پشتی هەلبژارتنا سەروکێ شارەداریان ل تورکیا و باکورێ کوردستانێ ، ئەو هەڤالبەندیا دناڤبەرا هەدەپە و جەهەپێ چێبووی و ب سەرکەفتنا وان ب سەر ئاکەپەییان ب دووای هات، ئاک پارتی و ئەردۆغان نەکارین خوە لبن پەردا ڤێ شکەستنێ ڤەشێرن و بدارێ زۆرێ دەرکەتن و، رۆژەڤا باکورێ کوردستانێ تەڤلهەڤ کرن. پشتی دانانا قەیومان ل شوینا شارەدارێن کورد کو ب دەنگێ کوردان هاتبوون هەلبژاردن دروما باکورێ کوردستاتێ و پارتا نونەر بەر ب خراپیێ ڤەچوون و پەیوەندیێن وان دگەل پارتا دەستهەلاتدار ئالۆزتر بوو.
دەما کو ئالۆزی تێ دەرێ ، هزر بەر ب ئەنتەرناتیڤ و چارەیان دگەڕن، هەدەپە ژی چارەیا وی بویەرەتی ل جەم نێچیرڤان بارزانی دبینیت. پشتی هێزێن ئەولەهی ل باکورێ کوردستانێ بینایێن شارەداریێن (ئامەد ،مێردین و، وانێ) گرتن شارەدار ژی ب بەهانەیا پشتگیریا خەباتکاران هاتن سووچبارکرن.{لەیلا کوڤەن} د کۆنگرەیەکە رۆژنامەڤانی داخوازیا ئالیکاریێ ژ نێچیرڤان بارزانی خواست. وەک خوەیایە دماوێ بوری دا بارزانی هەمی بزاڤ کرنە ب دبلۆماسیەت و پەیواندیێت خوە تەڤیا وان گرژی و ئالۆزیان خاڤبکەت کو دناڤبەرا هەرێما کوردستانێ و تورکیا دا هەبوون، کاری پەیوەندیێن سیاسی، بارزانی دگەل وان درووستبکەتەڤە.
پارتێن باکورێ کوردستانێ ژی ئومێد ب سەرۆکێ هەرێما کوردستانێ هەیە رۆلێ خوە بکارت بۆ ئاسایکرنا گرژی و ئالۆزیێن ل باکور هەی هەتا زەمینە سازیەک ژی بۆ پروسێ ئاشتیێ بهینتە پێش وەک خوەیایە دپرۆسێ ئاشتیی بەری نوکەژی سەرۆکی هەرێمێ رۆلەکە باش هەبوو ل دەستپێکرن و بەرداوامیا وێ وەلی مخابن نەگەهشتن توو کەنارێن ئارام .
بۆچی نێچیرڤان بارزانی؟
ب نەرینا مە بارزانی وەک سەرۆکێ هەرێمێ کو پێگەهێ هەرە بلندێ سیاسەتا دەرڤەیە و شەخسێ نێچیرڤان بارزانی وەکریە کو ئەڤ ناڤبەندی لێ وەرە خواستن، نە دویرە شەخسێ {عەبدوڵا ئۆجەلان}ژی داخواز ژ هەدەپە و ئالیگران کربیت کو داخوازێ ژ سەرۆکێ هەرێمێ بکەن ژبۆی چالاککرنا پرۆسێ ئاشتیێ، چونکی پشتی پەیاما ئۆجەلان بزاڤێن پارتێن باکور پتر بەر ب نێچیرڤان بارزانی بوون. ئانکو داخوازا هەدەپێ داخوازا ئۆجەلانە، چونکی رۆل پێگەهـ و دبلۆماسیەتا وی ل بەرچاڤ تێ وەرگرتن ب دامەزرێنەر و داینەمۆیا پەیوەندیا کوردستان و تورکیا تێ زانین ، لەورا پشتی نامەیائۆجەلان لسەر بەردەوامیا پرۆسا ئاشتیی ، بۆ جارا دووێ داخوازیا هەدەپێ ژ نێچێرڤان بارزانی بۆ ئالیکرنا پرۆسا ئاشتییێ هات خواستن ئەوژی لسەر داخوازیا هەڤسەرۆکێ هەدەپی {سەزای تەمەلی} ل رۆژا 8/9/2019 سەردانا سەرۆکاتیا هەریمی کرن و ئەو داخوازی ب فەرمی ژی خواست ،
ئەرێ دێ پروسێ ئاشتیێ دەست پێکەت ؟
ئەڤە پرسیارەکە و د نهادا رۆژەڤا تورکیی و نەخاسمە باکوری کوردستانێ گریتە، لێ ب نەرینا منە ئەردوغان دێ دەست ب پروسێ ئاشتیێ کەت، چونکی پشتی تێکدانا نا پرۆسێ و گرێدانا هەڤالبەندیێ دگەل پارتا نەژاد پەرست (مەهەپە) ل پرانیا هەلژارتنان دەنگێ خوە کێم کرینە، هەروەسا ڤەقەتیانا کەسایەتیێن مینا (علی بابا جان، داود ئۆغلۆ و، عبدوڵا گول ...) ژ ئەردوغان و ئاکپارتی و هەروەسا لێک نزیک بوونا جەهەپە ل پارتا هەدەپێ کەفتنا ئەردوغان ل ئستەنبۆل لسەر دەست و دەنگێ هەدەپەو کوردان ، ئەردوغان دزانیت ئەڤرو کورد و هەدەپە خاڵا ئینقازا وینە لەو بدوور نابینم پروسێ ئاشتی دەست پێ بکەت ڤە و ب دەست پێشخەریا سەرۆکێ هەرێمێ وەلی ب شێوەیەک جودا تر ژ پێڤاژویا بەرێ.