هەرسال ل دەسپێکا هاڤینێ بتایبەت مەها تیرمەهێ کۆ گەرمترین مەها هاڤینێ یە ، و چلێ هاڤینێ ئەو داگیر کریە ، گەرماتیا وێ دگەهیتە هەمی تاکێن جڤاکی ، هەژا و زەنگین ، بچیک و مەزن ، نێر و مێ ، پلەدار و بێ پلەیان و ...هتد ڤەدگریت .
لێ گەرماتیا تیرمەهێن دەربازوویی پتر کاریگەری ل چینا هەژار دکر ، چونکی پتریا وان ژبەر ڕەوشا گرانا ژیانێ د نەچاربوون کاربکەن بۆ دابینکرنا پێتڤیێن خوو .

سپێدێ هەتا ئێڤاری لبەر تیشکا رۆژێ د ئارەقێ را نقۆم دبووم ، لێترەکێ ئاڤا سار ژی تێهناتیا وان نە دشکاند ، ئەندامێن ماڵباتێ ژی ژبەرکۆ هند د خەما واندا بوون د ژۆر ڤە ، ل وان ماندیتر دبوون ..!

کارەباژی وەکی پێتڤی نەبوو ، سێبەرا سڤاندا ژی ئارەقا وان ڤەنەدماڵی ، زارۆکێن وان ژی ب بایێ باوەشینکی د خەوڕا نەدچوون ، هەتا ئێڤاری چاڤ ل دەرگەهێ حەوشێ بوو کا کەنگی دێ چیڕینا وی هێت و ماڵخۆیێ ماڵێ زڤریت .

سەر وێ ماندیبوونێ را ژبەر نەدادوەری و گەندەڵیا ل وەڵاتی هەی ، کۆ ژ ئەنجامێ ململانێ یا نە ڕەوایا حزبایەتی بوویە و خەلکەکێ هەژار و کێم دەڕامەت ژبەر خەما ژیانێ هەتا سپێدێ چاڤ ب خەوا نە دکەفت .

خەلکەک ژی هەبوو یاری ب هەستێن خەلکی دکر ، ب پارێن دزی و گەندەڵیێ ، ژبەر گەرما تیرمەها هاڤینا کوردستانێ ، گەشتێن ئەورۆپا و جهێن فێنک و دلڤەکەر دکر ...!
ڕەنگە ڤان کەسێن نەهەژی و گەندەڵکار بەرهەڤی کربن ، وەکی هەر ساڵ ژبەر گەرما تیرمەها کوردستانێ گەشتێن ئەورۆپا و ئسکەندەنافیا و ..... هتد بکەن .

لێ پرۆژێ چاکسازیێ یێ حکومەتا هەرێما کوردستانێ ، ب دادکۆکیا مەسروور بارزانی سەرۆکێ حکومەتێ ، پلان و بەرنامێ وان تێکدا و ڤێ هاڤینێ و هاڤینێن داهاتێ ، دێ تاما ژیانا دژوارا خەلکێ هەژار و دژواریا بایێ گەرمێ تیرمەهێ کەن .

پرۆژێ چاکسازیێ دێ خۆشیێن دەربازبوویی ژی لێ کەتەڤ ژەهر و هەر وەکی چ خۆشی نەبری . ڕاستە ڤان چەند رۆژێن بەری تیرمەهێ ب بریارا نەچاریا حکومەتا هەرێمێ ب هەمی پارتیێن پشکدار ، مۆچێ مەهەکێ هاتە کێمکرن ، لێ بجهــ ئینانا پرۆژێ چاکسازیێ ، کۆ دەسکەفتەکێ هەرە مەزنە و هیڤیا هەر تاکەکێ دلسۆزێ کوردستانی یە و فاکتەرێ زاڵبوونێ یە بسەر قەیرانێن بسەر کوردستانێ هاتی و خەلکەکی پیلان بۆ دانای و ڤەژاندنا ژین و ژیارا وەڵاتی و وەڵاتیان .

ب چەسپاندنا پرۆژێ چاکسازیێ گەرما تیرمەها کوردستانێ لسەر وەڵاتیێن هەژار ، دێ بیتە بایێ فێنکێ فەڕاشینێ و بێ کارەب و ئامیرێن فێنککەر ، و ب هەستەکا ئارام لگەل ئەندامێن دێ خەوەکا شرین کەن . و کێمبوونا مۆچەی و مۆچێ پاشکەفتی دێ ژبیر کەن و گەردەنکا حکومەتێ ئازا کەن .

بۆ هەروو تەخێن جڤاکی تیرمەهــ دێ بەرووڤاژی بیت و باوەریا خەلکی بۆ حکومەتێ و دەسهەڵاتێ دێ بیتە باوەریەکا پۆلایی مینا سەرەتایا دامەزراندنا حکومەتێ ، خەلک چاڤەرێ هیمەتا سەرۆکێ حکومەتێ مەسروور بارزانی یە ، بۆ بەرووڤاژیکرنا تیرمەهێ و بەرەیێ خەلکی هەردەم یێ سەرکەفتی یە .