رێبازی پارتی و بارزانیی ئەو رێبازە كوردایەتییە كە دەیان ساڵە لە پێناو پاراستنی شكۆ و مێژوو و شوناسی كورد هەزاران قوربانی بەخشیووە و دەبەخشێ‌ تاگەیشن بە ئامانجە گەورەكەمان .خاك و نیشتمان دوو وشەیە،‮ ‬بەڵام بەهایەكی‮ ‬زور گرنگی‮ ‬هەیە،‮ ‬نەك لە رووی‮ ‬زمانەوە،‮ ‬بەڵكو لە رووی‮ ‬هزر و بیر و بۆچوونی‮ ‬تاكە كەسی‮ ‬و كۆمەلایەتی،‮ ‬چونكە ئەم خاك و نشتمانە لەسەر بناغەی‮ ‬هزر و بۆچوونی‮ ‬بارزانی‮ ‬نەمر و هەزارەها شەهید و شۆڕشگێڕ‮ ‬دامەزراوە،‮ ‬شانبەشان لەگەڵ هاوڵاتییانی‮ ‬كوردی‮ ‬بە شەرف،‮ ‬ئەو شۆڕشگێڕانە لە ساتەكانی‮ ‬زۆر زەحمەت و سەختدا خۆیان كردە قوربانی‮ ‬و فیداكاری‮ ‬خاك و نیشتمان كە بە كردار ئەنجامیان داوە و بریتیبوو لە خەبات و خۆ قوربانی‮ ‬كردن بۆ ئەم خاك و نیشتمانە،‮ ‬نەك بە قسە و دروشم‮ .‬هەروەها دەبێت هەموومان بزانین كە ئەم قۆناغە،‮ ‬قۆناغێكی‮ ‬سەخت و هەستیار و زەحمەتە كە رووبەرووی‮ ‬میللەتی‮ ‬كورد دەبێتەوە،‮ ‬لە لایەن دوژمنانەوە چ لە ناوەوە بن‮ ‬یان لە دەرەوە،‮ ‬پێویستە لەسەر هەموو بەرپرسێكی‮ ‬حكومی‮ ‬یان حزبی،‮ ‬بە كردار و بە رۆح و هەستێكی‮ ‬نەتەوەیی‮ ‬بەرامبەر بەم دۆخە هەستیارە رۆڵی‮ ‬خۆی‮ ‬ببینێت،‮ ‬نەك بە هاندانی‮ ‬خەڵك بۆ مەرامی‮ ‬سیاسی‮ ‬و شەخسی،‮ ‬لەناو هۆلەكانی‮ ‬ئاهەنگ و كۆبوونەوەكان،‮ ‬یان لەسەر كورسی‮ ‬خۆیان دانیشن و باسی‮ ‬ئەم قۆناغە سەختە بكەن بە دروشم و قسە كە مەبەستیان تەنها هاندانە،‮ ‬بەڵكو دەبێت بچنە ناو خەڵك و فەرمانبەرانی‮ ‬خۆیان بۆ ئەوەی‮ ‬ببێتە هۆی‮ ‬زیادبوونی‮ ‬متمانەی‮ ‬ئەم میللەتە بە پاشەڕۆژی‮ ‬ئەم كوردستانە كە هەموو جیهان باسی‮ ‬ئەم پاشەڕۆژە دەكات،‮ ‬بۆ بە دەوڵەتبوونی‮ ‬ئەم هەرێمە،‮ ‬بۆیە با هەموومان بە تایبەتی‮ ‬كادری‮ ‬حزبی‮ ‬و بەرپرسە ئیدارییەكان و حكومییەكان لە هەموو لایەنەكی‮ ‬سیاسی‮ ‬و حزبی‮ ‬هاوكار بین لەگەڵ سەرۆك بارزانی‮ ‬بۆ ئەوەی‮ ‬بە ئاسانی‮ ‬لەم قۆناغە هەستیارەدا تێپەرین و با بەس بێت شیعاراتی‮ ‬بە قسە و با هەموومان بە كردار ئەركی‮ ‬خۆمان جێبەجێبكەین بۆ ئەوەی‮ ‬مێژوو لە ئێمە رازی‮ ‬بێت،‮ ‬با دڵسۆزی‮ ‬و وەفاداری‮ ‬خۆمان بۆ مستەفا بارزانیی و هەموو ئەو شەهیدانەی‮ ‬كە خوێنی‮ ‬خۆیان بەخشی‮ ‬لەپێناو خاك و نیشتمان و ئازادی‮ ‬دیار بكەین بە كردار نەك بە قسە و دروشم،‮ ‬چونكە ئێمە قەرزداری‮ ‬ئەوانەین كە رێگەی‮ ‬ئازادی‮ ‬و سەربەستی‮ ‬بۆ هەموو تاكە كەسی‮ ‬ئەم كوردستانە دابینكرد،‮ ‬ئەم وەفادارییە و دڵسۆزییە لە كۆتایی‮ ‬دەگەڕێتەوە بۆ میللەتی‮ ‬كورد و كوردستان بە گشتی‮. دەبێت هەموومان بەرپرس بین بەرامبەر مێژوو و ئەم خاكە و نیشتمانە نەك تەنها حكوومەت و سەرۆك بارزانی،‮ ‬چونكە حكوومەت ئێمەین و بەرێوەبەر ئێمەین و سەرۆك ئێمەین،‮ ‬خزمەتگوزار ئێمەین،‮ ‬فەرمانبەر ئێمەین،‮ ‬هەموومان بەرپرسیاریەتی‮ ‬مێژوویی‮ ‬دەكەوێتە سەر شانمان،‮ ‬نەك سەر پێشمەرگە قارەمانەكان‮ ‬یان سەرۆك بارزانی‮ ‬بە تەنها،‮ ‬با دڵسۆز بین لە ئەركی‮ ‬خۆمان،‮ ‬با دڵسۆز بین بۆ ئارمانجەكانی‮ ‬نەتەوەیی‮ ‬خۆمان،‮ ‬با دڵسۆز بین بۆ ئاڵا و زمانی‮ ‬كوردی‮ ‬خۆمان،‮ ‬با دڵسۆز بین بە بێ شیعارات و قسە،‮ ‬بەڵكو بە كردار و دان بەخۆدانان بۆ ئاییندەیەكی‮ ‬گەش .‮.‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬