لە سەردەمی ئێستادا کە جیھان وەکی گوندێکی گچکۆکەی لێھاتووە! جۆرە بازرگانییەک ھەیە کە پێی دەگۆترێت: بازرگانی درۆینە (stealth marketing) بە جۆرێک کەسێک دێت، کە ھیچ دەربارەی شتێک نازانێت و دێت ڕێکلام و دیعایەی لۆ دەکات کاتێک کە خۆی ھیچی تاقی نەکردۆتەوە یان ئەوەی ڕێکلامی لۆ دەکرێت ھیچ یەکلا نەبووەتەوە!؟؟
لە بازاڕدا ئەمجۆرە ڕێکلام و بازرگانییە بە نا ئەخلاقی و تەڵەکە و فرت و فێل دادەنرێت و بازرگانییەکی جەوەل عەبایە یان پیس ناوزەد دەکرێت چونکە ئەمە ھەڵخەڵەتاندنی خەڵکە!
ھەر ئەگەر قیچەک تێڕامینێی دەبینی لە ڕاگەیاندنەکانی نووسرا و بینراو و بیستراو و ئەڵیکتڕۆنی ڕێکلامێک دێت، کە فڵان دەرمان لۆ ئەوە باشە یان وا دەکات و وا دەکات.
جاری واھەیە کە لە ناو فیلم و زنجیرە تەمسیل لۆ نموونە؛ ئاڕم و لۆگۆی خۆراک یان خواردنەوە نمایش دەکرێت، یان ھەندێک جۆری دەرمان!!!
جاریش ھەیە! لە تۆپانێ یاریزان ھەیە بە پارەیەکی زۆر ڕێکلام مارکەیەک دەکات، لۆ نموونە: جلێک لەبەر دەکات یان لە سەر درێسی یانەکە یان لە سەر جلی ژێرەوەی ڕێکلام ھەیە و بە ئەنقەست؛ کە؛ زوومی کامێرای دەچێتە سەر ئەوجا ڕێکلامەکە نیشان دەدات.
جاریش ھەیە! ھەروەک لە ئێستادا و لە سەردەمی کۆرۆنادا سیاسی و حزبی یان سەرۆکی ووڵاتێکی وەکو ئەمریکا (دۆناڵد ترامپ) دیعایەی لۆ ئەوە دەکرد؛ کە: دەرمانی چارەسەری (کۆڤید ١٩)یان ھەیە و بە نرخێکی گونجاو دەیخەنە بازاڕەوە!؟! یان ھێشتا ووڵات و خەڵک ڕێکلام و دیعایە و بانگەشە لۆ فڵان ڤاکسین یان لۆ فڵان حەب و دەرمان دەکات؛ گوایە: چارەسەری کۆرۆنایە! کە لە ڕاستیدا؛ ھەتا ئەم دەقەی تێداینە کۆرۆنا چارەسەری نییە و ڤاکسینی نییە!!
بە ھیوام پسپۆڕانی بواری ئابووری، زیاتر ڕوونکردنەوە لە سەر ئەم بازرگانییە بدەن. چونکە لۆئێمە بەس ئەوە گرنگ بوو خەڵک لە ڕووە پزیشکییەکەوە بزانن بەڵام بێگومان جۆر و شێوازی زۆرە!