ئەڤرو ب هەلکەفتا جەژنا رەمەزانێ پیروز بەیاننامەکا پیروزباهیێ ئاراستەی تەڤایا مللەتێ کوردستانێ کر ٫ ژبەرکو کابیەنا نوی یا حکومەتێ زور ب رونی کارێن خو ئەنجامداینە ئەڤرو برا گەورەی کو سەروکێ حکومەتێ یە هەمی تشت دانانە سەر بەرکێ ٫ ڤیا چ تشت ڤەشارتی نەبن تاکو خەلک ژی هایدارێ رەوشا حکومەتێ بن و پلانێت هاتینە دانان بو ئایندەی ٫ داخازا جەژنەکا خوش کر بو وەلاتیێن کوردستانێ هەروەسا داخاز کر د مالێن خوڤە جەژن بخوشی ب رێبکەن و پێیگیری رێنمایێن تەندروستی بن بو سلامەتیا کەس و کار و خێزانێن وە و کومەلگەها وە ٫ دیسان گوت هەرێما کوردستانێ و زوربەیا وەلاتێن جیهانێ پشتی بەربەلاڤبونا نەخوشیا کورونایێ و دابەزینا نرخێ نەفتێ هەمی وەلات توشی بارودوخەکێ سەرسەختێ ئابوری بووینە و دەرڤەی دەستهەلاتا حکومەتێ یە و کارتێکرنا خو هەبویە لێ ئاماژە ب وێ چەندێ ژی دا کو حکومەتێ هەولێن بەردەوام داینە ڤی باری لسەر ملێ وەلاتیان سڤک بکەتن ٫ دیسان گووت هەر ل دەسپێکا دەست بکاربوونا مە ل کابینەیا نوی یا حکومەتێ گرنگیێ بدەینە داهاتێ کوردستانێ و ببیتە ژێدەرەک سەرەکی دا مللەتی ل مەترسیان دیر بێخین ٫ دیسان ئاماژە ب وێ چەندێ دا کو ل دەسپێکێ ل تەموزا سالا بوری مە دگەل حکومەتا بەغدا د سەرەدانا مە ئێکێ دا مە هەولدا کێشێن هەلاویستی چارەسەر بکەین تایبەتی لدور کێشێن نەفتێ و ئەم هەماهەنگ بووین لێ ل ئوکتبەرا سالا بوری بارودوخێ عیراقێ بەرەف تێک چوونێ ڤە چوو و لدویف خاستا خەلکی هاتە هەلوەشاندن نەکوو مە چەندین پێشنیار دانابوونە بەر سینگێ وان بو چارەسەرکرنا ئێک جاری ٫ دیسان جەنابێ وی گووت ئەف بارودوخە دێ پتر مە هاندەتن کو گرنگیێ ب داهاتێ نافخویی بدەین بو سەقامگریا ئابورێ کوردستانێ ٫ هەروەسا نیشان ب یاسایا چاکسازیێ دا و گووت ئەم رژدین و کارناما حکومەتا نوی دایە ئەف یاسایە بهێتە کاراکرن و داخاز ژ هەمی لایەن و پارتێت کوردستانی کر پشتەڤانێت حکومەتا هەرێمێ بن ژ بو جی ب جی کرنا ڤێ بریارا حکومەتێ و گوتی ئەڤە داخازا خەلکی یە و ئەژی دێ چمە پال داخازیا وان و دیسان گوت دڤێت رێ ل گەندەلیێ بهێتە گرتن ل هەمی باژێر و باژوروکێن کوردستانێ و لەوانەیە کارتێکرن لسەر بەرژەوەندیێت تاکی هەبن لێ دێ ل بەرژەوەندا مللەتی دابیتن و ئەوێن مالێ حکومەتێ بو بەرژەوەندیێت خو بکار ئیناین دڤێت بهێنە سزادان و دێ هەمی کوردستانێ ڤەگریتن دڤێت مال و داهاتێ کوردستانێ ببیتە داهات بو حکومەتێ نابیت چ کەس و لایەن بخو قورخ بکەن ٫ دیسان ب ئاشکرایی گووت سیاسەتا حکومەتێ ل ماوێ بوری نەشیایە ژبەر گڤاشتنا وەک پێتڤی کارێن کارگێری و ئیداری ب جانی برێڤە بچن ٫ دیسان گووت کارێ حکومەتێ ب دانا مووچەی تنێ بەس نینە ۸۰٪ داهاتێ حکومەتێ بو مووچەخورانە کو ۲۰٪ خەلکێ کوردستانێ تێدا مفادارن و گوتیە نابیت مووچە خور تنێ هزر ل مووچێ خو بکەت و بێ بەش بیتن ل کێمترین کارێن خزمەتگوزاری دناف وەلاتی دا ٫ هەروەسا گوتی من ل گوتاراخو یا دەست بکاربونێ دیار کریە کو حکومەت قەرز دارە و پتری ۲۸ ملیار دولاران و گوتێ حکومەتا عیراقێ ژی کەمتەرخەم بوویە و ئەگەرە ب نەهنارتنا بودجە و مووچێ هەرێما کوردستانێ ٫ د بەیانناما خودا برا گەورەی چ تشت نەهێلان ڤەشارتی و ئەرکێ حکومەتێ و وەلاتیان دیارکرن کو پێتڤی پێکڤە هاریکاربن بو دەربازکرنا ڤی بارودوخێ سەخت و حکومەت دێ پتر گرنگیێ دەتە داهاتێ نافخو و دێ مووچێ خەلکی دابین کەتن تاکو ئیدی چ بارودوخ بهێنە پێش کارتێکرن لسەر وان نەبیتن و گوتیە دڤێت حکومەت بخو پاشکەفتی ژی پاش خوڤە بهێلیت بو نەوەیی ئایندەی و بەرپرساتیا هەموو لایەکی یە ٫ خەلک چاڤەرێ تشتەکێ دلخوشکەر بوو ژ گوتارا سەروکێ حکومەتێ و ب راستی ژی وەسا خویا بو حکومەتێ پلانێت باش هەنە بو ئایندەی ٫ دیسان ل دیماهیک خال ئاماژە ب وێ چەندێ دا کو حکومەتێ رێکارێن باش و توند زی گرتنە بەر بو ری ب ری بوونا کورونایێ و گوت ئەم دزانین کارتێکرن لسەر ژیارا خەلکی هەبوویە تایبەتی تەخا هەژار و سوپاسیا خوراگری و بێهن درێژیا خەلکێ کوردستانێ کر کو هەڤکاربوونە دگەل حکومەتێ بەلێ ئاماژە ب وێ چەندئ دا کو پێشلکاری دهێنە دیتن و خەلک هێدی هێدی وەکی بەرێ پێگیر نینن هێشتا مەترسیا کورونایێ مایە و داخاز ژ خەلکی کر پێگیربن و ئەوێن سەرپێچیێ بکەن و ببنە ئەگەرێ تێکدانا رەوشێ دێ رێ ل وان هێتە گرتن ٫ دیسان گوت مە نەهێلایە خوراک و دەرمان ل هەرێمێ ببنە مەترسی بو وەلاتیان و ئالوگوریا بازرگانی دێ بەردەوام بیتن و گوت مە پلان هەیە ژبلی دابەشکرنا بەشە خوراکێ هەیڤانە ئازوقە دێ هێتە دابەشکرن لسەر وەلاتیێن هەژار و بێ دەرامەت و پلانا حکومەتێ یە بو داهاتی داهات بگەهیتە تەخا هەژار و گەلەک خالێن دیتر باس ژێ کرن ئومێدەک ل جەم وەلاتیێن کوردستانێ پەیدا کرەڤە و ل راگەهاندنێ و سوشیال میدیایێ زور بەربەلاڤ و گرنگی پێ هاتە دان داخازا سەرکەفتنێ و بەردەوامیێ ژ سەروکێ حکومەتێ دخازین کوردستانێ بەرەف قوناغەک باشتر ببەت و حکومەتەک بهێز د خزمەتا خوشکرنا ژیارا وەلاتیێن کوردستانێ بهێت دیتن.