هەر درامایەکێ چیرۆک و سیناریۆیا خۆ هەیە ، لدەمێ داڕشتنێ زنجیرا داویێ دهێتە دەست نیشان و تێدا ئەنجام دیار دبن ، هەر وەسا دڕاما لسەر چەند زنجیرەیا دهێنە دابەشکرن و هەر زنجیرەکێ داوی یا خۆ هەیە .

بزاڤا رزگاریخوازیا کوردستانی ژی مینا دڕامایەکێ یە و لچەند وێستگەها ، ئانکۆ زنجیرایا پێک هاتیە و هەتا نهۆ یا بەرداوامە .
زنجیرا داویێ لدەسپێکێ هاتیە دەست نیشانکرن ، کۆ ئازادی و رزگاری و سەرخۆبوونا کوردستانێ یە .

ڕاستە بەڕامبەر بەردەوامیا ڤێ دڕامایێ و گەهشتن ب زنجیرا داویێ بسەرکەفتیانە و بدەست ڤەئینانا ئارمانجێ ، ب پیلان سیناریۆیێن دژبەر هەبوونە بۆ هەلوەشاندنا وێ و لبەر ئێک برنا ئەکتەرێن دڕامایێ ، لێ ژبەر شیانداریا دەرهێنەری و باوەری بخۆبوونا ئەکتەر و قارەمانێن سەرەکی دڕامایێ قۆناغێن مەزن و گران بڕینە و دقۆناغا نهۆ دا ،

مەبەست ( ڕاگرتن و بهێزکرنا قەوارێ هەرێما کردستانێ یە) بەرهەڤیێن باش و خورت دهێنەکرن بۆ دەربازبوونێ بۆ وێستگەها داویێ . لەوما دژبەرێن وێ پشتی سەرنەگرتن و هەڵوەشاندنا چەندین پیلانێن وان یێن دژی قەوارێ هەرێما کوردستانێ و بزاڤا رزگاریخوازیا کوردستانی ، بڕەنگەکێ بهێزتر و دارێژەرتر پیلانا بۆ دادرێژن و دەستێ وان گەهشتیە دناڤ ئەکتەران دا و هندەک ئەکترێن سەرەکی ژی بووینە پشکەک ل پیلانێن نەیارا و دژایەتیا دەرهێنەری و سیناریۆرستی دکەن داکۆ ئەڤ دڕامایە لڤێ ویستگەهێ بێ ئەنجام و گەهشتن ب داویێ ، داویێ پێ بینن و بینەرێن وێ ژی نەفرینا لێ بکەن و پەشێمانیێ ل بینەریکرنا هەتا بخازن ..!

ئەڤە ئەو کەس و لایەنن ئەوێن نهۆ داخازا هەڵوەشاندنا قەوارێ هەرێما کوردستانێ دکەن و لگەل عیراقێ و هندەک وەڵاتێن هەرێمی پیلانێن سیاسی و ئابووری و لەشکری و ئێمناهی دادرێژن ، بێ لبەرچاڤکرتنا چاوانیا ئاڤاکرن و پاراستنا ڤێ قەوارەی .

لێ نزانن ئەڤ یاریا وان مینا وێ تیما تەپا پێ یە ، کۆ کۆمەکا یاریزانێن سەرەکی ژبووی شکەستنا تیمێ و بدەست نەئینا جاما خولێ رێزێن تیمێ بهێلن ،

لێ ڕاهێنەرێ وێ ب لێزانین و پلانا خۆ یا درێژخایەن و لبەرچاڤگرتنا هەمی ئەگەران ، ب یاریزانێن یەدەک درێژیێ ب یاریێن خۆ ددەت و سەرکەفتنێ بدەست دئینن و جاما خولێ بلند دکەن .

پارتی دیموکراتی کوردستان مینا وی ڕاهێنەری یە ، ئەوێ هەردەم یاریزانێن یەدەکێن زیرەک یێن بەرهەڤکری هەی بۆ یاریکرنێ بەرامبەر بهێزترین تیم و سەرکەفتنێ ژی بدەست دئینن .

تیما حکومەتا هەرێما کوردستانێ ئەو تیمە ئەوا پارتی سەرپەرشتیێ لێ دکەت و دزانین بەرامبەر هەر یاریەکێ چ پلان بکار بینیت و خالێن لاواز و بهێزێن تیما بەرامبەر باش د وینیت .

بزاڤا رزگاریخوازیا کوردستانی ژی بسەرپەرشتیا پارتی مینا درامایەکا چەندین زنجیرەیی و لدیف سیناریۆیا بۆ هاتیە دارشتن دێ بەردەوام بیت تا خەلەکا ویێ ، ئەڤ قۆناغا گەهشتیە ئاستێ قەوارێ هەرێما و پاراستنا وێ ویستگەهەک ل وێ زنجیرە دڕامایێ ، نەک خەلەکا داویێ یە ، هەر وەکی خائین و پیلانگێر و دیڤەلانکێن داگیرکارا وێ هزرێ بۆ دکەن .

ژلایەکێ دیتر پارتی دزانیت سیناریۆیا زنجیرە درامیا دژبەرێن هەرێما کوردستانێ و کوردایەتیێ ژی بداوی نەهاتینە و وێستگەها وان یا نهۆ داخازا نەهێلانا ڤی قەوارەی و تێکدانا رەوش و شیرازێ جڤاکێ کوردستانێ یە ،

لێ بەرامبەر سیناریۆیەکا وان پارتی و حکومەتا هەرێما کوردستانێ بسەرۆکاتیا سەرۆکێ هەرێمێ و سەرۆکێ حکومەتێ سیناریۆ و پلانێن بهێز هەنە بۆ ژناڤبرنا پیلانێن نهۆ و داهاتی و بینەر و جەماوەرێ ڤێ درامایێ ژی پشتەڤان و هاریکارن تاکۆ تاما خۆشیێ و بەختەوەریێ ل زنجیرا داویێ ببینن ، ئەو ژی ئازادی و رزگاریا ئێکجاری یە