نڤیسینگەھا گرتیێن دەستێ داعش ل ھەیڤا ئۆکتۆبەرێ ل سالا ٢٠١٤ ل سەر بریارا سەرۆک نێچیرڤان بارزانی ھاتیە ڤەکرن ل پارێزگەھا دھۆکێ کۆ ل وی سەردەمی سەرۆکێ حکوومەتا ھەرێما کوردستانێ بوو، ب تایبەت بۆ کاروبارێن گرتێن کوردێن ئێزیدی یێن کەتینە دەستێ تیرۆرستێن داعش و رزگارکرنا وان، ھەروەسا ئێک ژ ئارمانجێن وێ یێن ھەرێ سەرەکی ئەو بو رزگارکرنا ھەمی ئەو کچ و ژن و زارۆک و زەلامێن کەتینە دەستێ داعش.
ھەروەسا ل دەسپێکا کارێ نڤیسینگەھێ بەرێز نیچیرڤان بارزانی دکۆتارەکا خۆدا گۆت، ئەم سۆزێ ددەن ل سەر کارێ نڤیسینگەھێ دبەردەوام بین ھەتا ئێک ژ تاکەکەسێن کوردێن ئیزیدی ل دەستێ وان درندەترین دوژمنێت مرۆڤاتیێ دە مابێت و گۆت ئەم وەک حکوومەتا ھەرێما کوردستانێ دگەل وەزارەتا پێشمەرگە دێ ب ھەمی ھێز و شیانێن خۆڤە کارکەین بۆ رزگارکرنا وان.و ھەروەسا گۆت تاوانکرنا ئێزیدیان ڤەدگەرێتە وێ چەندێ چونکی ئێزیدی خاک پەرەستن وەلات پارێزن و گرنگیێ ددەنە کەلتۆرێ خۆ یێ نەتەوەی و ئاینی.ژبەر ڤێ چەندێ د پەیاما خۆ یا پێنچ سالیا کۆمکوژیا کوردێن ئیزیدی دە د سەبەقەکا قەولێ ئێزیدیان دە گۆت :
ئەم ئێزیدی نە .......... سەرناڤێ سولتان ئێزینە
ئەم ب ئۆل و ئەرکانێت خۆ درازینە
جابێ بدەین کوردستانێ ......بلا قایم کەن ئیمانێ
شەرفەدین میرە ل دیوانێ .
و ھەروەسا ل دۆماھیا پەیاما خۆ دە گۆت دیسا د سەبەقەکا قەولێن ئێزیدیان دە .
یا سوارێ رۆژ ھەلات و رۆژ ئاڤایێ
تو بدە خاترا دۆت و دایێ
تو مە خلاس کەی ژ قەدایێ ژ بەلایێ .
بۆ پێزانین ئەڤێن ل خوارێ ئامارێن نڤیسینگەھا گرتیێن دەستێ داعش یا سەرۆک زۆر بەرێز نێچیرڤان بارزانی نە
ل دەستپێکا ھێرشکرنا تیرۆرستێن داعش ل سەر قەزا شنگال و دەوروبەرێن وێ : ٦٤١٧ تاکە کەس ھاتنە گرتن ژ ھەردۆ رەگەزان ل ٣ێ تەباخا سالا ٢٠١٤ . ھەر ژ دەسپێکا کارێ نڤیسینگەھێ ھەتا ڤێ گاڤێ ل دیڤ وێ ئامارا مە بەحس کری ل سەری . ٣٥٠٩ تاکە کەس ھاتینە رزگارکرن ژ دەستێ ھۆڤانەترین مرۆڤ ل سەر ئاستێ جیھانێ ژ وان ژی ٣٣٧ زەلام بوون و ١١٩٢ ژن بوون و یێن دی زارۆک بوون، و ھەتا نوھا ٢٩٠٨ تاکە کەس ماینە ژ ھەردۆ رەگەزان. و ھەروەسا ٣٦٠ ھەزار کەس ئاوارەی کەمپێن ناڤا سنوورێ ھەرێما کوردستانێ بویە. و نیزیکی ١٠٠ ھەزار کەسان کۆچا ژ دەرڤەی ھەرێما کوردستانێ کریا بۆ وەلاتێن بیانی و ب تایبەت ئەوروپا. ٨٠ گۆرێن ب کۆمەل ل ناڤا سنوورێ قەزا شنگال و دەوروبەرێن وێ ھاتینە دیتن. ٦٨ مەزارگەھێن ئاینی یێن ئێزیدیان ژ ناڤبرینا و پەقاندینە، ٢٧٤٥ زارۆک بێ سەمیان ماینە چ ژ لایێ دەیک و بابانڤە یان ژ لایێ دەیکێ یان بابڤە.
ئەڤ کارێن نڤیسینگەھا سەرۆک نێچیرڤان بارزانینە ھەر ژ دەسپێکا جینۆسایدکرنا کوردێن ئێزیدی ژ ئالیێ تیرۆرستێن داعش ڤە ھەتا ڤێ گاڤێ و دێ ھەر یا بەردەوام بێت ل سەر کارێ خۆ بێ کۆ ھیچ لایانەک ھاریکاریا وێ بکەت .