ھەر ژ دەستپێکا دامەزراندنا پارتی دیموکراتی کوردستان ل١٦ئابا سالا ١٩٤٦ ب سەرکردایەتیا مەلا مستەفای بارزانی وەرچەرخانەکا مێژوویی یا گرنگ بو تەڤایا دوزا رەوا یامللەتێ کورد وبزافا رزگاریخوازی یامللەتێ کورد بەرەڤ قوناغەکا نوی چو وبەردەوامی دان ب خەبات و قوربانی دان ژبو کو ھیڤی و خواستێن گەلێ کورد ب جھ بینیت وچەسپاندنا ئازادی و پاراستنا بەھاو کەرامەتا مللەتێ کورد و بوڤێ مەبەستێ ژی کاروانەک ژ قوربانی دانێ دایە د ھەردوو شورەشێن ئەیلول و گولانێ دا وب دیتنا من پارتی دیموکراتی کوردستان پتر ژ ھەمی حزب و لایەنا خوەدی ھزرا نەتەوەیی یە وکارکرن ژبو ئارمانجێن مەزنێن نەتەوەیی کو ئەوژی دەولەت بوونە و چ جارا پارتی پاشڤەچون ژ ڤێ پرسێ نەکریە ھەلبەت وەکی جەنابێ نێچرڤان بارزانی دایە دیاکرن ل ژێر سیبەرا پارتی دیموکراتی کوردستان گەلی کورد بونە خودان بزوتنەوە و کیانەکێ سیاسی یێ حساب بوکری ل ناڤچەیێ و روژھەلاتا ناڤەراست و ل جیھانێ دا .پارتی بەردەوام ھەول دایە ژ بو کرانەڤەیا ھەرێما کوردستانێ ب روویێ جیھانێ دا کو ل دەمەکی دا نو کە زوربەیا ولاتین بیانی کونسولێن خوە ھەنە ل ھەرێما کوردستانێ و ھەرێما کوردستانێ خوەدی دوو بالەفرخانەیێن نیڤ دەولەتی یە کو ھەرێما کوردستانێ ب جیھانێ ڤە گرێددەت و ھەروەسا کومپانیێن زەبەلاح ێین جیھانی ل ھەرێما کوردستانێ کاردکەن مینا کومپانیێن شیڤرون و ئێکسون موبیل کو ئەڤەژی کارەکێ گرنگە ژبو راکێشانا بەرژەوەندی یا ژبو ھەرێما کوردستانێ ژبو بلندکرنا ئاستێ بەرھەم ھینانێ و سەرمایەگوزاریێ ل ھەرێما کوردستانێ ژبەرڤێ یەکێ ژی بەردەوام ئاستێ ئالوگورا بازرگانی ب رێژەیەکا بەرچاڤ دزێدەبونێ دایە .و ھەروەسا نێچرڤان بارزانی سەروکێ پێشتر یێ حکومەتێ کو نوکە سەروکێ ھەرێما کوردستانێ یە ستراتیژییەکا رون ئاشکرا ھەیە بەرامبەرا ڤان ھەمی پرسا بەردەوام ھانا وەلاتێن بیانی دا کو وەبەرھێنانێ ل ھەرێما کوردستانێ بکەن و ھەردیسابەردەوام ھانا بازارێ ئازاد دایە نەھێلانا قورخکاریێ و ڤەکرنا زێدەتر دەروازەیێن سنوری دگەل ولاتێن ھەڤسوو کو ئەڤە ھەمی فاکتەرێن سەرەکی بون ژبوو پێشڤەچونا ھەرێما کوردستانێ و پاراستنا بەرژەوەندیێن ھەرێما کوردستانێ.