ل دەمێ پێکئینانا کابینا حکومەتا عیراقیا بسەرۆکاتا ( حیدر عبادی ) ل دووماهیا سالا ۲۰۱٤ ب شەپرزەیی و پاش پسیر ب کوردان کۆ پێکاتەکێ سەرەکیێ جڤاکێ ئیراهێ یە و رۆلەکێ سەرەکی هەبوویە د ئاڤاکرنا ئیراقا یا پشتی سالا ۲۰۰۳ لسەر بنەمایێ فەدرالی و دیموکراسی و دارشتنا دەستوورێ هەردەمیێ نهۆ .

لسەر ئاستێ نیڤ دەولەتی ژی هەرێما کوردستانێ پێگەهەکێ تایبەت و جودا ل ئیراقا عەرەبی هەیە .
هەرچەندە کەسایەتیا عەبادی و کارناما وی یا حکومی ژلایێ پڕانیا هێزێن سیاسی یێن کوردستانی یا قەبۆلکری بوو و چاڤەرێ لێ دهاتەکرن پەیوەندیێن حکومەتا ئیراقێ ب سەرۆکاتیا حەیدەر عەبادی ل گەل هەرێما کوردستانێ زۆر ورتر و پێشکەتیتر برن ل گەل کابینا نووری مالی ،

ل وی دەمی مە د گۆتاراکا خۆدا ل ژێر ناڤێ ( عەبادی دەسپێکەکا باش لێ دووماهی خێر بیت ..!) ل رۆژناما ئەڤرۆ یا هژمار ( ۱٥٤٦ ) ل ۱۰/۱۲/۲۰۱٤ بەڵاڤ کربوو . تێدا مە دیار کربوو بڵا کارنامە و کەسایەتیا عەباری جهێ باوەریێ نەبن و چاڤەرێ دەمی ببین بۆ هەلەنگاندنا کەسایەتیا وی و کاراما وی .

ئەوبوو ل دووماهی لسەر دەستێ وی لەشکرێ ئیراقێ و حەشدا شەعبی هێرشێن دژوار و بەرفرەهــ ئینانە سەر هەرێما کوردستانێ و هەمێ هێزا خۆ مەزاخت بۆ داگیرکرنا کوردستانێ و ژناڤبرنا قەوارێ یاسایی و دەستووریێ هەرێما کوردستانێ و گەماروودنا وێ ژلایێ سیاسی و ئابووری .

لەوما کورد دبێژن ( پیرێ دووماهی خێر بیت ) . لێ ئەڤە هەمی نە نیشانا هندێ یە عەبادی ب کەسەکێ درندە و خوونرێژ و دکتاتۆر ببینین ، دبیت گڤاتنێن لایەنێن سیاسی و جاددا ئیراقێ لسەربن و بەرژەوەندێن وان وەکی دەولەتا ئیراقێ بۆ عەرەبان نەخاسمە شیعەیان کۆ کۆنترۆل لسەر ژێدەرێن بریارێن سیاسی یێن ئیراقێ کریە و هەمی هەوڵان دێ مەزێخن بۆ پاراستنا بەرژەوەندن خۆ ،

نەخاسمە پشتی ڕاپرسیا سەرخۆبوونا کوردستانێ و پشکەک لایەنەکێ سیاسی یێ کاریگەرێ کوردستانێ و هندەک کەسایەتێن کورد پشتەڤانیا عەبادی دکر .

نە مەبەستا من ئەوە ڕەوایەتیێ بدەمە عەبادی لسەر وان ڕەفتارێن نەمرۆڤایەتی و دۆژمنکارانە بەرامبەر خەلکێ کوردستانێ ، یان نە ڕەوایەتیێ بدەمە ڕاپرسیا سەرخۆبوونا کوردستانێ .

لێ مەبەستا من ئەوە پێش روودان بوویەران نەکەڤین چونکی د سیاسەتێ دا د ئێک گاڤدا دۆست دبیتە دۆژمن و نەیاس و دۆژمن نەیار ژی دبنە دۆست .

ئانکۆ سیاسەت پاراستنا بەرژەوەندایە ، ئەوێن بشێن بەرژەوەندێن خۆ ب پارێزیت ، سیاسیێن سەرکەفتینە .

راستە ب وان هێرشێن لەشکری یێن ئیراقێ بۆ سەر هەرێما کوردستانێ ، زیانەکا مەزن ب کوردستانێ کەفت ، وەک شەهیدبوونا هژمارەکا ێشمەرگەهێن قەهرەمان و داگیرکرنا پشکەکا زۆرا ئاخا کوردستان و ب عەرەبکرنەڤا دەڤەرێن کوردستانی یێن دەرڤەی ئیدارا هەرێما کوردستانێ و ......،

لێ ژلایەکێ دیتر ڤان روودانا مفا گەهاندە کوردا وەک دیارکرنا هێز و ئیرادا پێشمەرگەهێن کوردستانێ بەرامبەر هێزێن دوژمن و داگیرکارێن کوردستانێ و دووست و نەیارێن گەلێ کورد یێن نافخۆ و دەرڤەر ، ژلایێ سیاسی و دبلۆماسی ژی بۆ ئیراقێ و وڵاتێن پشتەڤانیا وێ دکر دژی کوردستانێ ،

کۆ سەرکردایەتیا سیاسی یا کوردی ژلایێ دبلۆماسی و سیاسی ل گەل هژمارەکا وەڵاتێن زلهێزێن جیهانێ ل وان بهێزترن خورترن ، لەوما شیان پیلانێن وان ژناڤ ببەن و مەرەمێن وان سەرنەگرتن .

خەلکێ کوردستانێ ژی پشتی ڤان روودانا باشتر زانی کی لایەن سیاسی یێ کوردستانێ و کی سەرکردە خەباتێ دکەت بۆ دابینکرن و پاراستنا ماڤ و ئارمانجێن ڕەوا یێن کورد و کوردستانێ و کی کەس و لایەن دیڤەلانکێن دوژمنێن گەلێ کوردن و دەسکەفتێن نەتەوی و نشتیمانی دکەنە قوربانی بەرژەوەندێن خۆ یێن تایبەت و حزبی .

رەفتار و سەرەدەریێن ( محمد تەوفیق عەللاوی ) راسپاردیێپێکینانا کابینا نوو یا حکومەتا ئیراقێ ، بۆ پێکئینانا ڤێ کابینێ هەتا راددەیەکی د نەرێنی نە بەرامبەر دوو پێکهاتێن سەرەکیێن ئیراقێ ( کورد و سنەیان ) کۆ دڤێت بێ پرسکرنا لایەنێن سیاسی یێن ڤان هەردوو پێکهاتا ،

نوونەرێن وان دڤێ حکومەتێ دا ژلایێ وی بێنە دەست نیشان کرن .
هەرچەندە ل گاڤێن دووماهیێ بەرامبەر کوردان سستر بوویە ، لێ ئەڤ هەولێن وی بێ مننەتیا وی دیار دکەت ، چونکی هەتا نهۆ لسەر ئاستێن بلند لگەل سەرکردێن پارتیێن سیاسی یێن کوردستانێ و پەرلەمان و حکومەتا هەرێمێ کۆم نەبوویە ،

چودا ل گەل هەر کەسێ راسپاردی بۆ پێکئینا حکومەتێ کۆ وەکی ئەتەکێت سەرەدانا هەمی ئالیێن سیاسی یێن وەڵاتی بکەت بتایبەت پارتیێن مەزن ، کۆ ئەڤە ئێکەم جارا ل ئیراقا نوودا دهێتە کرن ،
ئەو دانۆستاندنێن هاتینە کرن ژی نوونەرێن پارتیێن کوردستانێ چوینە بەغدا کۆ لسەر ئاستێن کەسێن ئێکێ نەبوونە .

راستە ئەڤ ڕەفتارێن( محمد توفیق عەلاوی ) بەرامبەر هەرێما کوردستانێ جهێ پسیارێ نە ، لێ نابیت حیبەتێ بمینین ..! و ب مەترسی لسەر کوردستانێ ببینین .

چونکی ڕەوشا نهۆ یا ئیراقێ رەوشەکا نازک و دژوارە و گڤاشتێن تۆند لسەر عەللاوی نە ، چ ژلایێ جادا ئیراقی کۆ پشکەکا زۆر دژی دەستنیشانکرنا وینە ،

چونکی خۆنیشاندانێن بەرفرەهێن چەند هەیڤی یێن خەلکێ ئیراقێ ب دەنگەکێ بلند دژی پێک ئینانا کابینەیەکا حکومیا حزبێن سیاسی یێن ئیراقێ نە .

ژلایێ پشکەکا سیاسی یێن شیعی ژی گڤاشتن لسەر عەلاوی هەنە داکۆ ئیراق نەکەڤیتە د ڤالاهیەکا دەستووری دا .

هەرچەندە دەستنیشانکرنا سەرۆک وەزیرێ ڕاسپاردی بەرۆڤاژی داخازیێن خۆ نیشاندەرانە ، لێ ئەڤ کەسێ هەول ددەت خۆ وەک کەسەکێ تەکنۆکرات دیار بکەت و بێژیتە جادا ئیراقی و خۆ نیشاندەرا ، ئەز دێ داخازیێن وە بجهـ ئینم و دەست نیشانکرنا وەزیرێن ڤێ کابین داهتی بێ پارتیێن سیاسی ببەڵگەیە لسەر راستگۆیە مە .

لێ ئەوە بۆ خاپاندن و ڕازیکرنا جادا ئیراقێ یە و لپشت پەردێ تشتەکێ دی هەیە ، تنێ هەوڵ ددەت ڤێ چەندێ لسەر کوردستانێ بسەپینیت ، لێ ب خۆشحالیڤە نەشیا ئەوا بدلێ خۆ بکەت .

دبیت سەرەدان نەکرنا ئالیێن سیاسی یێن کوردستانێ ژلایێ سەرۆک وەزیرێ راسپاردی بۆ شێواز و چاوانیا پێکئانینا کابینا نوو رەفتارەکا کەسۆکی و بێ پلان بیت و دبیت پیلان ژی بیت ژلایێ حزب و کەسێن عەرەبێن شیعی یێن شوفینی دژی کوردستانێ .

د هەردوو ڕەوشان دا پێتڤی یە ئەم د ڕەشبین نەبین و ب مەترسی لسەر کودستانێ نەبینین .
چونکی دیار نیە ، ئەرێ ئەڤ کابینە دێ هێتە پەسند کرن ژلایێ جڤاتا نوونەرێن ئیراقێ یان نە ..؟

ئەگەر بهێتە پەسند کرن ژێ هێشا کارناما وێ دیار نیە و کینە وەزیرێن وێ .
ئەگەر کارناما وی ژی جهێ رەزامەندیا هەرێما کوردستانێ نەبیت و ماف و تایبەتمەندیێن کوردا نەهێنە ، دیسان نابیت ڕەشبین بین .

چونکی نە ئیراق د وێ ڕەوشێ دایە ، وەکی ساڵا ۲۰۱۷ گڤاشتنا لسەر هەرێما کوردستانێ بکەت و ئابلۆقا لسەر ب سەپینیت ، نە ( محمد علاوی ) پشتەڤانیەکا بهێزا جەماوەری و حزبی دناڤ ئیراقێ دا هەیە .
نە ژلایێ سیاسی و دبلۆماسی لگەل وەڵات و سازیێن نیڤ دەولەتی د ئاستێ پێتڤی دایە .

هەرێما کوردستانێ ژی ل گەل ساڵێن بووری بهێزتر و کاریگەرترە و ئەڤرۆ کوردستان بوویە کاغەزەکا بهێز و کاریگەر ل مەحافلێن نیڤ دەولەتی و دبلۆماسیەتا کوردستانێ ل زۆر لایەنان ل یا ئیراقێ بهێزترە .

ب تایبەت پشتی بریارا جڤاتا نوونەرێن ئیراقێ بۆ دەرکرنا هێزێن بیانی ل ئیراقێ و کوشتنا (قاسم سلیماني و ابو مهدي المهندس ) .

راستە دەست نیشانکرنا نوونەرێن کوردا دناڤ سازیێن دەولەتا ئیراقێ گرنگ و پێتڤی یە ژلایێ ئالیێن سیاسی یێن کوردستانی و حکومەتا هەرێمێ بن ،

بەلێ یا گرنگتر ئەوە کورد داکۆکیێ لسەر کارناما حکومەتێ بکەن لسەر بنەمایێ دەستووری ڕەنگەکێ ئاشتیانە و پێشوەخت سەرۆکێ راسپاردیێ حکومەتا عیراقێ لخۆ زڤر نەکەین ،

چونکی هەتا نهۆ نوونەرێن مە د دەولەتا ئیراقێ دا د هەر پلە و پۆستەکێ دا بن نەشیایە کاریگەریێ گۆرینا بریارێن سیاسی و ئابووری و دارایی یێن ئیراقێ بکەن بۆ بەرژەوەندا کوردستانێ .
ژلایێ سیاسی و دبلۆماسی ژی فەرە سەرکردێن هەرێما کوردستانێ بەردەوامیێ بدەنە گاڤ و چالاکیێن خۆ لگەل وەلات و سازیێن نیڤ دەولەتی و بجهـ ئینانا پرۆژێن چاکسازی و سەروەریا یاسایێ .

بلا ڤێ دەستپێکا ئاڵۆز و بلەزێن ( محمد توفیق علاوي ) بۆ پێکئینانا کابینا حکومەتێ ب مەترسی نەبینین و خۆ ڕەشبین نەکین ، بەرامبەر وێ چەندێ کار لسەر ئێکرێزی و ئێک گۆتاریا کوردستانی و بهێزکرنا کوردستانێ بهێتە کرن .