سێ سالان بەری نوکە ل روژەکا وەکی ئەڤرو 7/6/2017 ب دەست پێشخەریا سەروک مەسعود بارزانی وەک سەروکێ هەرێما کوردستانێ رینشتنەکا مێژویی دگەل سەرجەم پارت و لایەنێن کوردستانێ ئەنجامدا و ل روژەکا وەکی ئەڤرو ب ئێک هەلویست پێکڤە بریار دان کو راپرسی ئانکو ریفراندوم بهێتە ئەنجامدان ٫ ئەف رینشتن و هەلویستە پشتی چ هات دەمێ حکومەتا عیراقێ روژ بو روژێ ژ رێکەفتنێت خو پاشکەز دبی دگەل هەرێما کوردستانێ بێی ئەگەرەک هەبیتن تاکو گەهشتە وی رادەی هەمی پارت و لایەنێت کوردستانی پێکڤە هەڤرا بوون دگەل مەرجەعێ کوردان و بێی کو پەشیمان ببن ب ئێک دەست بو جارا ئێکێ ل مێژویا کوردستانێ بریارەک بهێتە دان هەمی پارت و لایەن پێکڤە بانگەشێ بکەن و نوینەرێت هەمی پارتا پێکڤە ل ناڤ ئاپورێن جەماوەری دهاتنە دیتن لاینگرێت هەمی پارت و لایەنا ب جوش و خروش پشکداری چالاکیان دبوون ٫ هەمی سەرکردێن کوردستانێ ژ هەمی پارت و لایەنان کەفتنە مەیدانێ و بانگەشە دکرن بو سەرکەفتنا پروسا راپرسیێ ٫ گڤاشتنێن زور مەزن ژبال وەلاتێن دراوسێ تایبەتی عیراق دهەولێن بەردەوام دابوو و تورکیا و ئیران ژی وەسا تێگەهاندن کو ئەف پروسە مەترسیە بو هەمی وەلاتان و خەلەت تێگەهاندن کو گڤاشتنێ لسەر هەرێما کوردستانێ بکەن لێ هەرێمێ پەیاما خو ب ئاشتیانە دا دیارکرن کو ئەم نابینە مەترسی بو چ وەلاتێن رەخ و دورا و دێ هەڤ سنور و دراوسێیێت باش بین بێهنا وان نەهات دەست دانە بزاڤەکا دی هەرسێ وەلاتان پێکڤە هەولدا وەلاتێن زلهێزێن جیهانێ مەرا بەردەن و مە هەمیان دیت نوینەرێ وەلاتەکی دهات و نوینەرەک دچوو لێ سەروک مەسعود بارزانی ب سیاسەتا خو یا حەکیمانە ب ناڤێ هەمی مللەتێ کورد شیا زور وەلاتان رازی بکەتن پشتگیریا مە بکەن و زور وەلاتان کر بکەت نە پشتگیریا مە کرن نەبونە دژی مەژی ئەڤە مێژویە ناهێتە ژبیرکرن سەروک بارزانی ب سیاسەتەک نەرم تا دیماهیک روژ وەسا هندەک وەلات ژمە گەهشتن کو دێ پاشکەز بین لێ جەنابی سەروکی داخازا گەرەنتیا مافێ گەلێ کورد داخاز کر کو عیراق دان پێدانی بکەت ب سەرپەشتیا وەلاتێن زلهێزێن جیهانێ وەسا دیاربو عیراقێ چ گەرەنتیەک نەدا ئەوبوو جەنابێ سەروکی ب پەیڤەکا مێژویی دیماهیک پەیڤ ل هەڤلێرا پایتەخت گوت خوو شەرمەزاری مللەتی خوم ناکەم زورا ب رامان بوو و دیماهیک هەلویست راگەهاند و داخاز ژ خەلکێ شەرەفمەندێ کوردستانێ کر بچنە سەر سندوقێن دەنگدانێ ئەو بو پتر ژ نووت سەدێ و پێهەل خەلکی لروژا 30/9/2017 دەنگ ب بەلێ بو سەرخوبونا کوردستانێ دا ب سەرپەرشتیا کومەلگەها نیڤ دەولەتی زور ب ئازادانە خەلکی پشکداری ل دەنگدانێ دا کر رێژەکا کێم ژی ب نەخێر دەنگدان ب مخابنی ڤە لێ سەرگرت و مەزنترین سەرکەفتن هاتە تومار کرن تاپویەک بو مللەتێ کورد دابینکر وەک کارتا فشارێ یە بو دەولەتا کوردستانێ ب درێژاییا مێژویێ مللەتێ کورد کارەک هوسا گرنگ نەکریە ٫ حەقدا عیراقێ و غرورا دەستهەلاتا وان چاڤێ وان بمە نەرابوون ئاریشە بومە دروست کرن بێی مە چ تاوان دژی وان ئەنجام دابن هێرشی سەر هەرێمێ کرن ب چ رەنگا نەشیان بوستەکێ بهێنە ناڤا خاکا پیروزا کوردستانێ ئەو بو پەنا برنە بەر خیانەتێ و بەشەک ژ لایەنەکێ کورستانێ رازی کرن خیانەتێ ژ مللەتێ خو بکەن و بونە رێ خوشکەر تاکو بەشەک ژ خاکا پیروزا کوردستانێ مە ژ دەست دایی لێ مێژو رەحمێ ب کەسێ نابەت مەزنترین دەستکەفت بو مللەتێ کورد ریفراندوم بوو و هەمی مللەت فەخرێ پێ دبەت ٫ سوپاس بو خودایێ مەزن پێشمەرگەهێ کوردستانێ سنورەک بو حکومەتا عیراقێ دانان ئەم توشی مەزنترین گڤاشتنا هاتین و بارودوخ زور بەرتەنگ بوو لێ وی دەمی نێچیرڤان بارزانی سەروکێ حکومەتێ بوو و کاریزما و پەیوەندیێت خو یێن نیڤ دەولەتی دانەڤە کاری شیا مە ژ ڤان هەمی گڤاشتنا قورتال بکەت ٫ مللەتێ مەژی خوراگر بوو خو ژبەر هەمی کاودانا گرت و بهێن فرەهی هەلبژارت تاکو ئەڤرو ئەم یێ دبینین هەرێمەک بهێز مە هەیە حکومەتەکا بهێزتر مە هەیە هەرێما کوردستانێ خو لسەر پێت خو گرتیە مینا وەلاتەک پێشکەفتی لسەر ئاستێ روژهەلاتا ناڤین مەزنترین پێگەهـ مە هەیە وەک وەلات سەردەریا دگەل هەرێمێ دهێتە کرن و بویە ئومێدەک بو هەرسێ پارچێن دی یێن کوردستانێ ئومێدەوارین ئەم هەمی پێکڤە ورە بەرز بین دێ بەرەف قوناغێن باشترڤە چین ٫ سوپاس بو خودایێ مەزن ئەوێن لڤێ روژا پیروز دەنگ ب بەلێ داین پەشیمان نینن و زور سەرفرازن بو نەوەیێ ئایندەی کارەک پیروز ئەنجامدان تبلێن وان زێرینن مێژو شاهدە هەر سال ئەڤێ بیرەوەریێ ب سەرفرازی دوپات دکەینەڤە و ب دەستکەفتەک مێژویی دهێتە ل قەلەم دان هەژی بێژم لسەر ئاستێ جیهانێ ژی مللەتێ کورد بو خودانا مەزنترین پێگەهـ و هەیبەت بو مللەتێ کورد چێبوو