رۆژهەڵاتی ناوەراست لە ڕووی ئاینیەوە فرەچەشنە و موزائێكی نەتەوەیی و ئیتنییە، لە هەمانكاتیشدا ژێرخان و سەرخانی گەنجینەیەكی دەوڵەمەندە، ئەوەش یەكێكە لەو هۆكارانەی كە رۆژهەڵاتی ناوەڕاست بەردەوام مەیدانی ململانئ و ڕكابەری هێزە جیهانی و هەرێمیەكان بووە، هەربۆیە سیاسەتی ناوچەی و جیهانی ڕۆڵی گرنگ وبنەڕەتی گێڕاوە لە خوڵقاندن و بەریەككەوتنی هێزە نێوخۆی و هەرێمیەكان.تایبەتمەندی كەسایەتی سەرۆكی هەرێمی نێچیرڤان بارزانی لە ناو پرۆسەی سیاسی و حوكمڕانیەتی لە كوردستاندا بەتایبەت لە ناو لایەنە سیاسییەكاندا جۆڕێك لە كۆدەنگی بەرهەم هێناوە كە لە دەرەوەی پارتی و گشت هێزولایەنە سیاسیەكانی كوردستانی و لە رٍاستیدا ئەوكەشو هەوایەی سەرۆكی هەرێمی دەیخوڵقێنێت سودی گەورە بۆ تەبایی و یەكبوونی نێوماڵی كورد هەیە ، ‌ ، ئەمەش بەو مانایە دێت كە سەرۆكی هەرێمی نێچیرڤان بارزانی كەسایەتییەكی جیاوازو پسپۆڕو شارەزای باشی لە حكومەتداری دا هەیە ،ئومێدی ئەوەی لێدەكرێت میكانیزمی جیاواز بۆ جێبەجێ كردنی ستراتیژی وپلانەكانی بۆ كوردستانی بەهێز زیاتر دەبێ‌. .خەسڵەت و تایبەتمەندییەكی سەرۆكی هەرێمی كوردستان رێزدار نێچیرڤان بارزانی لەوەدایە كە زۆر باش شارەزای چەمك و هاوكێشەی حیزب و حكومەتە ،كەسایەتی نێچیرڤان بارزانی توانای ئەوەی هەیە لە یەككاتدا مانای چەمكی حیزب و حكومەت تێبگات و تێكەڵاوی نەكات و لێكیان جیابكاتەوە و ناوەندی بڕیاری مەكتەب سیاسی حیزبەكان بگوازێتەوە بۆ ناو سەرۆكایەتی هەرێم و لەوەی یەكریزی و یەكهەڵوێستی بۆ كوردستانێكی بەهێزتر دروست بكات ،هێزو كاریگەری سەرۆكی هەرێمی كوردستان نێچیرڤان بارزانی هێزی نەرم و پشتئەستورە بە دیالۆگ و لێكتێگەیشتن و ئاراستەی گرژی و ئاڵۆزی دەگۆڕێت بۆ زمانی دیالۆگ و لێكتێگەیشتن .شێوازێكی ترو تایبەتمەندی رێزدار نێچیرڤان بارزانی ئەوەیە كە كارنامەی كار و پێشنیارو ڕەخنەی هەمو لایەك بە ئۆپۆسیۆن و و هەمووان فەرامۆش ناكات ، ،ئەوەش زەمینە دەرەخسێنێت بۆ زیاتر لێكەتێگەیشتن و ‌ حكومڕانیەتی و پێداویستی قۆناغەكان بەتایبەت لە قۆناغە هەستیارەكاندا ، ئەم سیاسەتە ژیرانە و ئاراستەیەی سەرۆكی هەرێمی كوردستان رێزدار نێچیرڤان بارزانی پێیمان دەڵێت كە حكومڕانیەتی لە سیستەمی دیموكراسی واتا یەكهەڵوێستی و خزمەتكاری خەڵك ئەوەش زەمینەی زیاتر بەهێزبوونی كوردستان لە رەوشە هەستیارەكاندا فەراهەم دەكات ، زەمینەی بونیادنانی كوردستانێكی بەهێز لە رووی پەرەپێدانی ئابوری، سیاسی و دیپلۆماسی فەراهەم دەكات .ڕەخساندنی ئەم یەكریزییە لە نێو ماڵی كورد، كاریگەری و رەنگدانەوە وكاردانەوەی زۆری لە سەر پێگەی هەرێمی كوردستان و داكۆكیكردن وپێداگریكردن لە سەر مافەرەواكانی گەلی كورد دەبێ‌ لە بەغداگەلی كورد ، لە پێناو بە دەسهێنانی مافەرەوا زەوتكراوەكانی قوربانی و ماڵوێرانی زۆری چێشتووە تا بە ئەمڕۆ ، ئەزموونی خەباتی چەكداری وسیاسی دوێنی و ئەمرٍۆ دەرخەری ئەو راستییەیە كە هەر دەمێك گەلی كورد یەكهەڵوێست بوو بێ‌ ، ئەوا توانیوێتی سەركەوتن و دەستكەوتنی گەورە بەدەست بهێنێت ، نموونەی هەرە بەرچاویش دەستكەوتەكانی رٍاپەرین كە لە پەرلەمان ، سەرۆكایەتی هەرێم ، حكومەت ، فیدراڵی و ریفراندۆمی سەربەخۆیی و چەندین دەستكەوتی تر ، بە پێچەوانەوە ناتەبایی زیانی زۆری بەر پەیكەری نێو ماڵی كورد گەیاندووە . بۆیە ، دەتوانین بە رٍاشكاوانە بڵێن كە هیچ پرسێك ئەوەنەی ئارامی و لێك تێگەیشتن و یەكڕیزی خزمەت بەئەزموونی هەرێمی كوردستان ناكات، بێگومان جوگرافیا و هێز و سنووری دەستكردی دیاریكراو زۆر هۆكاری تر، ئەگەرچی لەچەند ساڵی ڕابردوو زۆر هەوڵی كاڵكردنەوەیان دراوە، بەڵام هێشتا بوونیان هەیە ئەمە ڕاستییەكە دەبێت بۆهەموو ئەگەرێك و پێشهاتێك رەچاوی بكەین و بەرلەهەر هەنگاوێك ئەوە وەبیرخۆمان بهێنینەوە كەهەرێمی كوردستان هێشتا لەقۆناغێكدایە حیسابی و ورد و جددی لەسەر كاروكاردانەوەكانی بكرێت ئەگەرنا كۆی پرۆسەی سیاسی، كە بەرهەمی خوێنی هەزاران شەهید و ڕۆڵەی نەتەوەمانە، بەو ئاسانییە بینا ناكرێتەوە.روون وئاشكرایە، چ لەناوخۆ و دەرەوە و لەئاستی وڵاتانی زلهێز، هیچ هەنگاوێك بەكردەیی جێبەجێ نابێت بەبێ یەكڕیزی و یەكگوتاری، ئەمە حەقیقەتی پرۆسەی سیاسیی هەرێمی كوردستانە. چونكە هەرێم بەرهەمی خەبات و خۆراگریی خەڵكی كوردستانە لەقۆناغە جیاجیاكاندا. ئەم خەڵكە بەخۆراگریی خۆی توانی ئەم واقعە دروست بكات، ئەم هەرێمە ئێستا لەناوچەكە و لەجیهاندا خاوەن پێگەی خۆیەتی، بۆیە هەركەسێك یان هەر رۆشنبیرێك یاهەر سیاسەتمەدارێك و شرۆڤەكارێك ئەگەر پەرۆشی دۆخی سیاسیی هەرێم بێت، دەبێ بە وردی لەم قۆناغە بڕوانێت،بێگومان ئەو را و بۆچوونانەی كە دەخرێنە ڕوو رەنگدانەوەی واقعەكەبن. لەم پێودانگەوە، ئەگەر هاوكاری و ئازادیی سیاسی و پرۆژەی حكوومەت نەبوایە، لەدروستكردنی ئەو فەزاسیاسی و ئیقلیمی و نێونەتەوەییە، ئەوا نەدەتواندرا قورسترین و سەختترین بەرگریی نەتەوەیی بكەین. لای هەمووان ڕوونە، قەیرانی سیاسی و مەزهەبی عێراق، تادێت قووڵتردەبێت و ئاڵۆزتردەكرێت. ئەم قەیرانە ریشەیەكی قووڵ و فرەلایەنی هەیە لەكۆی سیستەمی سیاسی و مەزهەبییە،لەم رووەوە هەستیاریی دۆخەكە وادەخوازێ، هەرێم خاوەنی ناوەندێكی بەهێزی بڕیاردەربێ، پێویستە لەبەر رۆشنایی ئەم واقعە نوێیەی هەرێمی كوردستاندا ئەركە هەنووكەییەكان دیاری بكرین، ئامادەكاری زیاتر بۆ قۆزتنەوەی ئەو دەرفەتەی كە بۆخەڵكی كوردستان هاتۆتەپێش تێپەراندنی ئەم قۆناغە، هەرئەمەش بووە هۆكاری پێكهێنانی حكوومەتێكی زۆرینە لەسەر ئەساسی سازان و چاكسازی و لێكتێگەیشتن، واتە دەبێ خەڵكی كوردستان حیزب و لایەنە سیاسییەكان خەریكی چۆنیەتی بەرەو ڕووبوونەوەی ئەم دۆخە و جێبەجێكردنی ئەركەكانی ئەم دۆخەبن، نەك خاسیەتەكانی ئەم قۆناغە پشتگوێ بخرین و خەڵكی كوردستان سەرقاڵی ململانێكانیان بكرێن، بەڵكو پێویستمان بەبەرچاەڕوونییەكی باش و ئیرادەیەكی نیشتمانی یەكهەڵوێست هەیە. بۆیە، هەموو ئەو سەركەوتن وشانازی و دەستكەوتانەی كە بە هۆی یەكبوونەوە بە دەست دێن رەنگدانەوە لە سەر هەموو كورد دەبێ‌..