ڤه‌ژاندنا هونه‌ری ل سه‌رده‌مێ نیچیرڤان بارزانی
زۆزان هارۆن
سه‌ره‌رای وان هه‌می به‌لا و قه‌یران و ئاسته‌نگ و به‌رته‌نگیێن بسه‌ر وه‌لاتێ مه دا هاتین و ب تایبه‌ت ل ڤان پێَنچ سالێن داویێ ، ژ شه‌رێ تیرۆرستێن داعشێ و بۆیه‌را خیانه‌تا 16 ئوكتۆبه‌رێ و شه‌رێ حه‌شدا شه‌عبی ل سه‌ر ده‌ریێن هه‌رێمێ، كو هه‌می پیلانێن رێكخستی بوون ژلایێ وه‌لاتێن مه‌زن یێن جیرانێن هه‌رێمێ ، نه‌شیان ژیانێ ل وه‌لاتێ مه براوه‌ستینن و بیاڤێن وێ ل مه تێكبده‌ن ، ژ برینا مووچه و بۆدجه و به‌هرا مه یا هه‌وه‌لاتیبوونێ ژ عیراقێ ب هه‌جه‌ت و بهانه‌یێن جۆره و جۆر، به‌لێ هیمه‌تا سه‌رۆكێ هه‌رێمێ جه‌نابێ نێچیرڤان بارزانی بهێزتر بوو ژ هه‌می وان هه‌ره‌شیان و ل به‌رامبه‌ر هه‌میان راوه‌ستا و ده‌نگێ راستیێ بسه‌ركه‌فت, ژ بلی برێڤه‌برنا شه‌رێ داعشێ و نه‌بوونا چه‌ك و مالیه‌تێ و بخواندانكرنا ئاواره‌یێن هاتین قه‌ستا هه‌رێمێ كرین ب هزاران ، نه‌هێلا بیاڤێ هونه‌ری بمینیت ڤه‌مایی ، ئه‌ڤ بیاڤه به‌رده‌وام بوو ل سه‌ر چالاكیێن خوه چونكو رۆلێ هونه‌ری نیشان و واجیهه‌یا هه‌ر وه‌لاته‌كی یه، سه‌ره‌رای هه‌می ره‌خنه و گل و گازه‌ده‌یێن بالێن به‌رهنگاری هه‌رێمی یێن ناڤخوه ب ئه‌جینده‌یێن بیانی ، ئه‌ڤ هونه‌ر ب خوه‌دان كه‌فت و گرنگیا به‌رێ و یا نها ژی یا دیار وپێشچاڤه بۆ هه‌می هونه‌رمه‌ندان تایبه‌ت یێن دهۆكێ ، ده‌مێ جه‌نابێ نێچیرڤان بارزانی ل سالێن كابینه‌یێن خوه یێن به‌ری سالێن 2000 و چه‌نده‌كێ پشتی هینگی چه‌ند ئاستێ وان بلندكربوو و بۆ نموونه ، مووچه‌كێ تایبه‌ت په‌شخی بوو ژ بۆ هونه‌رمه‌ندێَن دێرین و یێن خزمه‌ت كرین بۆ ده‌ه سالان و پێهه‌لتر ، هه‌یڤانه بێ به‌رامبه‌ری دگۆتنێ ((موچه‌یێن رێزلێنانێ)) و چه‌ندین سالان به‌رده‌وان ئه‌ڤ مووچه دهاته وه‌رگرتن دبیت ژی هه‌تا نها ژی جۆره‌ك وه‌ردگرن ، ژبلی رۆژنامه‌نڤیس و ره‌وشه‌نبیران هه‌میان مفا ژ ڤی مووچه‌ی وه‌ردگرتن كو كێم ژ حكوومه‌تان گه‌له‌ك وه‌لاتان ئه‌ڤ گرنگیه نه‌دایه ڤی سێكته‌ری و زێده‌باری ڤێ چه‌ندێ گرنگیدان ب كه‌سێن به‌هره و پرۆژێن داهێنانێ هه‌بوون گه‌له‌ك كه‌سان پێشكێش دكرن و ب هزاران كۆژمێن پاره‌ی بۆ دهاتنه مه‌زاختن ده‌رگه‌هێن داهێنانێ و هونه‌ری د ڤه‌كربوون و دبه‌رده‌وامن ژی هه‌كه قه‌یرانێ زیان لێ نه‌كربا نوكه هێشتا ژی ئه‌ڤ بیاڤه هاتبا ئاڤاكرن ب هه‌ول و كوششه‌نێن جه‌نابێ سه‌رۆك نێچیرڤان بارزانی، ئه‌ڤه ژ ره‌خه‌كی و خوه پشتی 16 ئوكتۆبه‌رێ ژی فه‌ره ل هه‌لكه‌فته‌كا مینا ئه‌ڤێ دا یا دامه‌زراندنا پارتی دیمۆكراتی كوردستان 16 ته‌باخێ ئاماژێ پێ بده‌ین ل وان بارودۆخێن سه‌خت دا، چه‌ندین فه‌ستیڤالێن هونه‌ری و كه‌لتۆری یێن نێڤده‌وله‌تی ل هه‌رێما كوردستانێ هاتینه گێران ، وه‌ك ژی فلمه فه‌ستیڤالا دژه تیرۆرا نێڤده‌وله‌تی ل هه‌ولێرا پایته‌خت د گه‌ل دا ژی فه‌ستیڤالا هه‌ولێرێ یا شانۆیا نێڤده‌وله‌تی. یان فلمه فه‌ستڤالا نێڤده‌وله‌تیا یا پارێزگه‌ها دهۆكێ كو شه‌ش گه‌رێن وێ هاتینه‌كرن. زێده‌باری فلمه فه‌ستڤالا سلێمانیێ ژی سێ گه‌رێن وێ هاتینه‌كرن. هه‌ر دیسا ژی فه‌ستیڤالا كه‌لتۆرێن جیاواز ل رانیه بۆ ده‌مێ پێنچ سالانه دهێته‌كرن ، ل دووڤ زانیاریێن مه هه‌میان ل ناڤا میدییان دیتین ئه‌م بخوه پشكداربووین 14 گه‌رێن پێشانگه‌ها نێڤده‌وله‌تیا په‌رتووكان هاتینه ڤه‌كرن ل هه‌رێما كوردستان وژدان دڤێت حاكم بیت بۆ دیاركرنا ڤان هه‌می بزاڤ و چالاكیان .
