هەمی لایەنێت کوردستانی ل حکومەتێ دا پشکدارن و هەمی پێکڤە یێ لسەر سفرێ دەمێ حکومەت بهێز بیتن هەمی خودان زەند و بازن لێ دەمێ تەنگ دبیت بارودوخ تێک دچیت هەمی دبێژن پارتی ئەگەرە ما هەتا کەنگی دێ پەندێ ژ رابردووی وەرگرن ئەوێن ڤیاین پارتی لاواز بکەن و هزرا کودەتایێ لسەر پارتی بکەن بخو ژ ناف چووینە ٫ هزر نەکەن پارتی یا کرە ژ لاوازیا پارتیە لێ ئارمانجا پارتی یا سەرەکی ئەوە ئەف مللەتە لبن نەهامەتیان نەژیتن مساومێ لسەر مافێن گەلێ خو ناکەتن و نوکە پارتی بخو کریە ئارمانج ئێکگرتنا مللەتێ کورد ژ هەر تشتەکی گرنگ ترە ٫ ئەگەر هوین راست دبێژن حکومەت یا لاوازە یان رێگری دنافدا هەیە بوچی وەزیرێن وە دناف حکومەتێ دانە هەمی کار ب رون و ئاشکرایی یێن دهێنە برێڤە برن بوچی دەمێ بەرفرەهیان هوین هەمی قەهرەمانێت گورەپانێ بوون دەمێ بارودوخ تێک چوویی هوین هەمی ژبن باری دهێنە دەر و پارتی تاوانبار دکەن ٫ باش بزانن خەلک یێ گەهشتیە وێ باوەرێ چەوا وە ڤیا ریفراندومێ تێک بدەن و چ بەرهەم نەبیت وەسا وە دڤێتن ئەڤرو ژی وێ مێژویا پیس و رەش توبارە کەنەڤە ٫ وە دڤێت پیروزیێت ڤی مللەتی ژناف ببەن بو مووچەی هەر هەرێم نەمینیت لێ باش بزانن ئەگەر نوکە ژی راپرسیەک بهێتە کرن و بێژن وە دڤێت بچنە سەر بەغدا و مووچە بەردەوام بیتن یان دێ بێ مووچە بن پشت راستم ئەندام و لایەنگرێت پارتی دێ برساتیێ هەلبژێرن و من باوەریا هەی وەکی ریفراندومێ خەلکێ وە ژی یێ دلسوز دێ هەمان بوچون هەبیتن و بێ حورمەتیێ لسەر خو قبول ناکەن ٫ ئەف مللەتە وەسا هاتیە پەروەدەکرن حەش خاک و وەلات و زمان و کەلتورێ خو بکەن ئەگەر برسی ژی بن لێ هندەک لایەنێت کوردستانی دڤێن ڤان هەمی پیروزیان لبەر دلێ خەلکی رەش بکەن و هەرێمێ لبەر دلێ خەلکی رەش بکەن لێ وە هەژمار بو دلسوزان نەکریە خەلکەک یێ هەی ب نان و ئاڤێ دێ ژین و هەیبەتا کوردبوونا خو ژ دەست نادەن ٫ کەرەمکە عیراق ئیران سوریا هەمی هەڤ سنورن دگەل مەدا چەندین سالە دەولەتن مینا مە نە پێشکەفتی نە ٫ خەلکێ عیراقێ یێ هەوار دکەن بو سەرکردێن خو دبێژن هەرن هەرێما کوردستانێ بینن وان دلسوزێت هەین ٫ ئەگەر ئەف دژاتیا هنگ دگەل مللەتێ خو دکەن بو تورەکرنا شەقامێ کوردی هین ببنە ئێک دەست ل ناڤ دەست دێ مەزنترین فشارێ ئێخنە سەر حکومەتا عیراقێ بو بدەستڤە ئینانا مافێن رەوایێن گەلێ کوردستانێ ٫ باش بزانن هزار سالان بو پارەی خیانەتێ بکەن هەر دێ لبەر دەست و پێت دوژمنان بن وە چ هەیبەت نابیتن دەمێ تو مللەتێ خو دفروشی دوژمن قەت باوەریێ بتە نائینیتن دێ ئەو ژی تە خاین بینن ٫ خەلک وەسا هاتینە تێگەهاندن عیراق ماف دارە پارێ مە ببریتن باشە پا بوچی نابێژن ئەوێن مووچەی دبرن و بووینە دەستهەلات ل عیراقێ مە خودان کرینە مە سەدام و حکومەتا وی ژناف بریە دگەل هەڤپەیمانان هەمی رێککەفتن و دەستور هاتە دان ب ئیمزایا کوردان و مە ئەو کرنە ئەو و مافێ گەلێ کورد ۱۷٪ ب کێمی ژ بودجەیا عیراقێ هاتە دانان حکومەتێ ژ هەڤدە سەدێ کێم کریە هەتا وەختە بگەهیتە سفرێ بوچی کەس بەحسێ هندێ ناکەت کو عیراقا مافێ مە دخوت ب سەدان ملیار دولاران قەردارێ مەیە ٫ هێژایان کورت و کرمانج ل ڤان هەمی کاودانا یێن هاتینە سەرێ مە خاین و خوفروشان رێ خوش کرینە کو عیراق لسەر مە زال ببیت و حکومەتا عیراقێ دڤێت هەمی ئەو داهاتێ مە وەک هەرێمێ هەی ببەت و نیڤا وی داهاتی بدەتە مە ب منەت هندی حکومەتا مەیە دبێژیتە حکومەتا عیراقێ دێ هەمی ئەو تشتێن وە دڤێتن دەینە وە لێ دڤێت بودجێ هاتیە تەرخانکرن ب دروستی بگەهیتن مەرەم ژێ ئەو قەرێن مەژی لسەر وان بەرا بهێنە دان لەورا ڤی بارودوخی دڤێت هەمی پارت و لایەنێت کوردستانی ئێک دەست و هەڤرا بن کێشا مە چارەسەر نابیت هندی ب ئێک ودوو ڤەبین بەس یا راست حکومەتا مە یا بەرگریێ ژ مافێن رەوایێن گەلێ مە دکەتن دڤێت پشتەڤانێت حکومەتا خو بین ئەگەر برسی ژی بین نان و ئاڤێ بخوین نەهێلین کەس و چ لایەن مافی بدەتە خو ڤی مللەتی زەلیل بکەت بو پارەی و کێماتیێ بینتێ بو عیراقێ تاکێ کورد هەیبەت نامینیت ٫ ئەز د وێ باوەرێ دامە زوربەیا خەلکێ کوردستانێ دگەل هندێ نە ئەف مللەتە ب سەرفرازی بژیت و کێماتیێ نەئینێ بو ناحەزان ئەڤادی بوچونا هندەک کەس و لایانەیا خەلک دگەل وان نینە سوپاس بو خودایێ مەزن هەستێ نەتەوایەتی روژ بو روژێ لجەم تاکێ کورد بهێزتر دبیتن ل ناڤ و دەرڤەی وەلاتی مێژو رەحمێ ب کەسێ نابەت هێڤی دارم ژخو بزڤرین بەسە یاریێ ب هەستێ خەلک هەژار بکەن شەرمەزاریە خەلکی هنگ نەکرینە نوینەرێن خو هنگ دژاتیا ئێک بکەن شەقامێ کوردی ب گشتی دخازیت هەمی پارت و لایەن هەڤرا بن بلا ل نافخو مە هندی ئاریشە هەبن بلا هەبن دێ ب دان و ستاندنێ چارەبن لێ کێمترین تشت بو ڤی خەلکێ دامایی بکەن ل دەرڤە هەڤرا بن بلا هەلویست و هەلسوکەفتێت کەسان نەبنە ئەگەر مللەتی بکەنە دوو بەر و سێ بەر هتد دوژمنان هەردەم لایەکێ کوران دگرت و لایەک پشت گوهـ دهاڤێت دا ببنە دژی ئێک مە شورەشگێر هەبوون مە چەتە و خاین و خوفروش هەبوون هەردوو هەر کورد بوون لێ مێژویا سەرفرازی و سەرشوری هاتنە تومارکرن و هەمی خو دنیاسن لەورا یا فەرە دژاتیا کوردستانیان بو ڤێ قوناغێ دێ مەزنترین دربێ ل مللەتێ مە دەتن ئەمێ ل چەرخێ بیستێ دژین هێشتان ل خالا سفرێ ینە مخابن کورد هەبیت ناڤێ خوفروش بهێتە سەر ٫ باش بزانن پارتی خودانێ ڤان هەلویستایە و ئێک مەرجەع هەیە مالا بارزانە لەورا روژ بو روژێ سەنگا وێ بەرز دبیت ٫ خوزی پارتێن مە یێن کوردستانی لسەر ئیک تشت هەڤرکیێ دگەل ئێک بکەن هەول بدەن کێ دێ پتر خزمەتا ڤی خەلکێ هەژار کەت بەسە مە گەلەک نەخوشی دیتن ئیدی ڤی مللەتی هەدارا هندێ نەما خو لبەر چ ئازارێن دی بگریت بەسە خەلکی تورە کەن دێ رویێ راستەقینەیێ وە هەمیان دیار بیتن من ئومێدا هەی چەوا ڤی خەلکی خو لبەر ڤان هەمی نەهامەتی و دەردەسەریان گرتیە دێ ڤێ قوناغێ ژی دەربازکەن ب جانترین شێواز بەس لڤلڤینا و پیلانا ناحەزان نەبیتن