هەر وەلات وحکومەتەک ژبۆ بدەستڤەئینانا داهاتى پشت ب سەرچاوەکى یان زێدەتر دەبەستن چ برێکا گەشت وگوزارێ یان کشتوکالێ یان هێزا کار وتەکەنەلۆجیایێ یان سامانێن سورشتى بتن دهاتێ هه‌رێما كوردستانێ نزیکى90% دهێته دابینكرن ژ کەرتێ سامانێن سروشتی وەکى پترۆلێ وغاز ... ل سەردمێ رێژمێن ژناڤچوى دهاتێ هەرە زۆرا پترۆلێ بۆ کرینا چەکى بوو و دژى کوردا و جیرانا دهاتە بکارئینان، هەر ل دەسپێکا دامەزراندنا پارتى ل (16/8/1946) ئارمانجێن سەرەکى ئازادى بوو ئازادیا سیاسى و ئابوورى وهتد... و بتایبەت پشتى دانانا دستورێ عێراقێ ل سالا 2005 کار وسیاسیەتا پارتى کو ب سەرۆکاتیا سەرۆک (مەسعود بارزانى) سەرۆکێ پارتى وسەرۆکێ هەرێمێ بو هەر وەسا (نێچیرڤان بارزانى) جێگرێ سەرۆکێ پارتى وسەرۆکێ حکومەتێ بو بیە کارکرن کو هەرێم مفایێ ببینى ژوى سامانى لدیف دستورێ عێراقێ ل بەندێ (112) یاهاتى (برگا1- حکومەتا ناڤەندى دێ رابیت ب برێڤەبرنا ئەو بیرێن پترۆلێ و غازێ ئەوێن هەین بەرى دستورێ 2005 و دێ رابت ب دابەشکرنا وى داهاتى ب ئێکسانى بۆ هەمى هاولاتیان، هەر وەسا دێ بەشەک ژێ هێتەتەرخانکرن بۆ قەرەبوکرنا وان هاولاتى و دەڤەرێن رێژما بەعس زەرە پێگەهاندى) وەکى ئەنفال کیمیابارن و کاولکرنا گوند و باژارێن هەرێما کوردستانێ لێ ئەڤ برگە نەهاتە جێبەجێکرن و ل برگا2- یاهاتى حکومەتا نافەندى و یا هەرێمێ دێ رابن ب دانانا پلان و بۆ پێشکەفتنا کەرتێ نەفتێ و غازێ ب رێکا گەریان ودەرئینانێ) ئەڤ دەسهەلاتە یا دایەهەرێما ژى ل بیرێن پشتى 2005 دهێنە بکارئینان هتد... لێ حکومەتا بەغدا ئەو برگەژى پێشێلکر و یاسایا تایبەت ب سامانێن سروشتى نە دەرئێخستیە ولدیف بەندێ (155) (هەر دەسهەلاتەک دچارچۆڤێ حکومەتا ناڤەندى نەهاتبیتە دیارکرن ئەگەر کێشە دناڤ بەرا حکومەتا ناڤەندى ویا هەرێمێ چێبو ئەوە دێ ل بەرژەوەندیا هەرێمێ بیت) ژبەر وان ئەگەران ولدیف یاسایێ ل 30ى نۆڤه‌مبه‌را سالا 2005 ل تاوكێ سنورێ زاخۆ ئێکەم بیرا پترۆلێ هاته هه‌لكه‌ندن (نێچیرڤان بارزانى)د وێ رێوره‌سمێدا راگه‌هاند : ده‌ستپێكرنا وى پرۆژه‌ى د دیرۆكا گه‌لێ مه‌دا روودانه‌كا گرنگ و دیرۆكى یه، ئه‌ڤه ئێكه‌م بیرا په‌ترۆلێ یه پشتى روخاندنا رژێما بۆرى ل ئیراقێ دهێته كۆلان و ئه‌ڤه بۆ ده‌هان ساله هیچ بیره‌كا په‌ترۆلێ ل هه‌رێما كوردستانێ نه‌هاتیه كۆلان، ل وى ده‌مى و هه‌تا نها حكومه‌تا هه‌رێما كوردستانێ پتر 174 گرێبه‌ست ل گه‌ل هژماره‌كا زۆر یا كۆمپانیێن جیهانى یێن ده‌رئینان و فرۆتنا په‌ترۆلێ ل دۆر پتر ژ 41 كێلگه‌هێن پترۆلێ هاتینه ئیمزاكرن، ئه‌ڤ گرێبه‌سته ل ژێر رۆشنایا یاسا یا نه‌فت و غازا هه‌رێمێ یه كو ل سالا 2007 ل په‌رله‌مانێ كوردستانێ هاتینه ئیمزاكرن. ونها هه‌رێم 11 ملیار مه‌تر سێجایا غازا سرۆشتى هه‌یه و دبیته نزیكى 5% یا غازا سرۆشتى یا جیهانێ، هەروەسا بەرهەمێ سیاسەتا پترۆلێ لسەر ئاستێ دەرڤە وى دەمى دیاربوو: دەما هێرشێن داعشێ نزیک بون ل سنورێن هەرێما کوردستانێ ئەو وەلاتێن گرێبەستێن هەڤبەش هەین ب زیترین دەم ب فرۆکا و بچەکی بەرگری ل هەرێمێ کرن ئەوژی ژبەر پاراستنا کۆمپانیایێن خۆ...
هەر وەسا پشتى ریفراندۆمێ ئیران وتورکیا ب توندی دژی وێ بوون لێ دەولەتا تورکیا ژبەر گرێبەستێن پترۆلێ یێن هەڤبەش نەشیا سنوران بگریت، هەر وەسا لسەر ئاستێ ناڤخۆی دەمێ مالکى ب بریارەکا دیر ژ یاسایێ بودجێ هەرێمێ برى ب فرۆتنا پترۆلێ بەشەک ژ مووچەى دهاتە دابینکرن و خزمەتگوزاریێن پێتڤى پێ داهتنە ئەنجامدان.
حامد نازم
