شورەشا گولانا پێشکەفتنخاز ب دروشمێ یان کوردستان یان نەمان ل ۲٦ ئەیارا سالا ۱۹۷٦ بەرپابو ددەمەکیدا کو مللەتێ کورد توشی زور نەهاتیان هاتبو و پشتی نسکویا سالا ۱۹۷۵ و شورەشا ئەیلولێ مللەتێ مە چ ئومێدەک نەمابو ل سەرانسەری جیهانێ چونکی دوژمنێت مللەتێ مە رێکەک نەهێلابو بو مللەتێ کورد چ سزایەکا ب کەرب و کین هەیە هەمی رەنگە هێرشێت دوژمنانە ئینانە سەر مللەتێ کورد و دەست ب ئەنفالا کر و ۱۸۲ هزار کورد بن ئاخکرن ل هەمی دەڤەرێن کوردستانێ بێ جیاوازی بێی کو چ گونەه هەبن تنێ تاوانا مە ئەوبوو ئەم کورد بین مللەت کیمیا بارانکر ٫ لێ سەروک مەسعود بارزانی و ئیدریسێ جانەمەرگ و چەند سەرکردەیەکێن دلسوز یێن کو ژ شورەشێ ڤەقەتیا بون هەمی لبن چەترێ مالا بارزان کومبونەڤە جارەکا مللەتێ کورد چەکێ شەرەفێ هەلگرتن و کەفتنە چیا و چولا سەرەرای ئەو شیانێت کێم لبەر دەست لێ هەمی خەلکێ کوردستانێ یان بونە پێشمەرگە و کادر یان ژی ئەوێن لبن زولم و زورداریێ دژیان دەست هاڤێتنە چەکی و خەباتا سیاسی و پشتا شورەشێ دگرتن و سیاسەت دناف تاخ و کولانان ب نهینی و هنارتنا هاریکاریان بو شورەشێ زور خەلک هاتنە گرتن و سێدارەدان و توشی زیندانێ هاتن مەرەما من ئەو کوردێن دلسوز ٫ جارەکا دی ئومێدەک پەیدا بو وەک تامەمکەرێن شورەشا ئیلونا مەزن و خەباتا چەکداری ئەگەر باس ل وان روژێن سەخت بکەین ب سەدان کتێبا بدیماهیک ناهێن پێشمەرگە و کادر و سەرکردێن وی دەمی و رێکخستنێن نەهینی وەک چیروک بو ڤی نەوەی ڤەدگێرن ب هەزاران چالاکی هاتنە ئەنجامدان دژی رژێما بەعسا گور ب گور و حکومەتا سەدامێ دکتاتور کەفتە بن گڤاشتنێ نەچاربوو هەولا دگەل سەرکردایەتیا کوردستانێ بکەت لێ ژبەرکو هند وی دەمی رژێمێ و حکومەتا عیراقێ ل رابردو رێککەفتن دگەل بارزانی نەمر کربون و ژ رێککەفتنێت خو پاشگەز دبوون و خیانەت کربون ئیدی ڤێ جارێ سەرکردایەتیا کوردستانێ چ باوەری نەمابون لەورا ئامادە نەبوو چ رێککەفتنێت دی دگەل عیراقێ بکەتن داخازا ئازادی و بەردانا خاکا پیروزا کوردستانێ دکرن و زور دربێن کوشندە ب سەدان رێیان ل حکومەتا وی دەمی یا زالم ددان ل سەرانسەری کوردستانێ هەمی هێز و لایەنێت سیاسی ئێک دەنگ و ئێک هەلویست بوون و ب نهێنی دروشم لناف تاخ و کولان و گوند باژێران بەلاف دکرن ب رێیا رێکخستنێت نهینی باژێرەک نەهێلان حکومەت زور دگەریا مللەتی بن بر بکەت و قەزیا کوردی ژناف ببەتن و ب رێیا گرنگیدان ب خوفروشان ناکوکی دناف مللەتی دروستکرن لێ شورەش روژ بو روژێ بهێز تر دهاتە دیتن ٫ عیراق ژی لسەر شەرێن خو بەردەوام بو هەر سال خو ل وەلاتەکێ دراوسێ ددا دیماهیک جار هێرشی سەر وەلاتێ کوێت کر و سەدامێ دکتاتور لژێر ناڤێ کوێت پارێزگەهەکا عیراق یە کوێت داگیر کر وەلاتێ ئەمریکا و هەڤپەیمانێن وێ دربەکێ کوشندە ل عیراقێ دا و زور لاوازکر چونکی عیراقێ چەندین شەر ب وەلاتێن دەوروبەر فروتن و لەشکەرێ خو بێهێز کر دەلیڤە بو شورەشگێرێن شورەشا گولانێ پەیدا بو و دەست ب ئازادکرنا نافچەیێن کوردستانی کر هەر چەندە عیراقێ و چەتەیێن وێ و خوفروشان هەولدا رێکێ ل شورەشێ بگرن لێ کار لدەست وان دەرکەفت و خەلکێ شەرەفمەندێ کوردستانێ دەست ب راپەرینێ کر دەڤەر بو دەڤەرێ ب پشتەڤانیا پێشمەرگەی و عیراقێ دەست ب ڤەکێشانێ کر ل کوێتێ و دخیالدا نەبوو هوسا ب ئاسانی بشکێن لێ شکەستە کەفتە نافدا ئەوبوو دو فەیلەقێن لەشکەرێ عیراقێ خو رادەستی پێشمەرگەهێ کوردستانێ کرن دیسان سەروک مەسعود بارزانی ب وی دلێ مەزن ئەو ئازادکرن یێ ڤیا بچیتە ناف کەس و کارێن خو ب سلامەتی برێکرن و ئازادکرن و یێن ڤیاین بمینن و نەوێرن بچن دیسان ماف دا وان و یێن ڤیان بچنە دەرڤەی وەلاتی ٫ عیراق ژ کوێتێ ڤەکشیا و جارەکا دی هەمی هێزا خو دژی مللەتێ کورد بکارئینا ب توب و تانک و فروکا ئەوبوو مللەتێ کوردستانێ ب گشتی پشتی ئادارا سەرهەلدانا ۱۹۹۱ بن دەستی رەتکرن هەمی ئاوارە و دەربەدەری وەلاتێن تورکیا و ئیرانێ بوون و کوچا ملیونی دەستپێکر لێ ڤێ جارێ جیهان هاتە سەر خەتی و کێشا کوردان هاتە گهورین تایبەتی دەیکا کوردان دانیال میتران خێزانا سەروکێ فەرەنسا کو وی دەمی خێزانا فرانسو میتران بوو سەروکێ فەرەنسا دگەل کومەلگەها نیڤ دەولەتی کەفتنە بەرگریکرنێ و ئەمریکا هاتە سەر خەتی و هێلا ۳٦ بو حکومەتا عیراقێ وەک هێلا سور دانان و مللەت ژ غریبیێ زڤری و بەرهەمێ شورەشێ هەمی پارت و لایەنێت کوردستانی وی دەمی هەڤرا بوون و بەرەیێ کوردستانی هاتە دانان و بەرهەمێ شورەشا گولانێ زوربەیا نافچەیێن کوردستانی هاتنە ئازادکرن و حکومەت و پەرلەمان هاتنە دامەزراندن و کوردستانیان بخو کارێن خو برێڤە برن و تاکو ئەم گەهشتینە قوناغا ئەڤرو ٫ لەورا هەر کوردەک ئەڤێ شورەشێ ب شورەشا ئومێدێ بو گەلێ کوردستانێ دزانن و ئەڤرو ٤٤ سال دبورن لسەر بەرپابونا ڤێ شورەشێ شورەشا تەمامکەر یا خەباتا کوردان دهێتە نیاسین و هەمی مللەت فەخر و شانازیێ پێ دبەن ل وی دەمی تنێ ئارمانج کوردایەتی و کیانی کوردی بوو و هاتە دی ٫ رێز و سلاڤ بو قەهرەمانێت ڤێ شورەشا مەزن شێخان ژی چەندین سەرکردە و پێشمەرگە و رێکخستنێت نەهینی هەبوون مینا هەر دەڤەرەکا کوردستانێ و چەندین داستان لێ هاتینە ئەنجامدان و خەلکێ شێخان هاتینە ئەشکەنجە دان و سێدارەدان و نەهامەتی دەردەسەری دینی نە سوپاس بو هەمی قەهرەمانێت نەهێلاین ئیدی ئەف مللەتە بن زولم و زورداریێ بژیتن .