شۆرەش ئەو شۆرەشە ئەوا گۆڕانکیاریێن بنەڕەتی دکەت ژلایێ سیاسی و جڤاکی و ..... هتد بتایبەت ئەگەر شۆرەش د دوورپێچکری بن ژلایێ وەڵاتێن بهێز و داگیرکەرێن وەلاتێ تەبن ، دڤی دەمی دا پێتڤی شۆڕەشگێر و رێبەرێن شۆڕەشێ کەسێن کاریزما بن و بشێن موعجیزا دروست بکەت ، تاکۆ شۆرەش سەربکەڤیت و ئارمانجێن وێ بدەستڤە بهێن .

شۆڕەشا گۆڵانا پێشکەفتنخواز ، ب سەرۆکاتیا پارتی دیموکراتی کوردستان و رێبەریا سەرۆک مەسعود بارزانی و ب رێنمایی یێن ڕێبەرێ نەتەوا کورد بارزانی نەمر ، شۆرەشا گۆڵانی بەری چل و چار ساڵا لدەمەکی بەرپا بوو کۆ شۆرەشا مەزنا ئیلۆنێ تووشی مەزنترین پیلانا نیڤ دەولەتی ببوو ، هەمی دوژمن و نەیارێن کوردان د وێ بەاوەریێ دا بوون ، پشتی رێکەفتنا ڕەشا ئەلجەزائیر چ شۆرەش و بزاڤێن رزگاریخوازێن کوردستانی نەمان .

لێ گیان و پەروەردەیا شۆرەشگێریا شۆرەشگێرێن شۆرەشا مەزنا ئیلۆنێ ئەوا لسەر بنەمایێ ڕێبازا نشتیمانی و نەتەوەیی یا بارزانی نەمر فێری کوردایەتی و وەڵاتپارێزی و خۆڕاگریێ بووی و سەرکردە و فەرماندەیێن کاریزما بەرهەڤ کری ، ل وێ پیلانا نیڤ دەولەتی مەزنتر بوون و ب کاریزما خۆ وەنەکر ئاگرێ شۆرەشێ ڤەمریت و برەنگەکێ سەردەمانە و پێشکەفتیتر شۆرەشا گوڵانا پشکەفتنخواز بەرپا کر و پشتی بخۆدا چوونەڤێ و دەست نیشانکرنا خالێن ئەرێنی و نەرێنی یێن شۆرەشا ئیلۆنێ بەرنامە بۆ هاتیە دارشتن و لدەمەکێ کێم دا شیا سەرکەفتنێن هەری مەزن بدەست بینیت و چەندین موعجیزا دروست بکەت .
ژ وانا : رێکخستنەڤە و چالاککرنا رێکخستنێن نهێنی دناڤ جەرگێ دوژمنی .
ــ ئەنجامدانا چەندین چالاکیێن لەشکری برەنگێ پارتیزانی کۆ پاشان گەهشتە ئاستێ تۆمارکرنا داستانێن مەزن و رزگارکرنا چەندین دەڤەرێن کوردستانێ .

ژلایێ پەروەردەیا نەتەوی و نشتیمانی ژی شۆرەشا گوڵانێ قوتابخانەیەکا هەرە مەزن بوو . لسەر ئاستێ سیاسی یێن ناڤخۆیی پڕانیا پارتیێن کوردستانی ب ئەندازیاریا نەمر ئدریس بارزانی دبن سێبەرا بەرەیێ کوردستانی هاتنە کۆمکرن ، ڕەنگە ئێکەم جار د دیرووکێ دا بیت هندە حزبێن کوردستانی ئێکبگرن .

یا ژ هەمیێ مەزنتر پراکتیزەکرنا بنەمایێن دادوەریێ و دادوەریا جڤاکی و شۆرەشگێریا رێبازا پیرۆزا بارزانی بوو دناڤ شۆرەشا گوڵانێ دا کۆ فاکتەرێن سەرەکیێن سەرکەفتنا وێ و پشتەڤانیا خەلکێ کوردستانێ بوو .

هەچەندە لسەردەمێ شۆرەشا گوڵانێ بزاڤا رزاگیخوازیا کوردستانی ل باشوورێ کوردستانێ تووشی مەزنترین هێرشێن دوژمنا بوو وەک : ئەنفال و کێمیا باران و تەعریب و بهێزکرن و زێدەکرنا جاش کوردێن سەر ب رژێمێ .

لێ لسەر ڤێ چەندێ را ئاگرێ شۆرەشا گوڵانا پێشکەفتنخواز ب سەرپەرشتیا پارتی و سەرۆک مەسعوود بارزانی رۆژ بوو رۆژێ گەشتر و بەرفرەهتر بوو هەتا کۆ سەرکەهەلدانا پیرۆزا گەلێ کورد بەرپا کر .

ئەگەر کاریزمایا سەرکردە و سەرکردایەتیا شۆرەشا گوڵانێ نەبا ، نە وێ شۆرەشێ سەرد گرت ، نەژی سەرهەلدان دهاتە رێکخستن کۆ پەرلەمان و حکومەت و سازیێن وێ و قەوارێ هەرێما کوردستانێ خۆ رادگرت ، ئەگەر ئەڤرۆ ژی سەرکردێن حزبێن کوردستانی بۆ گیانێ شۆرەشگێری و دادوەری و برایەتیا شۆرەشا گوڵانێ بزڤرن ، دێ لسەر هەمی پیلان و ئاستەنگا زاڵ بن و هەرێما بەرەڤ پێشڤەچوونێن باش بەن ، ژلایێ ئیداری و سیاسی و دبلۆماسی .

چونکی تێپەڕادنا رەوشا نهۆ یا هەرێما کوردستانێ ، ل تێپەراندنا وان ئاستەنگ و پیلانێن سەردەمێ شۆرەشا گوڵانێ زەحمەتر نینە کۆ چەندین موعجیزە دروست کرین . دیروک دبێژیتە مە شۆرەشا گوڵانێ شۆرەشا سەرکەفتن و موعجیزا بوو ، هەردەم مە پێتڤی یا ب گیان و هەستێ وێ هەیە .