ئەمڕۆ و لەشەر شاشەی کەناڵی رووداو، بینەری راپۆرتە هەواڵێک بوم سەبارەت بە چۆنیەتی دروست کردنی جۆرە ئوتومبیلێکی زریپۆشی گولەنەبڕی سەربازی.
جگە لەوەی کە ئەو راپۆرتە بووە مایەی سەرنج راکێشان، کارێکی زۆر هەڵەی کەناڵی رووداو بوو، کە ئاوا بە سادەی باسیان لەو کارگەیە و چۆنیەتی بەهەم هێنانی ئەو ئوتومبێلە کرد، بە بێ رەچاو کردنی ئەو خاڵانەی کە پەیوەندیان بە باری سەربازی و ئەمنی یەوە هەیە کە دەچێتە خانەی ئاسایشی نەتەوەیی یەوە.
بە پێچەوانەوە گەنالی رووداو زۆر بە ووردی و تێروتەسەلی باسی قۆناغ بە قۆناغی دروست ئەو ئوتومبێلەیان کرد، چۆن و بە چ جۆرێک و؟چ کەرەستەیەک دروست دەکرێت، توانا و هێزی ئەم ئوتومبێڵە چەندە و چ کارێگەری هەیە و ..... هتد.
بەم چەندەش کەناڵی رووداو ئەرکی دوژمنانی زۆر ئاسان کرد، کە لە رێگەی زانیاریێەکانی ئەو راپۆرتە بە ئاسانی دەتوانن چاکی دژە ئەو ئوتومبێڵە بەرهەم بهێنن، کە لە هەر حالەتێکی روبەروبونەوەدا دەتوانن ئەم ئوەومبێلە بپێکن و زەرەری پێ بگەیێنن و ژیانی سەربازانیش بخەنە مەترسیەوە.
هەپوەها جگە و شوێنی کارگەکەشیان ئاشکرا کرد، کە دەتوانرێ لە رێگای هێرشی ئاسمانی و موشەکی کارگەکەش بکرێتە ئامانج.
ئەوەی ئێمە دەیزانین، دەبێ ئەو نهێنیانە پاێزراو بن کە پەیوەندیان بە چەند بوارێکەوە هەیە وەکو بواری سەربازی و ئەمن ئاسایش، بە تایبەت نابێت بە هێچ شێوەیەک لە کاری میدیایی و راپۆرتە هەواڵ دا باسی لەسەر بکرێت و وەکو هێڵی سورە، کە دەچنە خانەی ئاسایشی نەتەوەییەوە.
پاراستنی ئەو زانیاریانە خالی هێزی ئەو جۆرە ئوتومبێلەیە، یان هەر جۆرە کارو چالاکیێکی تر بێت، ئەگەر ئاوا بە ئاسانیش لە شاشەی میدیاکانەوە درگێندرا، ئەو کاریگەریەی نامێنێت و ناتوانرێ سوودی پێویستیان لێ وەربگیرێت و خاڵی هێز و دەستپێشخەری لە مەیدانی چەنگ لەدەست دەدات.
لە لایەکی ترەوە بەرپرسیارەتی دەکەێتە ئەستۆی ئەو لایەنە سەربازیەی کە بەرپرسە لەو کارگەیە، کە چۆن بەو سادەییە و دور لە پرەنسیبەکانی پاراستنی زانیاری سەربازی، رێگەیان داوە بە کەنالێک بەو شێوەیە نهێنیەکانی ئەو کارگەیە و ئەو ئۆتۆمبێلە ئاشکرا بکەن.
بۆ بیر ئینانەوە، لە کاتی شەری داعش، وە لە ئەنجامی درکاندنی نهێنیەکان لە بەرەکانی چەنگ بە رێگای سیلڤی و موبایلەوە، هێزی پێشمەرکە توشی زەرەر و زیانی گەورە بوون.
ئایە ئەزمون وعیبرەت لەو هەلەیە وەرنەگیرا، تا بە شێوەیەکی فراوانتر ئەو هەڵەیە دووبارە بکرێتەوە؟.
پێم وایە دەبێ جارێکی تر لەسەر ئەم بابەتە راوەستین و بیرێکی جدی لێبکەینەوە، ئەرکی سەرۆکایەتی هەرێم و شەخسی جەنابی سەرۆکی هەرێمە کە فەرماندەی گشتی هێزە چەکدارەکانە، ئەرکی وەزارەتی پێشمەرگەیە کە سەرپەرشتی راستەوخۆی چالاکیەکانی هێزی پێشمەرگە دەکات، لەسەر ئەم بابەتە راوەستن و بۆ داهاتوو رێنمایی پێویست دەربکەن لە چۆنیەتی مامەڵە کردن لەگەل پرسە سەربازیەکان، هەروەها دانانی سنورێک بۆ کاری میدیایی لە ناو هێزی پێشمەرگەدا.
ئەمەیان پێویستیان بە دەرکروونی هەندێ بریاری گونجاو هەیە کە بۆ هەمیشە پێگیریان پێ بکرێت، لە پێناو پاراستنی نهێنیە سەربازیەکان و پاراستنی خاڵی هێزی پێشمەرگە و چەکەکانی، کە لە کاتی روبەروبونەوەدا ئەم خاڵانە دەبنە خاڵی هێز و سەکەوتن بەسەر هێزی دوژمن، شەرەکانی پردێ و سحێلاش نمونەی سەلمێنەری ئەم راستیەن.