كورد مه‌رجه‌عێكی بالاو كاریگه‌ری ئه‌وێ.
موزه‌فه‌ر سریشمه‌یی
كه‌نداوی عه‌ره‌بی هه‌میشه به‌درێژایی میژوو، پێگه‌ی ستراتیژیه‌تی قه‌ت له‌ده‌ست نه‌داوه، به‌لكو هه‌ندێ جار گۆڕانكاری كراوه ،له ئاراسته‌ی كالاو به‌رهه‌مه‌كان و به‌روبوومه‌كان ، به‌لام مانای ئه‌وه نییه ، كه‌نداو گرینگی و هه‌ستیاریه‌كه‌ی به‌ره‌و كالبوونه‌وه‌بچێت و نه‌مێنێ.
مانه‌وه‌ی وولاتان، پابه‌نده له‌سه‌ر سیاسه‌تێكی به‌هێزی زانستی و ئابوریكی جۆراو جۆری هه‌مه‌لایه‌ن ، نه‌خشه و پلانێكی توكمه و كاریگه‌ر بۆ ئه‌وه‌ی ده‌وله‌تان پشت به‌و جۆره سامان و داهاتانه ببستێ و بۆئه‌وه‌ی رێچكه‌ی گه‌شه‌پێدان و په‌ره‌سه‌ندن به‌رده‌وامی هه‌بێت.
له‌هه‌مان كاتدا، ئه‌مه‌ریكیه‌كان هه‌میشه له‌هه‌وڵدان بوون ، بۆ دۆزینه‌وه‌ی بازارێكی هه‌مه‌لایه‌نی گه‌رم و گوڕ ، بۆ ئه‌وه‌ی كالاو به‌رهه‌مه به‌رهه‌م هاتووه‌كان ساغ بكاته‌وه له‌م جۆره بازارانه كه‌به‌خۆی سه‌رپه‌رشتی ئه‌كات و بۆ دانانی نرخ و دابه‌ش كردن وهه‌ڕاجكردنی به‌رهه‌كانیان.
بۆ خولقاندنی بازارێكی دووسه‌ره و له‌لایه‌ك كه‌ره‌سته خاوه‌كان بكرێ و له‌لایه‌كی تر، كالاكانی ساغبكاته‌وه ، بۆ ئه‌م مه‌به‌سته باشترین و نزیكترین بازاڕ، كه‌نداوه داماوه‌كه‌ی پلێتی عه‌ره‌بییه، ئه‌مه‌رێكا بۆ ئه‌وه‌ی به‌هه‌وه‌سی خۆی وه‌كو مه‌له‌وانێكی سه‌ركه‌وتوو، هه‌میشه به‌نێو ئاوه هه‌رێمه‌كه‌ی كه‌نداو بخولێته‌وه‌و نازو فیزیش بكات به‌سه‌ر ئه‌و ده‌وله‌تانه‌ی
كه له‌پانتایی نێمچه دوورگه‌ی عه‌ره‌بی هه‌ن و هه‌میشه مه‌ترسی و گه‌فی مه‌لاكانی به‌سه‌ره‌وه‌یه، ئه‌م گه‌فانه‌ش له‌وه‌تێ، كێبه‌ركێ مه‌زهه‌بی شیعه‌و سونه خۆی له‌بازنه‌ی قوتابخانه‌ی هه‌میشه‌یی ئه‌بێنێته‌وه، شه‌ڕه‌كه بوونی هه‌یه و به‌رده‌وامیش له‌سه‌ر ئه‌م شه‌ره،به‌شێوه‌ی راسته‌و خۆ یان ناڕاسته‌و خۆ درێژه‌ی پێده‌رێ، بۆنمونه، له‌نوێژكردن،له زیكرو عیبادت و بانگدان و بیركردنه‌وه‌ی ئیمامه‌كان وشێوازی پیاهه‌گوتن و مه‌راسیمی یادكردنه‌وه‌و رێگا پێوان و بابه‌تی تر.
ئه‌مانه هه‌مووی ده‌چنه خانه‌ی شه‌ڕێكی قوول و شه‌رمنانه و وه‌كو ئاگری بن كا ئه‌سووتێن و
بۆ دوا جار عه‌قلییه‌تی دواكه‌وتوویی ئه‌بێته قووچی قوربانی بۆ خۆشكردن و هاتنی ڕۆژئاوا به هه‌وه‌س و داواكاری سه‌رانی سه‌رلێشواو شۆفێنی عه‌ره‌بز
جه‌نگه‌كان به‌هێواشی رووده‌ده‌ن و قوربانیه‌كان به‌هێواشی پێشكه‌ش ئه‌كرین ، گه‌نده‌لیی زیاتر ئه‌بێ ، هه‌ناسه‌ی وولاتانی كه‌نداو سوار ئه‌بێ و ئیرانیش ، تووشی لۆكیمیا بووه و هێواش هیواش گیان وبه‌ده‌نی بۆته خۆراكی لۆكیمیا و داهاتووش بریار ئه‌دات بۆ سه‌ركه‌وتنی ئیراده‌ی گه‌لانی ژێر ده‌سته و داگیركراو.
هه‌ر بۆیه، وه‌كو هه‌ستی پێ ئه‌كرێ، شه‌ڕی مه‌رجه‌عه‌كانی ئاینی و مه‌زه‌هه‌بی و ئه‌مه‌رێكاش له‌به‌رده‌وامیدان، بۆ روو به‌رووبوونه‌وه‌ی یه‌كتری.
هه‌ر بۆیه، كوردیش وه‌كو نه‌ته‌وه‌ی دیارو ره‌سه‌نی ناوه‌چه‌كه، پێویستی به مه‌رجه‌عێكی بالاو كاریگه‌ر هه‌یه بۆ ئه‌وه‌ی ته‌كان زیاتر بدات به پرۆسه‌ی یه‌كگرتن و به‌هیزكردنی هه‌ستی نه‌ته‌وایه‌تی و رێكخستنی نێو مالی كورد.
بۆ ئه‌وه‌ی شكۆی مه‌رجه‌عێكی كاریگه‌رو خاوه‌ن پرۆسه‌یه‌كی ده‌وله‌مه‌ند له حكمداری و پرۆسه‌ی سیاسی خۆی له جه‌نابی كاك مه‌سعود بارزانی ئه‌بێنێته‌وه، بۆ ئه‌وه‌ی سنورو رووبه‌ری ئه‌ركه نیشتیمانی ونه‌ته‌ویه‌كان به‌رفراوانبكات و به‌ئاراسته‌ی خالی سه‌قامگیری و وه‌ده‌ست هێنانی مافه‌ره‌واكانی كوردستانیان به‌ده‌ست بێنێ ، ببێته ئاسۆی هه‌میشه‌یی بۆ هه‌لاتنی ڕۆژی كوردان.
