ڕاستە نێچیرڤان بارزانی ، وەکی ژی سەرکردەکێ گەنجە ، لێ د کریاردا سەرکردەکێ کاریزما و فاکتەرێ چارەسەرکرنا پرسێن مەزن یێن سیاسی یە و هەر رێکا دگرتە بەر بۆ گەلێ خۆ ڤاڵا دکەت ل ستر و ئاستەنگا ، لسەر ئاستێ نافخۆ ژی هەردەم چادرا لێ کۆمکرنا ئالیێن سیاسی بوویە و درێکا جەنابێ ویرا هەردەم هەولێن رژد بۆ ئاشتەوایا ناڤخوویی هاتینە هاڤێتن .

سەرەدەریێن وی ب کریار سەرەدەریێن کوردستانی بوونە بێ جوداهیێن سیاسی و ئەتنی و ئایێنی .
هەر پرسەکا جەنابێ وی بەرەڤ چووبیت ، هاتیە چارەکرن و هەر رێکەکا وی گرتبیتە بەر ستری و ئاستەنگ لادانە و پیلانێن هەرێمی ژی لسەر کوردستانێ ب حیکمەتا سیاسەتا وی هاتینە هەڵوەشاندن .

ئەگەر هەوڵێن وی بۆ چارەسەرکرنا هندەک پرسا هێشتا نیڤەرۆ مابن ، نە ڕامان ئەوە نەشیایە چارە بکەت ، بەلکی لایەنکی ل وان لایەنان نەڤیایە بگەهنە چارێ یان مەرجێن نە ڕەوا هەبوونە .

بڕەنگەکێ گشتی نێچیرڤان بارزانی زۆر پرسێن مەزن چارەکرنە و رێکێن پڕ ئاستەنگ ل ستری و گەڵەما ڤاڤارتینە کۆ گەلێ کورد تێرا ب ئاشتیانە و ئارامی بگەهیتە قوناغێ .

دوینێ پیلان و قەیران و گەمارۆیێن هەرێمی بۆ ژناڤبرنا قەوارێ هەرێما کوردستانێ بچەند سەرەدانێن کورت نێچیرڤان بارزانی هاتنە هەڵوەشاندن ، هەر وەسا ب دەستپێشخەری و هەولێن جەنابێ وی ئاشتەویا کورد ـــ کوردی ل رۆژئاڤایێ کوردستانێ بوویە واقع کۆ چەندین ساڵە هەڵاویستی مابوو ، ئەڤ هەردوو نمۆنە تێرا هندێ هەنە کۆ نێچیرڤان بارزانی ب سەرکردێ قارەمانێ ڤەکرنا گرێیێن بکەس ڤەنەبوویی و پارێزەرێ ماف و بەرژەوەندێن گەلێن کوردستانێ بناڤ بکەین .

چوونا سەرۆک نێچیرڤان بارزنی بۆ بەغدا ، ژبلی کۆ ئۆمێد بۆ خەلکێ کوردستانێ درۆست کریە لسەر چارەکرنا پرس و ئاریشێن دناڤبەرا هەرێمێ و بەغدا دا لسەر بنەمایێ دەستوورێ هەردەمی .
پێکهاتا شاندێ یاوەر ، پەیامەکە بۆ نەحەز و نەیارێن ئێکرێزیا گەلێ کورد کۆ ناکۆکیێن دناڤبەرا حزبێن کوردستانێ پرسەکا ناڤخۆیی یە و نەگەهشتیە دناڤ سەرۆکاتیا هەرێمێ و مزگینیا چارەسەریا وێ لسەر دەستێ جەنابێ وی یا نێزیکە .

ژلایێ شێوازێ سەرەدەریا وی بۆ ڤەدیتنا چارەسەریێن پرسگرێکا ئیلهامەکە ژ ڤەرێژا ئیلهام و سیاسەتا پارتی دیموکراتی کوردستان و رێبازا پیرۆزا بارزانی نەمر کۆ پاراستن و داکۆکیکرنە ل ماف و بەرژەوەندێن خەلکێ کوردستانێ و ئاشتەوەیی و ئێکرێزیا هێز و ئالیێن سیاسی یە ، و بەختەوەریا خەلکێ کوردستانێ یە .

ئەز باوەرم لدەمەکێ نێزیک ب دەسپێشخەری و حیکمەتا سەرۆک نێچیرڤان بارزانی ، ئالیێن سیاسی یێن کوردستانێ دێ لسەر ڤان ناکۆکیا زاڵ بن و ئاشتەوایا سیاسی هێتە کرن ، کۆ پێتڤیەکا زۆرا فەر و بلەزە .