و رێنمایی یان لسەر حسابا حکومەتێ بۆ بەرژەوەندێن سیاسی و کەسی کرینە مۆچەخوور و خانەنشین ، ب پلێن بلند ...!
ب دەهان هزار ئافرەتێن فێسبۆکچی و هونەرمەند و راگەهاندکار و ..... کرینە پێشمەرگەهێن شاخ ..!
بێ گۆمان بڕینا مۆچەیێن وان ، خەنجەرەکا ژەهراوی یە ب وی لایەنی دکەڤیت ، چونکی بارگرانیا ئابووری دێ بۆ دروست بیت .
ئەگەر ئەم راست بێژین ، مە وەڵاتێ خۆ کوردستان بڤێت ، مە چاکسازی و سەروەریا یاسایێ ل حکومەتێ دڤێت ، دێ بەرژەوەندێن نەتەوی و نشتیمانی لسەر بەرژەوەندێن حزبی و کەسی زاڵ کەین و پشتەڤانیا حکومەتا هەرێما کوردستانێ کەین بۆ بجهــ ئینانا پرۆژێ چاکسازیا و بەرەڤ چاکسازیێن مەزنترن .
ئەگەر ڕاست بێژین کۆ مە گەل و وەڵاتێ خۆ بڤێت ، خیانەت و خۆفروشیێ و نووکەریا وەڵاتێن داگیرکار ، سەرۆک و سەرکردێن حزبا خۆ قەبۆل ناکەین ،
ئەگەر مە سەروەریا یاسایێ و ئابوورەکێ بهێز بڤێت ، دێ دژی هەر کەس و لایەنەکی ڕاوەستین ، ئەوێن داهات و سەروەت و سامانێ کوردستانێ برەنگەکێ نەیاسایی ، بۆ بەرژەوەندێن خۆ و باندەکێ دناڤ حزبا خۆدا تەرخان دکەت ..! و وەکی چەکەک دژی حکومەتا هەرێمێ بکار دئێنیت .
ئەگەر ئەم ڕاستبێژ بین ، دێ پرۆژێ چاکسازیێ و ڤان گاڤێن حکومەتێ ب دەسکەفتەکێ مەزنێ نشتیمانی بینین و بێ جوداهیێن هزری و سیاسی دێ پشتەڤان بین .
ئەگەر ئەم راسبێژ بین لسەر ئێکگرتنێ ، ئێکگرتخواز و دووبەرەکخوازا ، دێ ژێک ڤاڤێرین و پەنایێ بۆ ئێکگرتخوازا بەین و دووبەرەکخوازا روو رەش و شەرمزار کەین .
بلا پشتەڤانیا مە بۆ ئەنجامدانا چاکسازیا ببیتە ئەگەرێ پشتەڤانیکرن و دروست بوونا بەرەیەکێ سیاسی یێ کوردستانیێ کئێکگرتی بۆ بهێزکرنا کوردستانێ و بەرەڤ دەسکەفتێن مەزنتر و تەحەدایا پیلانا ، دویر ل بەرژەوەندێن بەرتەسکێن حزبی .
