هەرێمی کوردستان لەماوەی رابردوو، بە تایبەت چوار ساڵی رابردوو ڕووبەڕوی هەزاران کێشە و نەهامەتی و ناهەمواری بووەتەوە کە نزیکترینیان شەڕی رێكخراوی تیرۆریستی داعش بوو، کە ئه‌نجامه‌كه‌ی سەرکەوتنی هەرێمی کوردستان و شکاندنی ئەو رێكخراوە تیرۆرستییە بوو ، بووه هۆکاری ددانپیانانی وڵاتانی زلهێزو نێودەوڵەتی بەوەی هەوڵەکانی هەرێمی کوردستان بووەتە هۆکاری سەقامگیری بۆ ته‌واوی ناوچەكە و جیهان، کەوایە ئێمەی هاووڵاتی پێزانینمان هەیە بۆ هەوڵەکانی سەرۆکی هەرێمی کوردستان و سەرۆکی حکوومەت.لە پێناو كۆدەنگی و یەكهەڵوێستیشدا، بە دەستپێشخەریی سەرۆكی ھەرێم دوو كۆبوونەوەی گرینگ ئەنجام دران تایبەت بە یەكخستنی ھەڵوێستەكان، كۆبوونەوەی یەكەم ھەرسێ سەرۆكایەتییەكەی ھەرێم بوو و دواتر بە ئامادەبوونی سەرۆكی حكوومەتی ھەرێم و سەرۆككۆماری عێراق، كۆبوونەوەی سەركردایەتیی گشت حیزبە كوردستانییەكان ئەنجام درا، ئەمە جگە لەوەی سوودی ھەیە بۆ نزیككردنەوەی بۆچوونی لایەنە سیاسییە جیاوازەكان، ھاوكات كاریگەری دەبێت بۆ پاراستنی سەقامگیریی كەشی سیاسیی ھەرێم و چڕكردنەوەی گشت ھەوڵەكان بە ئاراستەی عێراق.پێشتریش لە ھەنگاوێكی دروستدا، بریاری بەشداریی كورد درا بە یەكلیستی بۆ ھەڵبژاردانی پارێزگاكانی عێراق، بە تایبەتی لە كەركووك و مووسڵ، ئەمەش ھەوڵێكە بۆ گێڕانەوەی پێگەی كورد لەم دوو پارێزگایەدا بە شێوەیەكی یاسایی، دوای ئەوەی بە شێوەی سەربازی لە دەست درا، ئەمە لە كاتێكدایە یاسای ھەڵبژاردانەكان لە بەرژەوەندیی كوتلە گەورەكاندایە و بارودۆخی سەربازیی ناوچە كوردستانییەكان لە بەرژەوەندیی كورددا نییە، ھاوكات ھەڵوەشاندنەوەی ئەنجومەنی پارێزگاكان لەلایەن پەرلەمانی عێراقەوە، دەسەڵاتی پارێزگار زیاد دەكات و پرۆسەی تەعریبیش لە كەركووك خێراتر بووە.لەسەر ئاستی ناوخۆش حكوومەتی ھەرێم ھەوڵەكانی بەردەوامن بۆ یەكخستنی ھێزەكانی پێشمەرگەی كوردستان و دووبارە پێداچوونەوە بە ھەیكەلییەتی ئیداریی ھەرێم، كە وەك كیانێكی یەكگرتوو سەرتاسەری مامەڵە بكات، سووربوونی حكوومەتیش لەسەر تێپەڕاندنی پڕۆژەیاسای چاكسازی و كاركردنی وەك تیمێكی یەكگرتوو، كاریگەری ھەبووە لەسەر بەھێزكردنی پێگەی كابینەی نۆیەم و ئاشتكردنەوەی خەڵك و حكوومەت لەگەڵ یەكدی، بە شێوەیەك رەنگدانەوەی لەسەر دروستكردنی كۆدەنگیی نێوان ھێزە سیاسییەكان بۆ گشت پرسەكانی پەیوەندیدار بە داھاتووی ھەرێم ھەبووە. هه‌رێمی کوردستان که ده‌که‌وێته نێو سنووری ده‌وڵه‌تی عیێراقه‌وه که دوابه‌دوای شه‌ڕی یه‌که‌می جیهان دروست بوو، به پله‌ی یه‌که‌م هه‌رێمێکی مرۆییه سه‌ره‌ڕای ئه‌وه‌ی نیشتمان یان خاکی کوردانه و زۆربه‌ی هه‌ره زۆری دانیشتوانی کوردن، به‌ڵام له‌رووی فره‌نه‌ته‌وه‌یی و فره‌ئاینییه‌وه له زۆر شوێنی دیکەی رۆژهەڵاتی ناوین و عیراق جیاوازه. ئه‌و پارچه‌یه‌ی کوردستان که له ئه‌ده‌بیاتی کوردیدا به باشووری کوردستان و له‌ڕووی دەستوری و یاساییه‌وە بە (هەرێـمی کوردستان) ناوی دێت، وەک هەرێمێک لە دەستوری نوێی عێراقی فیدراڵ ددانی پێنراوە.
ستراتیژی لەمێژینەی قوتابخانەی كوردایەتیی بەرابەرایەتی بارزانیی لە پێناو رێكخستن و یەكریزی نێو ماڵی كورد لە پێناو بە دەستهێنانی ئەو مافەرەوایانەیە كە دەیان ساڵە دوژمنان و ناحەزانی كورد خۆیان لە گەرٍاندنەوە و جێبەجێكردنی پاشگەز دەكەنەوە ..ئەگەر شۆڕ ببینەوە بەناو مێژووی ڕابردووی گەلەكەمان زۆر بەئاسانی دەستكەوتەكانی یەكڕیزی ویەك هەلوێستی لایەنە سیاسیە كوردەكانمان دێتە بەرچاو، وەلێ هەركاتێكیش ناتەباو ناكۆك بوبین بەرهەمەكەی زیان گەیاندن بووە بەدۆزی گەڵەكەمان و ناسەقامگیری دەروونی هاونیشتیمانیان، هەر كاتێك نێو ماڵی كورد یەك بوبێت و تەبابوبێت دەستكەوتی گەورە بە دەست هاتوون و میللەتەكەمان قۆناغێكی تری بڕیوە لە بوارەكانی سیاسی كۆمەڵایەتی ئابوریی، بۆیە دەبێت هەموو لایەنەكان پاڵپشت بە دڵسۆزی و وەفا بۆ خوێنی شەهیدان و قوربانیدان و ئەو زووڵم و زۆرەی بە درێژایی مێژوو لە كورد كراوە تاكە ڕێگا بۆ گەیشتن بە خەونەكانمان بریتیە لە یەك خستنی نێوماڵی كورد و ئاشتی و تەبایی باڵ بكێشێت بەسەر هەموو حیزب و لایەنە سیاسی و كۆمەڵایەتییەكان، پێشم وایە لە سەردەمی ئێستا ناتواندرێ باشیەكان و هەم خراپیەكان بۆ یەك حیزب و لایەن تۆمار بكرێت و ببێتە ناسنامەی، چونكە هەموو حیزب و لایەناكان بەبێ جیاوازی قوربانیانداوە بۆ ئەو ئەزموونەی تێیداین بە باشو خراپ بوین بە خاوەنی كیانێكی خۆمان ئەویش هەر لەسەر ئەو یەك ڕیزیەو تەباییە بوو لە ئێستا و پێشتریش بینیمان كورد لە هەر شوێنێك و جێگایەك یەك دەنگ و كۆك بێت ئەوا بەروبومەكی جوان و یەكگرتوو هاتۆتە بەرهەم، هیوادارم هەموو چین و توێژەكان هەوڵی فروانی گەورەی بدەن بۆ ئاشتی و یەكگرتوی ناخۆیی و حیزب و تەواوی پێكهاتەكانی تر.گەلی كورد هەر لەسەردەمی زووەوە تائەو سەدەیەیی ئێمە ژیانی تێدا بەڕێدەكەین، قۆناغ بەقۆناغ هەزاران بەرزی و نزمی هاتۆتە پێش، دەیان جار دووچاری گەلە كۆمەكێی دەوروبەرو ووڵاتان بۆتەوە، هەرجارێك ئەگەر لایەنە كوردیەكان تەباو یەك هەلوێست بووبن توانیومانە شكست بە پیلانی دووژمنان بهێنین، بەپێچەوانەشەوە توشی دەیان دەردەسەری و ئەنفال و كۆمەڵكوژی و داگیركاری خاك بوینەتەوە، كەواتە ئەوە ڕوونە جگە لەیەك ڕیزی و تەبایی لایەنەكان ڕێگایەكیتر نیە بۆ زاڵ بوون بەسەر ئەو پلانانەی هەمیشە دژی گەلەكەمان لەئاراداهەن، ئێستا كاتیەتی هەموومان ڕق وقینە وەلاوە بنێین، هەموومان شادو دلخۆش بین بەلەیەك نزیكبوونەوەی لایەنەكان و ئێمەی تاكەكانی كۆمەڵگەش هاندەر بین بۆ هێنانە كایەیی كەشێكی ئارام و كوردستانێكی ئاوەدان.
رێبوار حەمەلاو شوانی
