پێڤاژۆیا ئاشتیێ ل باکورێ کوردستانێ باشترین رێکەچارەیە بۆ ئارامیا دەڤەرێ و دێ رێ ل پەکەکەێ ژی هێتە گرتن کو هێرشی تورکیا ببیت ئەڤە ل دەمێن بوری مە دیتیە دەمێ پەکەکێ راوستاندنا شەری دگەل تورکیا راگەهاندی و دەڤەر ئارام ببوو و هێدی هێدی پێڤاژۆیا ئاشتیێ بەرف پێش دچو ، دیسان ئەگەر ئەڤ پرسە رێکا خوە ببینیت دێ رێتنا خینێ هێتە راوەستاندن و گەلەک کێشە چارەبن ، هندی شەر و پێکدادان یا بەردەوامبیت دێ هەمی لایەک یێ زەرەرمەندبیت و بتایبەت کوردێن باکوور و دیسان هەرێما کوردستانێ ژی ، کێشێن تورکیا دڤێت بهێنە ڤەگوهاستن بۆ ناڤا تورکیا و پێڤاژۆیا ئاشتیێ باشترین رێگە چارەیە بۆ ڤێ چەندێ .
هندە سالە خاکا هەرێمێ ژ لایێ تورک و ئیرانێ ڤە دهێتە توپبارانکرن ئەوژی بۆ وێ یەکێ د ڤەگەریت کو تورکیا و ئیران یێن مافێن کوردێن لبن حوکمێ وان دخون و زولم و ستەمێ لێدکەن ، دڤێت ب تایبەت تورکیا رێکا دانوستاندنان بگریتە بەر و ب ئاشتیانە ڤێ کێشێ چارەکەت دا خینا سڤیلان نەهێتە رێتن ، هەر دەمێ کوردان مافێن خوە یێت رەوا وەرگرتن دێ کێشێن تورکیا ب داوی هێن ، ئەڤجا ناهێتە ژبیرکرن ل دەمێن بوری پێڤاژۆیا ئاشتیێ ئارامیەک پەیدا کربوو ب هەولێن بەردەوام یێن سەرکردێن مە یێن بارزانی ، سەرۆک مەسعود بارزانی رولەکێ گرنگ هەبوو دڤێ پرسێ دا و نهو ژی دێ هەولێن بارزانی د بەردەوامبن بۆ رێکە چارەیەکێ ، لێ دەم هات کو دیسان پێکولێن ساخکرنا ڤێ پرسێ بهێنە کرن و ژ بۆ ڤێ چەندێ هەڤسەرۆکێ هەدەپێ و شاندا دگەلدا سەرەدانا نێچیرڤان بارزانی کرن و دگەل سەرۆکێ هەرێما کوردستان کومبوون . سەرۆک نێچیرڤان بارزانى د دیدارا لگەل شاندێ پارتا دیموکراتا گەلان HDP ب سەرۆکایەتییا سزای تەمەللى دووپاتکر کو هەولێن وی د بەردەوامبن بۆ دەسپێکرن و سەرئێخستنا پێڤاژۆیا ئاشتیێ ل تورکیا و دووپاتکر کو نهو دەمێ ئاشتیێ یە ، پرسا کوردی ل تورکیا دڤێت ب رێیا ئاشتیێ چارەسەر ببیت ! ژبەرکو ب شەڕی چ کێشە چارە نابن و نابیت هیچ دەرفەتەکا ئاشتیێ ل تورکیا بهێتە ژ دەستدان ، ژ لایێ خوڤە شاندێ HDP سەرەرای پیرۆزباهیێ ل سەرۆک نێچیرڤان بارزانى بۆ دەستبکاربوونا وی وەک سەرۆکێ هەرێما کوردستانێ ، هێڤیا سەرکەفتنێ بۆ خاست و سوپاسیا هەوڵێن وی یێن پێشتر و نهو بۆ ئاشتیێ کر و دووپاتکر کو ئاشتى د بەرژوەندییا تەڤایا گەلێن تورکیادایە و گەلێ کورد خازیارێ ئاشتیێ و چارەسەریا ب ئاشتیانەیە .