پشتی بەڵاڤبوونا دیمەنەکێ پەرلەمانترا ئیراقی ئالا تالەبانی و سەرۆکا فراکسیۆنا بەرێ یا ئێکەتیا نشتیمانی کوردستان ل جڤاتا نوونەرێن ئیراقێ ، کۆ د بێدەنگیەکا مینا وەرزشا یوگا دگەل ئاڵایێ ئیراقێ گۆھداریا سرۆدا نشتیمانیا ئیراقێ دکەت و لگەل ڤەدگێریت ، ل تۆرێن جڤاکی دەنگ ڤەدایە و ب کەسەکا خۆ فرۆش و لادەر ل نەتەوە و گەل و وەلاتێ خۆ ھژمار دکەن .
بێ گۆمان جھێ مخابنیێ یە کەسەکا بڤی رەنگی دڤی ئاستی دا و ژ بنەمالەکا کۆ خۆ ب سەرکردە و پێشەنگێن بزاڤا نەتەوی و شۆرەشگێریا کوردستانی ھژمار دکەن ، بگەھیتە ڤی ئاستێ شەرمزاریێ ،

لێ ژلایەکێ دیتر ئەڤ رەفتارا وێ جھێ حیبەتیێ نیە ، چونکی ڤێ کەسێ پێشینەیێن خراپتر ھەنە دژی نەتەوا کورد و بەرژەوەند و دەسکەفتێن نەتەوی و نشتیمانیێن کورد و کوردستانێ .
ئەڤە ھەر ئەو ئالا بوو ئەوا نفشێ تالەبانیا ب ئاشکرا گەھاندیەڤ عەشیرەتا بەنی ئەسەدیا عەرەب ،

ھەر ئەو ئالایە ئەوا لدەمێ پێشوازیکرنێ ل جەنازێ رەحمەتی مام جەلال سەرۆکێ بەرتر ریێ کۆمارا ئیراقێ و سکرتێرێ گشتی یێ ئێکەتیا نشتیمانیا کوردستانێ ب ئالایێ پیرۆزێ کوردستانێ ، حکومەتا ھەرێما کوردستانێ تاوانبار کری و بۆ وێ بوویە جھێ حیبەتیێ و کریە دەنگ و دۆڵ .
ئەو ئالایە ئەوا بەردەوام ل بەغدا و ل گەناڵێن عەرەبی دژی ھەرێما کوردستانێ و حکومەتا وێ داخۆیانیا ددەت و دیدارا ساز دکەت .

ڤان رەفتار و دیدارێن وێ خەلکێ کوردستانێ و پارتیا وێ و بنەماڵا وێ تۆڕە کریە ، ھەتا کۆ لناڤ وێ پارتیێ ھاتیە دەرکرن و نەچار بوو لسەر لیستێن عەرەبی ببیتە پارلەمانتارا ئیراقێ .
ئەڤ رەفتارا وێ یا نھۆ بەرامبەر کار و رەفتارێن وێ یێَن بەرێ ناھێتە بەراوورد کرن ، چونکی ئالا تالەبانی ( زینب الاسدی ) ب ئاشکرا خۆ ل کوردایەتیێ و نەتەوایەتیێ و نشتیمانیێ و داکۆکیکرنێ ل ماف و ئارمانج و بەرژەوەندێن خەلکێ کوردستانێ بداوی ئینایە و ھەمی کار و خەبتینێن وێ بۆ بەرژەوەند و دەسکەفتێن تایبەتن ، لەوما ڤێ رەفتارا وێ ب نۆرمال ببینن و زێدەتر ناڤ و دەنگیا وێ بەلاڤ نەکەن و وێ دناڤ پسمامێن وێ یێن عەرەب شرینتر نەکەن .

بلا فۆکسا چالاکڤانێن سۆشیال مەدیایێ و سازیێن راگەھاندنێ و نڤیسکار و رۆژنامەڤانانێن خودان ھەستەکا بلندا نەتەوی و نشتیمانی لسەر رەفتار و سەرەدەریێن وان کەس و لایەنان بیت ئەوێن ب ئاشکرا خۆ ب وەلات پارێز و پارێزەر و داکۆکیکارێن ماف و ئارمانجێن خەلکێ کوردستانێ و دەسکەفتێن مە یێن نەتەوی و نشتیمانی دزانن و روویێ وان یێ دیکە بەرۆڤاژی گۆتنێن وانن و بەردەوام ھەول ددەن پیلان و ئاستەنگا بۆ ھەرێما کوردستانێ و ڤێ کابینا حکومەتێ درۆست دکەن و ھەول ددەن دناڤ ھەرێمێ دا رەوشەکا نە سەقامگیر و دەڤەر دەڤەرکیێ درۆست بکەن .

ئەوێن پشکەک ژ حکومەتێ و ئاستەنگا لھەمبەر سەرکەفتن و پرۆژێن وێ یێن چاکسازیێ درۆست دکەن . یان ئەوێن نەڤێن پەیوەندیێن ھەرێما کوردستانێ لگەل حکومەتا فیدرال ئاسایی ببن و پرسێن سیاسی و کارگێری و ئابووریێن دناڤبەرا واندا بھێنە چارەسەرکرن .
چونکی سەرەدەری لگەل نەیار و دۆژمنێن ئاشکرا ساناھیترە لگەل دۆستێن سەرڤە و نەیار و دۆژمنێن بەزر . ئەگەر ئالا تالەبانی کورد با، بەنی ئەسەد نەدبوو ، ئەگەر ئالا عەرەب با ، تالەبانی نەدبوو . ڤیجا لێبگەرێن ئەو ژی نزانیت ئەو چیە ..!