حکومەتی ھەرێمی کوردستان ئەگەر بەنیازە کۆمەڵگەی کوردی لە کۆمەڵگەیەکی بەکارھێنەرەوە بۆ کۆمەڵگەیەکی بەرھەمەَینەر بگۆرێت، پێویستە دەستپێشخەری بکات و ھانی کەرتی تایبەت و سەرمایەداران بدات سەرمایە و کارگەو زوەی و کەرتی گەشت و گوزار پێش بەخەن.
کۆمەلگای کوردی کۆمەلگایەکی بەکارھێنەرە نەوەک بەرھەمھێنەر چونکە تاکو ئێستا بەھۆی وەزعی سیاسی و داگیرکاری کوردستان بەدرێژایی مێژوو نەتوانراوە کۆمەڵگەیەکی بنەچەیبن و پەرە بەپیشەیەک بدەن داھێنان بکەن و کشتوکالی و پیشەسازی زیاتر لەپێداویستی خۆیان بەرھەم بێنن ھەمیشە پشتیان بە ولاتانی تر بەستوە بۆ پێداویستیەکانی ژیان و گوزەران .

کۆمەلگای کوردی بەدەستپێشخەری حکومەت دەتوانێت لەکۆمەلگایەکی بەکارھێنەرەوە بگۆردرێت بۆ کۆمەلگایەکی بەرھەمھێنەر و داھێنەر ، حکومەت چیبکات لەرووی کەرتی کشتوکاڵییەوە پێویستە پێداویستیەکانی جوتیاران دابین بکات وەک دروستکردنی کێلگەی چوار وەرزی و تۆوەکان سەرچاوەی ئاوو پەینی کیمایی و بەبازارکردن و دروستکردنی سارکەرەوە بۆ ھەلگرتنی بەروبومەکان و کارئاسانی بکرێت بۆ ھەناردەکردنی دەرەوەی ولات کەبەرھەم زیاد لەپێویستی ناوە خۆیی بوو ، ھەلکەوتەی خاکی کوردستان خاکێکی بەپیت و گونجاوە بۆ کشتوکال کردن ، بەلام ئەوەی گرنگە وەزارەتی کشتوکال پشتیوانی سەرەکی جوتیاران بێت و پزیشک دابین بکەن و ئەندازیاری شارەزایی ولاتە پێشکەوتوەکان لەکشتوکال دابین بکەن و بەستاندارتێکی جیھانی کێلگە کشتوکالیەکان لەشێوازێکی ھەرەمەکی بگۆرن بۆ شێوازێک کە ھەر کێلگەو تایبەت بێت بەبەرھەمێک لەدانەوێلەو مێوەکان .
حکومەت دەسپێشخەری بکات لەکەرتی پیشەسازی کە کەرتێکی تایبەت و گرنگە بۆ حکومەت و ولات ھانیسەرمایەداران بدات بۆ دامەزراندنی کۆمپانیای بەرھەم ھێنەری پیشەسازی و کارگە و کەرەستەی پیشەسازی کەبەتێچویەکی کەم داھاتیکی زۆر بۆ ناوخۆی ولات و خەزێنەی حکومەت دەگەرێتەوە ئەمەش لەرێگای باجەوە دەکرێت ، لەسەر حکومەت پێویستە کارئاسانی بکات بۆ کەرتی تایبەت داھێنان و پیشەسازی بکات و ھەولی گەراندنەوەی ئەو کوردستانیانەی کەلەدەروەی ولات شارەزایی تەواویان لە دروستکردنی شمەکی بەکاربردن ھەیە وەک کەرەستەکانی ناومال و بیناسازی ئامێرەکارەبایەکان و ئەلکترۆنیەکان و پیشەسازیەکانی تر وە ھانی کۆمپانیاکانی تری جیھان بدەن کارئاسانی و زەویان پێبدەن لەکوردستان سەرمایەکانیان بخەنە گەر و وەبەرھێنان بکەن بەو مەرجەی کە زۆرترین کارمەندی کوردستانی کاریان پێبدەن و وانەی سەنعاتەکەشیان فێرکەن.

کەرتی گەشت و گوزار ھیچی کەمترنییە لە کەرتی کشتوکال و پیسازی گەر حکومەتی ھەرێمی کوردستان کۆمەلگایەکی نمونەیی بەرھەم ھێنەری دەوێت و دەیھەوێت ئابوری خۆیی بەھێزبکات دەبێت گرنگیەکی تەواوەتی بەسەیرانگا گەشتیاریەکان بدات و رێگاو بانەکان باشتربکات و شوێنە گەشتیاریەکان زیادبکات و رێنمایی زیاتر بدات و ھانی کۆمپانیاکانی گەشت و گوزاربدات بۆ راکێشانی و ھێنانی زۆرترین گەشتیار ئەمەش لەرێگای ناساندنی شوێنە سەرەنج راکێش و گەشتیاریەکان بە ھاولاتیانی ولاتانی تر ، داھاتی گەشتیاری بوژانەوەیەکی بەرچاو بەداھاتی حکومەت دەدات .

لەرووی ئابوریەوە بۆ بازاری کوردستان و حکومەت گەر ماوەی یەک سالی گەشتیارانی بیانی بۆ ناوخۆیی کوردستان وەربگرین کە رێژەی ھاتنی تێکرای یەک ساڵ (١٠٠,٠٠٠) سەد ھەزار گەشتیار بێت و ھەر کەسەو (١٠٠)$ سەد دۆلاری ئەمریکی لەکوردستان خەرج بکات ئەوا رێژەی پارەی سەرفکراو لەکۆی گشتی گەشتیارانی سالێک (١٠) ملیۆن دۆلار دەکات بەلایەنی کەمەوە ، جونکە رێژەی سەردانی کردنی گەشتیاران بۆ کوردستان زۆر بەرزترە لەئاست ئەو رێژەیەی کە پۆلێن کراوە رێژەی پارەی خەرج کراویش زۆر زیاترە .

پێوداویستیەکانی کۆمەلگا بەندە بەپلان و پالپشتی حکومەت تاکو جوتیارو کۆمپانیاو کەرتەکانی تری پیشەسازی و گەشت و گوزار تێیدا سەرکەوتووبن و سودیش لەولاتانی پێشکەوتووی جیھان ببینن بۆ رایی کردن و بەستاندارتکردن و شێوازی دامەزراندن .