قۆناغی ئێستامان زۆر هەستیار و چارەنووسساز و پێوستی بە كەسایەتییەكی بەهێز و كارێزمایی هەیە تا كو بەسەركەوتوویی بتوانێت ئەو دەستكەوتانە بپارێزێت و ئامانجەنەتەوەییەكانمان بەدیبهێنێت ..هەموو نەتەوەیەك پێویستی بە سەركردەی لێهاتوو هەیە و بەبێ ئەو جۆرە سەرۆك و سەركردانە نەتەوە ناتوانێت كاروبارەكانی خۆی هەڵبسووڕێنێت، ئێمە میللەتێكین خاوەنی مێژوو و شارستانیەتی خۆمانین، خوازیارین وڵاتەكەمان دیموكراتی بێت، بەڵام هەندێك نامۆشین بە دیموكراتی، لەبەر ئەوەی ئێمە تەنیا لە رووی تیۆرییەوە چەمكەكان باس دەكەین و لە رووی پراكتیكەوە پیادەمان نەكردووە، بۆیە كاتێك باسی دیموكراتی دەكەین، دەبێت دیموكراتی لە ئاشووب و ئاژاوەگێڕی جیابكەینەوە. دیموكراتی سیستمێكە جیاوازییەكان لە ناوەڕاستدا بە یەكتری دەگەیەنێت. ئەگەر دیموكراتی بوو بەهۆی پێكدادان و ئاژاوە و جیاوازییەكان دروست بكات، ئەمەیان دیموكراتییەت نییە و ئاژاوەیە. لە ژینگەی لەم جۆرەدا كە لە نێوان جیاوازییەكاندا لە بری پێكگەیشتن، پێكدادان دروست دەبێت، ئەوا دەبێت بە دوای كەسانی وا بگەڕێین كە جگە لەوەی لە ناوخۆدا پێگەی بەهێزی هەیە، لەسەر ئاستی نێودەوڵەتیش پێگەی بەهێزی هەبێت، گومانی تیدا نییە رێزدار سەرۆك بارزانی ،جگە لەوەی خاوەنی مێژوویەكی پڕ سەروەرییە، لە هەمانكاتدا لەسەر ئاستی ناوخۆ و نێودەوڵەتیش پێگەیەكی تایبەتی هەیە، بۆیە دەبێت بەدوای كەسێكی لەو شێوە بگەڕێین، كە لەم قۆناخە جڵەوی سیاسی و كۆمەڵایەتیمان بگرێتەدەست و بتوانێت چۆن لەسەر ئاستی ناوخۆ ئەم بارودۆخی شەڕە بەڕێوەبەرێت، بە هەمان شێوە لەسەر ئاستی نێودەوڵەتیش بتوانیت قسە بكات و ئەزموونی هەبێت، بۆیە قۆناغی ئێستامان پێوستی بە سەركردەیی لێهاتوویی وەك پێشمەرگە ، سەرۆك مسعود بارزانی هەیە ..
پارتی،بارزانیی بەدرێژایی دیرۆكی خەبات و بەرخۆدان و رزگاریخوازی بە هۆی سازش نەكردن لە دۆزی كورد تا ئێستا رووبەرووی سەدان پیلانگێری و كاری نەزۆكی تیرۆریستی بۆتەوە ،لە وپێناوەشدا قوربانیی زۆری بەخشیووە و دەبەخشێ‌ ..ئەوەی دەمهەوێ‌ ئاماژەی پێبدەم ، دۆزی رەوایی گەلەكەمانە كە لە هەر لە رووداوە پێشهات و هەوڵەخیانەتكارییەكانی شۆرٍشی مەزنی ئەیللول بووە لە لایەن دەسەڵاتدارانی بەغدا و كۆیلەكانیان كە هەوڵی لە ناوبردنی مافەرەواكانی گەلی كوردیان لەو قۆناغەوە داوە و كاریان بۆ دروستكردنی دووبەرەكی و لێكترازانی نێو ماڵی كورد و ناوچەكەرێتی و شەرٍی خۆكوژی یا براكورژی داوە تا بە ئەمرٍۆ ..
بۆیە هەر جارێك پیلانگێرییەك لە دژی گەلی كورد و دەسكەوتەكانی لە ئارا بوو بێ‌ ئەو پارتی دیموكراتی كوردستان بە رێبەرایەتی بارزانیی ، زۆر حەكیمانە و ژیرانە رووبەروویان بوونەتەوە ، رێگەی نەداوە نێو ماڵی كورد تووشی شەرٍو ناكۆكیی بێ ..مێژوو شاهیدە لە ماوەی 28ساڵی رابردوو ، پارتی و بارزانیی بە هەموو توانایەكەوە ، گشت هەوڵەكانیان لە پێناو پوچەڵكردنەوەی هەوڵی دوژمنان و بەكرێگیراوەكانیان خستۆتەگەر باجیان بە مافی پارتییەكان داوە تا هەمیشە كوردستان ئارام و سەقامگیر بێ‌.. بۆیە رووداو و پیلانگێرییەكانی 16ی ئۆكتۆبەر و تا بە ئەمرٍۆ نەخشەی شوومی دوژمنان و داگیركەران روون و ئاشكران كە مەرامیان چیی بووە و چییە ، ئەوان هەر دەرفەتێك تێناپەرێنن لە پێناو دروستكردنی ناكۆكیی نانەوە لە نێوان ریزەكانی كورد و كوردستان ، لەبەرامبەر دا پارتی و بارزانیی كە بەرپرسیاریەتی كوردانە و نیشتیمانپەروەرانەیان لە سەر شانە ژیرانە رووبەرووی هەموو ئەو پیلانانە بوونەتەوە تا گەلی كورد بگات بە كەنارٍی دڵنییایی و سەقامگیری ..
بۆیە ، دەڵێم دوژمنان و ناحەزانمان خەیاڵیان خاوە جارێكی تر شەرٍی خۆكۆژی و دووئیدارەیی بە چاویی خۆیان ببینن ..سەركەوتن بۆ ئیرادەی گەل و پارتی و سەرۆك بارزانییە ..
كورد و كوردستان پێویستیی بە كەسایەتییەكی وەك سەرۆك مسعود بارزانی هەیە، لەبەرئەوەی تا ئێستا بەڕێزیان لە رووی سیاسی و دیپلۆماسی و سەربازییەوە توانیوێتی قورسایی كوردستان لە نێو هاوكێشە سیاسییەكانی ناوچەكە و نێودەوڵەتی وەدیاربخات. بۆیە دەكرێ ئێمە هاوكار و پشتیوانی بەڕێزیان بین، بۆ ئەوەی ببین بە ژمارەیەكی بەهێزتر لەوەی كە ئێستاكە هەیە.
ئامانجەكانمان بە بیر و ستراتیژێكی نەتەوەییانەئەوەی لەو سەردەمەدا، جێی هەڵوەستەیە ئەوەیە كە هەموو جیهان چاویان بڕیوەتە كوردستان، لە گشت پرسەگرنگەكانی ناوچەكە و جیهان پرس و راوێژ بە سەرۆك بارزانی دەكەن، ئەو سەرۆكەی كە توانیوێتی دەستكەوتەكان بپارێزێ و بەرەو پێشەوەی ببات. هەر جارێكی پرسێكی چارەنووسساز بێتە ئاراوەوە و دونیا شامی شەریف بێت كەسانێك هەن لە نێو خۆشی و لە پشت كۆمپیوتەر و لەوپەڕی خۆشی و ئارامی بێ ئەوەی هەست بە ئێش و ئازارەكانی گەلی كورد بكەن و بیر لەوە بكەنەوە كە بۆ ئەو ئارامی و سەقامگیرەی كوردستان سەدان شەهیدی بەخشیوە تەنیا قسەی گەورە و خەیاڵ و خەون دەبینن وا دەزانن دەتوانن لە رێگای قسەی و جوڵاندنی هەست و سۆزی خەڵكەوە ئاغاكانیان دڵخۆش بكەن و بگەنە ئامانجەكانیان.