گرنگیدان ب ئاشتیا توركیا
زۆزان هارۆن
ئێك ژ حزبێن سیاسی یێن هه‌ری گرنگ ل توركیا حزبا گه‌لان یا دیمۆكراتیكه ، خۆیایه سه‌رۆكێ وێ یێ نوكه سێزایی تیمیلی یه و هه‌ڤسه‌رۆك ژی په‌روین بۆلدانه ل جیاتی سه‌رۆكێ وێ یێ جاران سه‌لاحه‌دین ده‌میرتاش و فیسگین یۆكسداگ یێن كو ل پشتی هه‌ولا كۆده‌تایا توركیا هاتینه زیندانكرن به‌ری سێ سالان. تشتێ جوان د ڤێ حزبێ دا ئه‌وه كو ژبه‌ر یه‌كسانیا هه‌ردو ره‌گه‌زان و پرسێن جێنده‌ر و جڤاكی دو سه‌رۆك دادنن بۆ حزبێ، و ئه‌ڤ حزبه تاكه حزبه هیڤیێن كوردان ل توركیا ب رێكێن ئاشتیانه دۆزا كوردان بهێته چاره‌سه‌ركرن، ئه‌ڤ حزبه ب شانده‌كێ خوه‌ڤه سه‌ره‌دانا هه‌رێما كوردستانێ كرن و د هه‌ڤدیتنه‌كا دیرۆكی دا ، ل دیوانا به‌رێز سه‌رۆكێ هه‌رێما كوردستانێ نێچیرڤان بارزانی داخۆیانیێن ب ره‌هه‌ند هاتنه دان ژ هه‌ردوو لایه‌نان ڤه، د به‌یاننامه‌كێ و بارزانی ته‌كه‌زی كو ئه‌و ته‌خسیریێ نه‌كه‌ن بۆ سه‌رئێخستنا پرۆسێیسا ئاشتیێ ل توركیا و ب بابه‌تێ خوه زانی كو هه‌می هه‌ول بهێنه دان ژ لایێ وان ڤه وه‌كو هه‌رێم كو پشتبه‌ستنێ بكه‌ن كو پرۆسا ئاشتیێ ل توركیا وه‌كو پارچه‌ك ژ ئاشتیا ده‌ڤه‌رێ ، دریغیێ نه‌كه‌ن ، ئه‌ڤ ره‌هه‌نده نامه‌یه‌كا نێڤده‌ولی ل گه‌ل خوه رادكه‌ت بۆ هه‌می حكومه‌تێن وه‌لاتێن ده‌وروبه‌ر و جیهانێ ژی ، چونكو ئه‌ڤ حزبا هاتیه سه‌ره‌دانا هه‌ولێرێ بۆ توركیا به‌شه‌كێ مه‌زنه د ناڤ خه‌لكێ توركیا دا و چه‌ندین باژار و گوند و پارێزگه‌هان ب خۆڤه دگریت و ل ده‌مێن هه‌لبژارتنان ژی پرسا سیاسی ل توركیا دبیته بابه‌تێ هه‌ستیار و ئاشتی د كه‌ڤیته د مه‌ترسیێ دا ، ژ به‌ر هه‌ستێن نه‌ته‌واتی و جڤاكی و خزمه‌تگوزاری ، له‌ورا گرێدانا ڤێ حزبێ ب كوردێن هه‌رێمێ ژی ڤه گرێدانه‌كا خوینێ یه و نه تنێ مه‌ترسیا توركیا و ئێكپارچه‌یا ئه‌ردێ وی دكه‌ڤیته د هه‌ستیاریا سه‌رانێن وێ دا ، به‌لكو عیراق و ئیران و هه‌می ده‌ڤه‌ر ژ فۆبیایا كوردبوونێ دترسن، و پیلانێن وان ل هه‌مبه‌ری كوردان و ب تایبه‌ت هه‌رێما كوردستانێ زۆر دبن و مه چه‌ندین سه‌ربۆرێن نه‌خۆش و تال دیتینه ژی ، له‌ورا ئه‌ڤرۆ نێچیرڤان بارزانی ئه‌ڤ لێكره‌شبوونه ب رۆهنی بۆ هه‌میان دیاركر و ب رێكا ڤی شاندی كو مه‌ره‌ما كوردان یا سه‌ره‌كی نه تنێ ل هه‌رێمێ به‌لكو ل سه‌رانسه‌ری جیهانێ ئاشتیی یه و ئارامی و ژیانانه‌كا ئارام دوور ژ شه‌ر و شه‌ماته و بكارئینانا چه‌كی ، و ل به‌رامبه‌ر ژی دا سه‌رۆكێ ڤی شاندی ژی هه‌مان ئاراسته خۆیاكرن و داكۆكی ل پرۆسا ئاشتیێ كر د ناڤبه‌را هه‌می گه‌لێن توركیا دا ب ڤێ یه‌كێ دێ سه‌ركرداتیا توركیا پشتراست كه‌ت كو هه‌رێما كوردستانێ و گه‌لێ كوردنه‌یێن تێكدانێ نه و ئاشتی تاگه رێیا وانه بۆ سه‌ره‌دریكرن ل گه‌ل بده‌سته‌ڤه‌ئینانا مافێن وێ یێن ره‌وا , و ژلایه‌كێ دی ڤه ، چولایه‌نێن كوردستانی پشته‌ڤانی بۆ خۆشكرنا بیاڤێ له‌شكری بۆ په‌كه‌كێ نه‌كریه یا كو رێكا چه‌كهه‌لگرتنێ بۆ خوه هه‌لبژارتی پتر ژ ئاشتیێ و هه‌رده‌م ب كریارێن چه‌ك و ته‌قێ بكارئیناینه و یێن ئاگری بۆ ده‌ڤه‌رێن سنۆری یێن هه‌رێمێ دئینیت.
