ئەڤ کابینا حکومەتا هەرێما کوردستانێ بسەرۆکاتیا مەسروور بارزانی هەر ل رۆژێن دەسپێکێ بوویە جهێ ئۆمێدا خەلکێ کوردستانێ ، چونکی هەلگرا پەیام و درۆشمێ سەروەریا یاسایێ و بەرهنگاریا گەندەڵیێ بوو ، گاڤێن باش و بلەز ژی دڤی واری دا هاڤێتینە و پڕۆژێ وێ یێ چاکسازیێ بوویە یاسا و خەلک چاڤەرێ چەسپاندنێ یە ، چونکی رێگری لبەر نەمان و دشێن ب چەکێ وێ یاسایێ شەرێ گەندەڵیێ و گەندەڵکارا بکەن .

سەرکەفتنا مەزنا حکومەتا هەرێما کوردستانێ ل بەرهنگاربوونا ڤایرۆسا کۆرۆنایێ (کۆڤید ۱۹ ) ، خۆیا کر کۆ ئەڤ کابینا حکومەتێ خودان ئیرادە و بریارە و ب باوەری بخۆبوون و ووڕەیەکا مەزن سەرەدەریێ لگەل بوویەر و روودانا دکەن و ئەرک و بریار و کارناما خۆ بجهـ دئینیت .

ژلایەکێ دیتر ڤێ سەرکەفتنا بەرامبەر کۆرۆنایێ باوەریا خەلکی زێدەتر کر کۆ حکومەتا مە د بەرهنگاریا ڤایرۆسا دیتر ژی دا کۆ ( گەندەلیە ) دێ بسەرەڤیت .

ئەگەر کۆرۆنا بەڵا و روودانەکا نەشخافل بیت و بارێ حکومەتێ و تەڤایا ستاڤ و کارمەند و فەرمانبەرێن وێ ماندیکربن و بارێ وێ یێ دارایی زۆر گران کربیت ، بەرهنگاربوونا گەندەڵیێ ژلایێ گیانی بۆ کادرێن حکومەتێ سڤکترە و پێتڤی ب مەزاختنا ناکەت ، بەرۆڤاژی کۆرۆنایێ دێ داهاتێ حکومەتێ و هەرێمێ ب گشتی سڤک و زێدەتر کەت . نەخاسمە کۆ پلان بوو هاتیە دارشتن و پشتەڤانیا یاسایی ژی هەیە .

ئەگەر کۆرۆنا لدیڤ مرنا خەلکی و ئابوورێ وەڵاتی بگەرێت و پەتایەکا بێ چارەیە ..؟ حکومەتێ شیا سەرکەفتنێ لسەر بینیت ...! بەرهنگاریا گەندەلیێ ڤەژینا خەلکی و ئابوورێ وەڵاتی یە و چارەسەری هەیە ، سەرکەفتنا حکومەتێ بسەر وێ دێ ب ساناهیتر بیت .

ئەگەر پەیگیریا خەلکی ب بریار و ڕێنمایی یێن خۆپاراستنێ فاکتەرەکێ کاریگەر بیت بۆ سەرکەفتنا حکومەتا هەرێێ بسەر کۆرۆنایێ ...؟ بۆ بەرنگاریا گەندەلیێ خەلک پتر دێ پشتەڤان و هاریکار بیت .
لێ پێتڤی یە تەڤا ستاڤێ حکومەتێ و سازیێن دیتر یێن کوردستانێ ب هەمان هەست و ووڕە و شیان پشتەڤانیا سەرۆکێ حکومەتێ بن ژبوو بجهــ ئینانا یاسایا چاکسازیێ و بەرهنگاریا گەندەڵ و گەندەڵکارا و سەروەریا یاسایێ و دبینکرنا ئاسایش و دادوەریا جڤاکی .

پشتێ ڤێ سەرکەفتنا مەزنا حکومەتا هەرێما کوردستانێ بسەر پەتایا کۆرۆنایێ کۆ مەزنترین کارەسات و روودانا ڤی سەردەمی یە و بۆ هەتا هەتا گەلێ کورد دێ شانازیێ پێ کەت ، خەلکێ هەرێما کوردستانێ چاڤەرێ حکومەتا هەرێما کوردستانێ دکەت ، سەرکەفتنەکا بڤی ڕەنگی بسەر گەندەڵیێ و کەندەڵکارا تۆمار بکەت و ب ڤایرۆسەکا مینا کۆرۆنایێ ببینیت و سەرەدەریێ لگەل بکەت .

داکۆ باوەریا خەلکی ب دەسهەڵاتا خۆ مۆکۆتر بیت و ببیتە ئەگەرێ ڤەژاندن و پێشڤەچوونا کوردستانێ ژلایێ ئابووری و ئاڤەدانی و بناغەیەک بۆ قوناغێن داهاتی ، ژلایێ سیاسی ژی لسەر ئاستێ نافخۆیی و نیڤ دەولەتی پێگەهێ هەرێما کوردستانێ دێ پشتەڤانیا زێدەتر هەبێت و چیتە دقوناغەکا گەشتر دا .