تێكۆشانی مەسروور بارزانی لە پێناو كوردستانێكی بەهێزتر ..
رێبوار حەمەلاو شوانی
بێگومان کورد کوردستانێکی بەهێز هەڵدەبژێرێ و خەونی لەمێژینەی گەلەکەیەتی رووبارێک خوێنی بۆ داوە تا گەیشتوەتە ئەو بڕە ئازادییەی کە ئێستا هەیە، هەرگیز نابێ وابیر بکەینە جارێکی تر ببینەوە ژێردەستی هیچ نەتەوەیەکی تری بێگانە، دەسکەوتەکانی شۆرش و راپەرین و ڕشتنی رووبارێک خوێن بەهەدەر بدەین، بۆیە دەبێ نەتەوەی کورد خۆڕاگرو بەهێزو یەکگرتو بێت، بۆئەوەی بگەینە مافەکانمان دواڕۆژێکی بەهێزو ژێرخانێکی پۆڵاین دابڕێژین بۆ نەوەکانمان، مافەکانی ئێمە لە بەغداد زامن و دەستەبەر نابێت، کورد کەمینەیە لەعێراق دەستوور جێ بەجێ ناکرێت هیچ رێکەوتنێک هەتاسەر نابێ، بۆیە کورد دەبێ هۆشیاربێ ئێستا سەرەتایە بۆ نوێ بوونەوەی ژیان لەعێراق و کوردستان و جیهان.
ڕێزدارمەسرور بارزانی سەرۆكی حكومەتی كوردستانە كەلەكاتێكی زۆر هەستیاردا ئەركێكی زۆر قورسی كەوتۆتە سەرشان، ڕێزدار مەسرور بارزانی لەكاتێكدا كابینەی حكوومەتی پێكهێنا كە رۆژهەڵاتی ناوەراست تووشی زۆر گرفتی قورس بووە، هەر لەناكۆكی نێوان ئێران و ئەمریكا تادەگاتە هەوڵەكانی رێكخراوی تیرۆریستی داعش لەشارە سونە نشینەكان، لەلایەكی ترەوە بەهیزبوونی ململانێكانی نێوان ئەمریكا و رووسیا ، گۆرانكارییە بەردەوامەكانی وڵاتانی عەرەبی وایكردووە كە ئەم قۆناغەی ئێستای رۆژهەڵاتی ناوەراست بەگشتی زۆر هەستیار بێت ،كاریزمایی ڕێزدار مەسرور بارزانی وادەكات كەبتوانێت كۆنتڕۆڵی بەشێك لەو پەرتەوازەییەی وڵات بكات، كە ساڵانێكە ململانێ سیاسییەكان شپرزەیان كردووە، بەتایبەتی یەكخستنەوەی نێوماڵی كورد كە ئەرێكی زۆر گرنگ دەبێت لەم قۆناغەدا، بەتایبەتی كاریزمایی سەرۆكی حكومەتی كوردستان ,واقعێك دروست دەكات كە تەواوی لایەنە بەشداربووەكانی حكومەت ناچاربن تەواوی بەرپرسیارێتی هەڵبگرن، چونكە وەك بینیمان لە كابینەكانی پێشوودا لایەنەكانی بەشداربوو لە حكومەت قاچێكیان لە حكومەت و قاچێكیان لە ئۆپۆزسیۆن بوو، بەلام لەم كابینەیەدا ئەم كارە ئەستەم دەبێت. ئەندازیاری ئارامی و ئاشتی، كارێزمایی دەوڵەتداری یەكێك لەخاڵە بەهێزەكانی ڕێزدار مەسرور بارزانی ئەوەیە كە ئەزموونی پێشووی لە كاروباری ئاسایش و ئارامی نموونەیەكی بێوێنەی لەسەركەوتن تۆماركرد، چونكە لەو ماوەیەدا كەسەرپەرشتی كردنی ئەم دەزگا هەستیارەی كەوتە ئەستۆ رۆژهەڵاتی ناوەراست كەوتە قەیرانێكی نامۆی ئەمنی و شاڵاوی تیرۆر جەنگی تایەفەگەری زۆربەی ولاتانی ناوچەكەی گرتەوە، دواتر شالاوێكی تیرۆلیستی لەژیر چەندین ناوی جیا لەوانە گروپی تیرۆلیستی داعش رووی لەناوچەكە كرد و هێرشی بۆ سەر زۆربەی وولاتانی رۆژهەلاتی ناوەراست دەستپێكرد، ئەوەی شایەنی باسبێت بەهۆی هەنگاوە حەكیمانەكانی ڕێزدار مەسرور بارزانی بەدرێژای ئەو ماوەیە هەرێمی كوردستان بەئارامی مایەوە تەنانەت ئارامی هەرێمی كوردستان بوو بەدەرگایەك بۆ ولاتانی تری ناوچەكە و وەك خاكێكی فریاد رەس وەها بوو بۆ پەنابەرانن ئەگەر زیاتر ووردبینەوە هەرێمی كوردستان تاكە ناوچەی ئارام بەدرێژای ماوەی چەندین ساڵ و ملیونان پەنابەر روویان لەهەرێمی كوردستان كرد.سەرجەم چاودێرانی سیاسی پێیانوایە كەسایەتی سەرۆكی حكوومەتی هەرێمی كوردستان ڕێزدار مەسروور بارزانی هێندە كارێزمایەكی بەهێزە كە دەتوانێت ئەم قۆناغە هەستیارە ببرێت ، چونكە حیكمەت و سەركردایەتی رێزدار مەسرور بارزانی متمانەیەكی وەهای دروستكردووە كە لەنزیكترین كاتدا وەرچەرخانی مێژوویی روودەدات كە هەموو میللەت شانازیی بەهەنگاوەكانییەوە بكات، دڵنیام لەماوەیەكی نزیكدا ئەنجامە سەركەوتووەكانی كابینەی نوێ دەردەكەوێت. كەسایەتی بەتواناو لێهاتوویی و لەخۆبووردوویی سەرۆكی حكوومەتی كوردستان رێزدار مەسروور بارزانی وادەكات كە لەنزیكترین كاتدا حكوومەتی هەرێمی كوردستان بتوانێت زۆرترین هەنگاوی بەرەوپێشچوون بنێت و بەسەر تەواوی قەیرانەكاندا زاڵبێت و گەشەپێدان لەسێكتەرە هەستیارەكاندا بەرەوپێش بچێت، لەرووی سیاسیشەوە تەواوی هاووڵاتیان و كوردستانیانی سەرجەم پارچەكان پشتگیری حكوومەتی داهاتوو بكەن، ئەمەش دەبێتە خاڵێكی زۆر گرنگ بۆ زامنكر هێمنی و ئارامی و خۆشگوزەرانی سەرجەم خەڵكی كوردستان. ئەمرۆ كوردستان لە دۆخێكی هەستیار وچارەنووسسازدایە، لەلایەك جەنگی ڤایرۆسی كۆرۆنا، قەیرانی دارایی و ئەو پیلان و قەیرانەیە كە بەغدا بۆ كوردستانی دروستكردووە و هەندێك تاقم و كەسی لە كوردستانیش لە ژێر كاریگەری و فەرمانی ئەو هێزولایەنانەن كە چاویان بە سەركەوتن و سەقامگیریی كوردستان هەڵنایەت . ، بۆیە پێویستە ئێمەی کورد یەکگرتوو بین نەکەوینە چاڵی دووژمنان، ئەوەی هەمانبێ رادەستیان بکەین لەمەودووا عێراق بۆ کورد نابێ، لەو کاتە یەکگرتوی کوردو چاکسازی ناوەخۆیی و رێکخستنەوی هێزی پێشمەرگەو دابین کردنی ماف بۆ هاووڵاتییان و هۆشیاری و خۆراگری و خۆبەدەستەوە نەدان ئەمان گەینێتە لووتکەی سەرکەوتن، ئەوەمان بیر نەچی ئێمە خاوەن نەوتین هەموو زلهێزەکانی جیهان شەڕیانە بۆ نەوت،کەواتە بۆ ئێمەی کورد خۆماڵی کردنی نەوت گەورەترین دەسکەوتە.بەدڵنییاییەوە ، سەرۆكایەتی حكومەتی كوردستان بە سەركردایەتی رێزدار مەسروور بارزانی ، بە ستراتیژ و پلانی حەكیمانە بە سەر كێشە وقەیرانەكاندا زاڵ دەبێت و كوردستان بەهێزتر و پێشكەوتووتر دەبێ..
