یازدێ ئادارێ رۆژەکا گەش و دیارە د دیرۆکا بزاڤا رزگاریخوازا کوردستانی دا ، هەر کوردەکێ خودان هەستا نشتیمانی و نەتەوی شانازیێ بڤێ رۆژێ دبەت و ب رۆژا سەرکەفتنێ دزانیت .
ڕەنگێ پشکەکا نفشێن نهۆ گرنگیا ڤێ رۆژێ نەزانیت ، لێ ئەگەر ل هەر کەسەکێ ئەو رۆژ دیتی ب پرسی ب شانازیڤە دێ بێژیت ، یازدێ ئادارێ خۆشترین رۆژ بوو د ژانا من دا .
براستی ژی رێکەفتنا یازدێ ئادارا ساڵا ۱۹۷۰ ئانکۆ بەری پێنجی ساڵا د ناڤبەرا سەرکردایەتیا بزاڤا رزگاریخوازیا کوردستانی ب سەرۆکاتیا پارتی دیموکراتی کوردستان و نەمر مستەفا بارزانی و رژێما وی سەردەمی یا ئیراقێ دەسکەفت و بوویەرەکا هەرە مەزن بۆ نە تنێ بۆ بزاڤا نەتەوی و نشتیمانیا گەلێ کورد و خەلکێ کوردستانێ ، بەلکی بۆ دەڤەرێ ب گشتی و ئیراقێ ب تایبەتی ، چونکی دۆزا گەلێ کورد د قوناغەکا چارچۆڤەکری دا برە قۆناغەکا هەرێمایەتی و نیڤ دەولەتی و دانپێدانێن یاسایی .
ئەڤ هاتنە پێشا رژێما بەعسا وی دەمی یا ئیراقێ بۆ دانۆستاندنا و رێکەفتنێ برەنگەکێ هەروەیی و باوەریا وێ رژێمێ نەبوو ب مافێن گەلێ کورد و دیموکراسیەتێ .
لێ ئەڤە ژ ئەنجامێ لاوازکرنا شیانێن لەشکری یێن رژێما ئیراقێ بوون بەرامبەر نەهــ ساڵێن شەری دگەل شۆرەشا مەزنا ئیلۆنێ ب سەرۆکاتیا بارزانی نەمر و پارتی دیموکراتی کوردستان .
کۆ دڤان نەهـ ساڵان دا رژێما ئیراقێ هەمی شیانێن خۆ یێن لەشکری کۆ مەزنترین و پڕ چەکترین لەشکر بوو ل دەڤەرێ دژی شۆرەشا ئیلۆنێ تەرخان کرن ، جار بۆ جارێ شکەستنێن مەزنتر بەهرا وان بوون .
جهێ پسیارێ ئەوە چەوا شۆرەشا ئیلۆنێ ب شیانێن خۆ یێن تایبەت و سنووردار ژلایێ چەک و تەقەمی و دارایی ، سەرکەفتنێن هەری مەزن بسەر لەشکرێ زەبەلاحێ ئیراقێ تۆمارکرن ..!.
بەرسڤا ڤێ چەندێ ناسناڤێ مەزن ، دانا سەر شۆرەشا ئیلۆنێ ، چونکێ ژ ئەنجامێ هەبوونا سەرکردەکێ مەزن و دادوەر و دووربین و کاریزما بۆ شۆرەشا ئیلۆنێ کۆ کریە بزاڤا رزگاریخوازیا کوردستانی ، ئەوژی بارزانی نەمر بوو ،
ب سیاسەت و رێنمایی و پلان و بەرنامێن بارزانی نەمر ، شۆرەش هاتە رێکخستن و دیسپلینکرن و هشیارکرن ب هەستا نەتەوی و نشتیمانی و گیانێ شۆرەشگێریێ ، ژبلی فەرماندێن لەشکری کادر و ئەندامێن پارتی ژی لسەرانسەرێ کوردستانێ د بزاڤێن بەردەوام دابوون بۆ هشیاریا خەلکی و مۆکۆمکرنا هەستا نەتەوەی دناڤ پێشمەرگەهی و جەماوەری دا .
عەدالەتا بارزانی ل راپەڕاندن و سەرکردایەتیا شۆڕەشێ و پشکداریا وی یا راستەوخۆ دناڤ شۆرەشێ وی خەلکی دا وەکی پێشمەرگەهەک فاکتەرەکێ دیترێ ووڕە بلندیا پێشمەرکەهی و خەلکی بوو کۆ ئەڤ ووڕە بلندیە بهێزترین چەک بوو د دەستێ پێشمەرگەهێن ئیلۆنێ دا بەرامبەر دوژمنی .
بجهــ ئینانا فەرمان و ڕێنمایی و بریارێن بارزانی نەمر ژلایێ فەرماندێن لەشکری و کادرێن حزبی فاکتەرەکێ دیترێ بەرفرەهبوون و بهێزبوونا شۆڕەشێ بوو ، چونکێ ژ ئەنجامێ وان وەکهەڤی دناڤبەرا خەلکی دا درۆست بوو و چ جوداهێ دناڤبەرا پلەدار و نە پلەدارا نەبوو ، نە ب جل و بەرگا ، نەژی ب جهێ کاری و خارنێ و لدەمێ هێرشکرنێ .
ئەڤ فاکتەرە بوونە هێڤێنێ سەرکەفتنا شۆڕەشا مەزنا ئیلۆنێ پشتی نەهــ سالا رژێما ئیراقێ ب ئیمزاکرنا رێکەفتنا دیرووکا یازدێ ئادارا سالا ۱۹۷۰ بۆ پێدانا مافێ ئۆتۆنۆمی ب کوردستانێ و ئیراقەکا دیموکراسی دانپێدان ب شکەستنا خۆکر .
ژبلێ ڤێ چەندێ کۆ سەرکەفتنەکا مەزنە ، ڤێ رێکەفتنا مەزن قۆناغا بزاڤا رزگاریخوازیا ل ل چەکداریێ برە دلۆماسیەتێ و ئاڤەدانیێ و پەروەردەیی یێ و .... هند
ژلایێ دبلۆماسی پشتی سالا ۱۹۷۰ ێ یێ پەیوەندیێن سەرکردایەتیا شۆروشێ دگەل زۆر وەڵاتان زۆر دەرگەهــ ڤەبوون و چوویە د چارچۆڤەکێ یاسایی و نیڤ دەولەتی ،
ژلایێ جڤاکی و پەروەردەی ژی هەتا ڕاددەیەکێ رۆز گۆڕانکاریێن ئەرێنی ل کوردستانێ هاتنە کرن کۆ ئێکەم جار بوو زمانێ کوردی دبیتە زمانێ خاندنێ ل کوردستانێ و زمانەکێ فەرمی لسەر ئاستی ئیراقێ، دوان ساڵێن دانووستاندنان دا جڤاکێ کوردستانێ پێشڤەچوونن باشێن ئەرێنی بخۆڤە دیتن ، ژلایێ ئاڤەدانی ژی هەوەکا بەرفرەهــ هاتە دەسپێکرن ،
ژلایێ رێکخستنێن حزبی و لەشکری ژی گەشەبوونا مەزن بخۆڤە دیت .
ژلایێ جاماوەری ژی بزاڤەکا زۆر ئێخستنە دەڤەرێن کوردستانی ژ چالاکیێن رەوشەنبیری و نەتەوی و وەرزشی و هۆنەری و رۆژنامەڤانی ، چالاکیێن بڤی ڕەنگی فاکتەرێن کۆمکرنا خەلکەکێ زۆر بوون لدوور شۆرەشێ و هەست کرن ب ئازادیێ .
ژلیەکێ دیتر برایەتی و ئاشتەوایی دناڤبەرا خەلکێ کوردستانێ درۆست کر و هەتا نهۆ کاریگەریا وێ مایە .
دێ شێین بێژین رێکەفتنا یازدێ ئادارا سالا ۱۹۷۰ بەرهەمێ ۹ ساڵێن شۆڕەشا چەکداریا ئیلۆنێ بوو ب سەرکردایەتیا پارتی دیموکراتی و سەرۆکاتیا بارزانی نەمر و بەرهمێ وێ ژی بۆ هەتا هەتا دێ مینیت چونکی هەر هەمی دەسکەفتێن پشتی وێ ژی ب دەستڤەهاتی ژ ئەنجام و گاریگەریا وێ شۆرەشێ نە و هەر ڕێکەفتنەکا سیاسی یا لگەل دەولەتا ئیراقێ ژی دهێتە کرن درێژە پێدانا وێ ڕێکەفتنێ یە ب گۆڕانکاریێن هەنۆکەیی ۆ دگەل واقعێ ئەڤرۆ بگۆنجن و بنەمایێ فیدرالیەتێ ژی هەر بیرۆکا داخازیێن سەرکردایەتیا شۆڕەشا مەزنا ئیلۆنێ بوون .
راستە رژێما وی سەردەمی یا ئیراقێ ل وێ رێکەفتنێ پەشێمان بوو ، لێ ئەڤە نە شکەستنا شۆڕەشێ یە چۆنکی شۆرەش یا بەردەوام بوو و ئەوا هاتیە کرن بەرامبەر شۆڕەشا ئیلۆنێ پیلانەکا نیڤ دەولەتی و هەرێمایەتی بوو . مانەڤە و سەرهەلدانەڤا شۆرەشێ ژی پشتێ وێ پیلانا خیانەتکاریا ئەلجەزائیر بڕەنگەکێ سەردەمانەتر سەرکەفتنەکا دیترا مەزنە .
چونکی شیانێن شۆرەشێ لگەل شیانێن وان وەڵاتێن دناڤ وێ پیلانا خیانەتکاری دا ناهێنە بەڕاوور کرن . لێ ئەو باوەری شۆرەشا ئیلۆنێ بۆ خەلکێ کوردستانێ دروستکری بۆ پابەندیێن نەتەوی و نشتیمانی ژی ناهێتە دیارکرن و ل پیلانا وان مەزنتر بوو .