لدەمێ دیدارا سەرۆکێ کوردستانێ نێچیرڤان بارزانی لگەل سەرۆکێ وەڵاتێن ئێکگرتییێن ئەمریکا ل چار چۆڤێ کۆربەندێ ئابووری یێ داڤۆس ، هندەک کەناڵێن مەدیا و سۆشیال مەدیایا چاڤ ب وان دەسکەفت و سەروەریێن نەتەوی و نشتیمانی و دبلۆماسیێن لسەر دەستێ پارتی دیموکراتی کوردستان و سەرکردێن وێ بدەست هاتی ڕانەبن ، ئەو دیدار و کۆمبوون ب چاڤەخارنەک هژمار دکر و دهەلسەنگاند .
د راستی دا وان گرنگی و کاریگەریا وێ دیدار و کۆمبوونێ و دیدار و کۆمبوونێن دیتر ژی باش دزانی ، بۆ خزمەتا بەرژەوەندێن سیاسی و ئابووری و ئێمناهیا کوردستانێ ، لێ چاڤێن وان پێرا نە دبوون ، لەوما هەول ددان ب پڕ و پاکندێن بێ بنەما بها و گرنگیا وان کێم بکەن ، لێ نەشیان وان ڕاستیان ل پێش چاڤێن خەلکی ڤەشێرن .
چونکێ د کەناڵێن راگەهاندنێ دا بۆ کوردستانێ و جیهانێ ئاشکرا بۆ کا سەنگا هەرێما کوردستانێ و سەرۆک نێچیرڤان بارزانی لسەر ئاستێ نیڤ دەولەتی چەندا گرنگ و گاریگەرە .
پشکداریا سەرۆکێ حکومەتا هەرێما کوردستانێ مەسروور بارزانی ل کۆنفرانسێ ئابووری یێ میونشن ژی گرنگی و سەنگ و کاریگەریا هەرێما کوردستانێ لسەر ئاستێ جیهانێ نیشان دا و رۆلێ مەسروور بارزانی بۆ پاراستنا ئاسایشا دەڤەرێ و کوردستانێ و پێکڤە ژیانێ ، لەوما لسەر ئاستێن بەرپرس و سازیێن مەزن و بلند پێشوازیەکا فەرمی لێ هاتە کرن و پەسنا رۆلێ جەنابێ وی هاتە کرن .
پشتی کونفرانسێ ژی برەنگەکێ فەرمی و لسەر ئاستێن بلند و فەرمی ل وەڵاتێ ئیتالیا چەندین کۆمبوونێن گرنگ و کاریگەر دناڤبەرا واندا هاتنە کرن و پاشان ب گەرمی و فەرمی ژلایێ قەداسەتاد پاپایێ ڤاتیکانێ و مەزنە بەرپرسێن وی وەڵاتی هاتە پێشوازیکرن کۆ مەزنترین کەسایەتیێ کاریگەرێ ئایینێ مەسیحی یە لسەر ئاستێ جیهانێ و دەنگڤەدان و ڕەنگەڤدانەکا هەرە مەزن دایەڤە .
بێ شک ئەڤ پێشوازیا بڤی ئاوایی ل سەرۆکێ حکومەتا هەرێما کوردستانێ ژلایێ ڤان کەسایەتیێن مەزن و ئەڤ کۆمبوونە بۆ هەرێما کوردستانێ و پاشەرۆژا سیاسی و ئێمناهی و کارگێری و دبلۆماسیەتا کوردستانێ و پشتەڤانیا نیڤ دەولەتی بۆ هەرێما کوردستانێ و مافێن ڕەوا یێن خەلکێ کوردستانێ زۆرا گرنگە و دێ ئەنجامێن ئەرێنی یێن مەزن ژی هەبن .
ئەڤە ژی ژ ئەنجامێ سەرکەفتنا سیاسەت و دبلۆماسیەتا کوردستانێ و ڕاگرتنا هەڤسەنگیێ یە ژلایێ سەرۆکێ هەرێمێ و سەرۆکێ حکومەتا هەرێمێ .
ئەز باوەرم هێز و ئالی و کەسایەتیێن نەیارێن کوردستانێ یێن نافخۆیی و دەرڤە ب ڤان چالاکی و سەرکەفتنا ڕانا بن .
دبێژینە وان ب ووژدانەکا کوردانە و نشتیمانیا ڤان چالاکی و دیدار و کۆمبوونا ببینن و شرۆڤە بکەن داکۆ ببنە فاکتەرێن دروستبوونا ئێکگۆتاریا سیاسی یا کوردستانی ، چونکی عیراق و دەڤەر بەرەڤ گۆرانکاریێن سیاسی دچیت و ژبووی پاراستنا ماف و بەرژەوەندێن هەرێما کوردستانێ دڤان گۆرانکاریان دا ، کوردستانێ پێتڤی ب ئێکگۆتاری و ئێک ڕێزیێ هەیە ، نەک بهایێ ڤان کۆمبوون و سەرەدانا کێم بکەن و وەک دیدار و کۆمبوونێن سەرۆکێ هەرێما کوردستانێ نێچیرڤان بارزانی ل کۆڕبەندنێ ئابووریێ داڤۆس نەخاسمە کۆمبوونا لسەر سەرۆکێ ئەمریکا ب چاڤەخارنەکێ هژمار بکەن و ڤان دیدار و کۆموونێن سەرۆکێ حکومەتا هەرێما کوردستانێ مەسروور بارزانی ب نارگیلە کێشانەک هژمار بکەن ....!
هۆن دزانن نە نێچیرڤان بارزانی جگارە کێشە و نەژی مەسروور بارزانی نارگیلە کێشە .
هۆن د زانن کینە دوومینەچی و جگارکێش و نارگیلە کێش و مافیا .....!
بەلکی دوو کەسایەتیێن سیاسی و ئیداری یێن مەزنن لسەر ئاستێ جیهانێ و فاکتەرێن بهێزکرنا کوردستانێ و دابینکەرێن ئێمناهیێ نە و هەلگرێن پرۆژێن نشتیمانی و ئیداری و چاکسازینە .