لە ماوەی زیاتر لە نیو سەدە تێكۆشان و خەباتی بێ وچان ، سەرۆك و مسعود بارزانی ، تەنها لە چوار چێوەی حزبێك و جوگرافیاییەكی دیاریكراو هەوڵی نەداوە ، بەڵكو مێژوویی پر سەوەری و هەموو كۆششكانی لە پێناو گەیاندنی دەنگی كورد بووە بۆ هەموو دونیا و ئینجا چەسپاندنی مافەرەواكانی ، ئەویش لە رێگەی بانگی یەكریزی و یەكهەڵوێستی بۆ گشت كورد لە سەر ئاستی كوردستانی گەورە دا .هەموو هەوڵێكی لە پێناو یەكخستنی خەباتی نەتەوایەتی و چارەسەركردنی پرسی كوردە لەسەرجەم پارچەكانی كوردستاندا بەشێوەیەكی دیپڵۆماسی و دانوستانی هاوبەش. هەوڵەكانی مەرجەعی نەتەوەیمان بۆ چارەسەری پرسی رۆژئاوای كوردستان لەدوای قەیرانی سووریا بەچەندین قۆناغدا تێپەریوە لەرووی هاوكاری و هەماهەنگی لە هەموو بورارێكدا، هەر لە هەوڵە دیپلۆماسییەكان تا دەگاتە هاوكاری گەیاندنی دەنگیان بۆ دەرەوەی وڵات بەردەوامبووە. بەدرێژای ئەو سەردەمەی كە رۆژئاوای كوردستان بەهۆی جەنگی تیرۆلیستانی داعش لەڕەوشێكی زۆر ناهەمواردابوون، بەڵام پاڵپشتی سەرۆك بارزانی ئەگەری سەرەكی بوو بە مانەوە و بەرگریكردنیان بەو ئاستە بەهێزەی كەهەبوو.ئەوەی گرنگە لەگەڵ هەموو ئەوانەیشدا هێشتا درەنگ نییە، لەم دۆخە ناهەموارەشدا ئەگەر سەرجەم كوردستانیان لەگشت پارچەكاندا گوێڕایەڵی ئامۆژگاریەكانی رابه‌ری نەتەوەی سەرۆك مەسعود بارزانی بن ، ئەوا دڵنیاین بە یەكریزی و یەكبوونی نیو ماڵی كورد گەورەترین ئومێد بۆ چارەسەركردنی كێشەكان دەبێت.سەرۆك بارزانی ئەو رابه‌ر و پێشمه‌رگه‌یه‌بووە كە لەرۆژەكانی نائومیدا چرای هیوابەخشی هەڵكردووە و چەخماخەی شۆرشی گوڵانی داگیرساندووە، دامەزرێنەری بەرەی كوردستانی و ئەندازیاری ڕاپەرین و هەڵگری مەشخەڵی سەربەخۆی بووە، ئێستاش كلیلی چارەسەری سەرجەم كێشەكانە، هەروەها لە رووی سیاسی ، دیپلۆماسییەوە ، سەرۆك بارزانیی ـ تەنها رابەرایەتی بۆ كورد نەبووە چ لە رووی كەسایەتی و چ لە رووی متمانەوە ، بەڵكو لە سەر ئاستی عێراق ، ناوچەكە و هەموو دونیا خاوەن پێگەیەكی تایبەتییە . نموونەی هەرە بەرچاویش هەر لە هەر لە كاتی ئۆپۆزسێونی عێراق و تا دامەزاراندنی عێراقی دوای رووخانی رژێمی بەعس و ئینجا جەنگی جیهانی تیرۆر و لە ئێستاشدا شڵەژاویی بارودۆخی سیاسی ناوچەكە بە تایبەت لە عێراق، سوریا و ئێران ، هەروەها راگرتنی باڵانسی سیاسی و دیپلۆماسی لە سەر ئاستی ناوچەكە و عێراق و هەروەها بۆ راوێژوگفتگۆ و گەرٍانەوە بۆ هەولێری پایتەختی كوردستان و ئینجا سەرۆك بارزانی وەك رابەرێكی متمانە پێكراوە و كەسایەتییەكی بەهێز لە رۆژهەڵاتی ناوەرٍاست ئاماژەیەكی گرنگن بۆ پێگەی سیاسی و دیپلۆماسی بە هێزی كوردستان لە سەر ئاستی ناوچەكە ، عێراق و دونیا ..ەمروٍ هەولێری پایتەختی كوردستان لە سەر ئاستی ناوچەی رۆژهەڵاتی ناوەرٍاست پێگەیەكی جیۆپۆلۆتیك و ستراتیژی هەیە و جێی بایەخی ووڵاتانی ناوچەكە و نێو دەوڵەتییە ، جیهان بە بایەخەوە دەروانێتە رۆڵی سەركردایەتی سیاسی كوردستان و هێزی پێشمەرگەی كوردستان و لە چەندین كۆنفرانسی نێو دەوڵەتی و ناوەندە بریارییەكانی جیهان ، هەرێمی كوردستان بە هاوپەیمانی خۆیان دەزانن و بۆ گشت پرسە سیاسی و سەربازی و ئابوورییەكان و راوێژكردن تا پرس و راوێژكاری لەگەڵ سەرۆك بارزانی نەكەن ، ئەوا گشت سەردان و كۆبوونەوەكانیان بە نیوە چڵی دەمێنێتەوە ، ئەمەش بۆ هەوڵە بەردەوامەكانی سەرۆك مسعود بارزانی و سەركردایەتی سیاسی كوردستان و پێشمەرگە و گشت هێزە ئەمنییەكان و دلسۆزانی خاك و نیشتیمان دەگەرێتەوە .. خەباتی كەسایەتی و پێشمەرگەبوونی سەرۆك بارزانیی بە درێژایی زیاتر لە نیو سەدە رابردوو، دوور بووە لە هەموو جۆرە هەستی بەرژوەندی شەخسی و حزبابەتیی بەرتەسك ، بەڵكو گشت هەوڵەكانی لە چوار چێوەی یەكریزی و یەكدەنگی نەتەوەیی و سازش نەكردن بووە لە سەر مافەرەواكانی كورد و كوردستان .ئەو هەڵوەێستانەش تەنیا لە چوار چێوەی دروشم و قسە نەبووە ، بەڵكو كاردانەوەی داگیركەران و كردەوەكانی سەرۆك بارزانیی و پێداگری بەرێزیان لە بەرامبەر پرسە نەتەوەیی و نیتشتیمانییەكان ئاماژەیەكی روون و نییەتی كوردپەروەرانەی سەرۆك بارزانین بە تایبەت لە كانی قۆناغە سەختەكانی خەباتی گەلی كورد .سه‌رۆك مه‌سعود بارزانی ،جگه له‌وه‌ی سه‌رۆكی گه‌وره‌ترین و به‌هێزترین پارتی كوردستانی وبراوه‌ی یه‌كه‌می هه‌ڵبژاردنی په‌رله‌مانی عێراقه ، سه‌رۆك و رابه‌ری بزاڤی رزگاریخوازی كوردستانه ، له‌به‌ر چه‌ندین هۆكاری مێژوویی و ئێستایی و ئاینده‌یی دا كه له‌سه‌رۆك بارزانی به‌دیكراون و له‌سه‌رووی هه‌موویانه‌وه‌ش سه‌رۆك بارزانی هه‌ڵگری حیكمه‌ت و دانایی و كاریگه‌ری كاریزمایی مێژووكرده‌یه .بۆیه پێویسته ئێمه‌ی كورد به‌جیای بیرورای سیاسیی و لایه‌نگیری حزبی ئه‌و راستییه وه‌كو خۆی تێبگه‌ین سه‌رۆك بارزانی وه‌ك رابه‌ر و كه‌سایه‌تی و سه‌رۆكی كوردستان سه‌یر بكه‌ین و ته‌نیا وه‌ك سه‌رۆكی پارتی دیموكراتی كوردستان لێی نه‌ڕوانین و قبوڵیش نه‌كه‌ین كه ته‌نیا پارتییه‌كان به‌سه‌رۆكی خۆیانی بزانن .دوای دەیان ساڵ كوردایەتیی ئێستا ئیتر كات ئەوەیە ، كەهەموو هێز و لایەنە نیشتیمانپەروەرەكان لە سەر ئاستی كوردستانی گەورە ، پشتیوانیی هەڵوێستە نیشتیمانیی و نەتەوەییەكانی سەرۆك بارزانیی بكەن لە پێناو گەیشتن بە كەنارٍی ئارٍامی و دڵنییایی ..
رێبوار حەمەلاو شوانی
