روون و ئاشكرایە ، ناوچەكە ، عێراق بە قۆناغێكی هەستیار و چارەنووسسازدا گوزەر دەكات ، لەلایەك رژێمی ئێران رووبەرووی مڵمڵانیی گەورە و قورس لەگەڵ ئەمەریكا بۆتەوە بۆتە هەرٍەشە لە سەر سەقامگیری ناوچەكە و جیهان و بەهەمان شێوە توركیایش بە هۆی كرینی مووشەكی ئێس 400 و هەوڵدان بۆو چوونە نێو قوڵایی خاكی روژئاوایی كوردستان و سوریا لە قەیرانێكی قوڵدان ، ئەو رووداو و پێشهاتە چاوەروانكراوانە ، بەدڵنییاییەوە كاریگەریان لە سەر عێراق و هەرێمی كوردستان دەبێ و بوونی دەیان گروپی میلیشایی نایاسایی و بە سپۆنسەری ئەو وڵاتانەی لە ناوچەكە دەبێتە هۆی دروستبوونی كێشەی ئاسایشی و ئەمنیی ،بۆیە ، رەوشی ئێستامان هەستیار و قورسە و دەبێ زۆر هوشیارانە مامەڵە بكرێت . لەلایەكی ترەوە پارتی دیموكراتی كوردستان زۆرترین قوربانی بۆ بنیاتنانی حكوومەتی هەرێمی كوردستاندا، وەك دەبینین كەپارتی خاوەنی چلوپێنج كورسی بوو تەنیا هەشت وەزیری هەیە بەڵام لایەن هەیە نیوەی كورسییەكانی پارتی نەهێناوە بەڵام خاوەنی حەوت وەزیرە، دەستبەرداربوونی بەشێكی زۆری پۆستەكان لەلایەن پارتی دیموكراتی كوردستانەوە ئەوەی سەلماند پارتی تەنیا خەمی یەكریزی نیشتمانی هەیە و لەم پێناوەشدا هەموو قوربانییەك دەدات، چونكە پارتی لەسەر دەستی مرۆڤێكی هێندە مەزن دامەزراوە تەنیا لەپێناوی دۆزی رەوای میللەتەكەیدا جەنگاوە، ئەمەش ئەو نەریتە شۆرشگێرییە كە لە قوتابخانەی كوردایەتییەوە فێری بووین.سەرۆكی هەرێمی كوردستان نێچیرڤان بارزانی هەنگاوەكانی بەدیپلۆماسی ناسراون، هێز وتوانا و كارامەیی لە رابردوودا سەلماندوویەتی كە توانای بەڕێوەبردنی ئەو ئەركەی هەیە چونكە كەسێكی خاوەن ئەزموونە و سەركەوتوو بووە، توانی كوردستان لەقۆناغە سەختەكاندا بپارێزێت، تەنانەت نێچیرڤان بارزانی توانی دوای ساڵانێكی زۆر لەقۆناغی دوو ئیدارەیی یەكەم حكوومەتی یەكگرتووی نیشتمانی لەسالی 2006 دابمەزرێنێت، زۆرحەكیمانە توانی ئەم قۆناغە سەختە ببڕێت ، توانی هەنگاوەكانی بنیادنانی حكوومەتی یەكگرتووی هەریم بنیات بنێت، لەم ماوەیەدا زۆرترین پرۆژەی خزمەتگوزاری گەیەندرایە سەرجەم ناوچەكان و دەكرێت بڵێن هەرێمی كوردستان شۆرشێكی دیپلۆماسی لەسەر دەستی سەرۆكی هەرێم ئەنجامدا لەماوەیەكی دیاریكراودا زۆربەی وڵاتانی جیهان كونسوڵخانەیان لەهەولێر كردەوە.لەلایەكی ترەوە ئەگەر تەماشای رۆژانی دوای شانزەی ئۆكتۆبەر بكەین كاتێك فڕۆكەخانەكانی هەرێم راگیران و پەیوەندییە هەرێمی و نێودەوڵەتییەكان پچڕان، ئەوا دەبینین كە چۆن سەرۆكی هەرێمی كوردستان نێچیرڤان بارزانی كۆتایی بەقەیرانە مەترسیدارەكان بهێنێت لەكاتێكدا كە نەیارانی ناوخۆ بەهاوكاری هێزە هەرێمییەكان پیلانەكانیان دژی هەرێم زۆر توندكردبوو، بەڵام هەنگاوە دیپلۆماسییەكانی بەرێز نێچیرڤان بارزانی توانی كۆتایی بەشەوەزەنگی نەهامەتی بهێنت.سەرۆكی حكوومەتی هەرێمی كوردستان ڕێزدار مەسروور بارزانی ئەندازیاری پاراستنی ئاشتی و ئارامی ،ئەو سەركردەی ئەفسانەی تیرۆری تێكشاند، ئەو سەركردەیەی كەتوانی ئاسایش و ئارامی هەرێم لەقەیران و گرفتەكاندا بپارێزیت، لەكاتێكدا بەدرێژایی دە ساڵی رابردوو هەرێمی كوردستان لەناو دەریایەكی پر لەكێشمەكێشی رۆژهەڵاتی ناوەراستدابوو، بەڵام كەسایەتی و كاریزمایی بەرێز مەسروور توانی كۆتایی بەهەڕەشەكان بهێنێت و سەركەوتنێكی بێوێنە لەچەسپاندنی ئارامیدا تۆمار بكات، بەزیرەكی و حیكمەتی بەرێز مەسروور بارزانیی كوردستان لەجیهاندا ناونرا دوورگەیەكی ئارام لەناو دەریایەكی پر لەئاگردا، چونكە تەنیا ناوچەیەك بوو كەتیرۆریستان نەیانتوانی دزە بكەنە ناویەوە، ئەمەش بۆ لێهاتووی بەتوانای ئەندازیاری ئاشتی و ئارامی دەگەڕیتەوە.ئەوەی گرنگە لەئێستا بەرێز مەسروور بارزانیی سەرۆكی كابینەی نۆیەمی حكومەتی هەرێمی كوردستانە كەلەكاتێكی زۆر هەستیاردا ئەركێكی زۆر قورسی كەوتۆتە سەرشان، بەرێز مەسروور بارزانی لەكاتێكدا كابینەی حكوومەتی پێكهێنا كە رۆژهەڵاتی ناوەراست تووشی زۆر گرفتی قورس بووە، هەر لەناكۆكی نێوان ئێران و ئەمریكا تادەگاتە هەوڵەكانی رێكخراوی تیرۆریستی داعش لەشارە سونە نشینەكان، لەلایەكی ترەوە بەهیزبوونی ململانێكانی نێوان ئەمریكا و رووسیا ، گۆرانكارییە بەردەوامەكانی وڵاتانی عەرەبی وایكردووە كە ئەم قۆناغەی ئێستای رۆژهەڵاتی ناوەراست بەگشتی زۆر هەستیار بێت ، لێرەدا سەرجەم چاودێرانی سیاسی پێیانوایە كەسایەتی سەرۆكی حكوومەتی هەرێمی كوردستان بەرێز مەسروور هێندە كارێزمایەكی بەهێزە كە دەتوانێت ئەم قۆناغە هەستیارە ببرێت ، چونكە حیكمەت و سەركردایەتی مەسروور بارزانی متمانەیەكی وەهای دروستكردووە كە لەنزیكترین كاتدا وەرچەرخانی مێژوویی روودەدات كە هەموو میللەت شانازیی بەهەنگاوەكانییەوە بكات، دڵنیام لەماوەیەكی نزیكدا ئەنجامە سەركەوتووەكانی كابینەی نوێ دەردەكەوێت.رەهەندە دیپلۆماسییەكانی سەرۆكی هەرێمی كوردستان نێچیرڤان بارزانی كاریگەری زۆر گرنگ لەسەر بەهێزكردنی پێگەی هەرێم لەرووی نێودەوڵەتی و بنیاتنان و بەرەوپێشبردنی سێكتەری دیپلۆماسی دەبێت.كەسایەتی بەتواناو لێهاتوویی و لەخۆبووردوویی سەرۆكی حكوومەتی هەرێمی كوردستان بەرێز مەسروور بارزانی وادەكات كە لەنزیكترین كاتدا حكوومەتی هەرێمی كوردستان بتوانێت زۆرترین هەنگاوی بەرەوپێشچوون بنێت و بەسەر تەواوی قەیرانەكاندا زاڵبێت و گەشەپێدان لەسێكتەرە هەستیارەكاندا بەرەوپێش بچێت، لەرووی سیاسیشەوە تەواوی هاووڵاتیان و كوردستانیانی سەرجەم پارچەكان پشتگیری حكوومەتی داهاتوو بكەن، ئەمەش دەبێتە خاڵێكی زۆر گرنگ بۆ زامنكر هێمنی و ئارامی و خۆشگوزەرانی
رێبوار حەمەلاو شوانی
