ژبۆ بەردەوامبونا ژیانێ هەر تاکەک یان کۆمەلگەهەک یان حکومەت و وەلاتەک پێتڤی ب دروستکرنا پەیوەندیانە چنکی ئەو نەشێن هەمی پێتڤیێن خۆ یێن ژیانێ و یێ برێڤەبرنێ دابین بکەن بۆ نمونە وەلاتێ عێراقێ و هەرێما کوردستانێ پترۆل و غازا هەی لێ چەندین پێتڤیێن دی یێ سەرەکی نینە لەورا دێ رابتن ب دروستکرنا پەیوەندیان و گرێدانا گرێبەستان بۆ فرۆتنێ بترۆلێ و کرینا کەل و پەلێن پێتڤی، ئەکەر ئەم بزڤرینەڤ کابینێن بەرێ یێن حکومەتا هەرێمێ ب سەرۆکاتیا (نێچیرڤان بارزانی) ئێک ژکارێن سەرەکى دروستکرنا پەیوەندیان بو ب رێکا دبلۆماسی و گرێبەستێن ئابوری، کو هۆکارێ پاراستن و پێشکەفتنا هەرێما کوردستانێ بوون سەرکردەیێن بسپۆر ل کارێن دیبلۆماسى و سیاسەتا ئابورى دەما پەیوەندیان یان گەرێبەستان ئەنجامتدەن پاشە رۆژێ لبەر چاڤ وەردگرن بۆ نمونە ئەو گرێبەستێن دەرئینان و هنارتنا پترۆلێ سەرۆکێ حکومەتا هەرێما کوردستانێ ب هەڤبەشى ئەنجامداین دگەل وەلاتێن زلهێز و کۆمپانیایێن ئەمریکی و روسی و تورکی، گەلەک ژ مە هاولاتیان وەسا هزردکر ودگۆت بۆچی ب هەڤبەشی وان کاران ئەنجام ددەت؟ لێ بەرهەمێ وان پەیوەندیێن دبلۆماسى یێن سەرۆکێ حکومەتێ وى دەمى دیاربوو دەما ئەمریکا بناغێ مەزنترین قونسلگەرى لە سەر ئاستێ رۆژهەلاتا ناوەراست لە هەولێرێ دانا، هەر وەسا دەما هێرشێن داعشێ نزیکبون ل سنورێن هەرێما کوردستانێ ئەو وەلاتێن پەیوەندى وبەرژەوەندیێن هەڤبەش هەین ب زیترین دەم ب فرۆکا و بچەکی بەرگری ل هەرێما کوردستانێ کرن ، و نائێتە ژبیرکرن پشتی ئەنجامدانە ریفراندۆما هەرێما کوردستانێ کو زێدەتر ژ(٩3%)هاولاتیان دەنگ بۆ سەرخوەبونێ دا بتایبەت پشتى (16 ئکتۆبەرا 2017 ) ێ ئیران وتورکیا ب توندی دژی وێ ریفراندۆمێ بوون لێ وەک مە دییتی ئیرانێ دەرگەهێن سنوری خۆ گرتن بەلێ پشتی ئەمریکا سزا لسەر زێدەکرن بەرپرسێن ئیرانی دهاتنە هەرێمێ و هیڤیا زێدەکرنا دەرگەهێن سنوری دکرن، و وەلاتێ تورکیا ژبەر وێ سیاسەتا حکومەتا هەرێمێ یا هەڤبەش نەشیا ئیک رۆژ ژی سنوران بگریت وبازرگانی بەردەوام بوو ، بەلێ ئێک ژ بەرهەمێن دیتر دپەیوەندىێن دبۆماسى ئەوبو پشتی ریدانا (١٦ی ئکتۆبەرا ٢٠١٧) و خیانەت و لەشکر کێشیا سەر کەرکوکێ و بەغدا ئابلوقەیا ئاسمانى ئێخستە سەر هەرێمێ سەرۆکێ حکومەتێ ( نێچیرڤان بارزانی) لسەر داخازا فەرمی یا سەرۆکێ وەلاتێ فەرنسا ( إيمانويل ماكرون ) ل (١/١٢/٢٠١٧) گەهشتە وەلاتێ فەرەنسا و دگەل سەرۆکێ فەرەنسا کۆمبو و سەرۆکێ فەرەنسا راگەهند کو دبیت مافێ هەرێما کوردستانێ لدیف دستوری بهێتە دایین و پشتگیریا خۆ بۆ هەرێمەکا بهێز راگەهاند ، ئەو سەردان بیە هۆکارێ شکاندنا ئابلوقێ لسەر هەرێمێ وگورینا بلانسى د بەرژەوەندیا هەرێمێ، ئەوژی ب سیاسەتا حەکیمانە یا مەرجەعێ کوردا ( سەرۆک مەسعود بارزانی )و دروستکرنا پەیوەندیێن دبلۆماسى ژلایێ (نێچیرڤان بارزانی) و دلسۆزیا فەرنسا بو بۆ ملەتێ کوردا، د سیاسەتا گرێدانە پەیوەندیان پێتڤیە کەسێن دبلۆماسی بوى کارى رابن و پلان هەبن داکو بشێن ب بەرژەوەندیێن هەڤبەش دوژمنی بکەنە دۆست...