لە پرۆسەی ئاوەدانی و ئارٍامی بەرەو كوردستانێكی پر هیوا ..
رێبوار حەمەلاو شوانی
ئه‌وه‌یان واقیعی حاڵی ئه‌وباردۆخه‌ی كوردستان بوو ،به له‌به‌ر چاوگرتن و به‌رزنرخاندنی رۆڵ و پێگه‌ی پارت و لایه‌نه نیشتیمانییه كوردستانییه‌كانیش ، له‌دوای پرۆسه‌ی ریفراندۆمی سه‌ربه‌خۆیی، كوردستان له نێو بارودۆخێكی چه‌قبه‌ستووی نێو هه‌ژموون و فشاره‌كاندا قه‌تیس مابوو .
له‌و ئان وساته‌ی هه‌ڵبژاردنه‌دا وله نێو دڵه راوكێ و مه‌ترسییه‌كاندا كه كابینه‌ی نۆیه‌م له‌دایك بوو، وه‌ك به‌رهه‌می خه‌باتی په‌رله‌مانی و حكومه‌تداری قۆناغی دیموكراتی ومه‌ده‌نی دوای راپه‌ڕینی ئازاری 1991ودرێژه پێده‌رێكی ئه‌و رێبازه‌یه تا به‌خوێنی تازه‌وكاره‌كته‌ری دیكه‌ی كارا، حكومه‌تمه‌داری كاراترو به‌هێزترو سه‌نگینتربێ.رێزدار نێچیرڤان بارزانی سەرۆكی هەرێمی كوردستان ناوێكی ئاشنای كوردستانیان و جیهانە، هەریەك لە ئێمە كە هاونشتمانی ئەم وڵاتەین، ئەگەر راستگۆیانە بڕیار بدەین و هەڵسەنگاندن بۆ كاركردنی نێچیرڤان بارزانی بكەین لەماوەی ساڵانی رابردوو، ئەوا دەبینین لە كاتی ئارامی ئەندازیاری ئاوەدانی و خۆشگوزەرانی خەڵكی كوردستان بووە و هەوڵ و تێكۆشانی بێ وچانی كرد لە پێناو ئاوەدانكردنەوەی گوند و شاری ئەم كوردستانە، لەكاتی نەهامەتی و قەیران و شەڕدا، پیاوە مەزنەكە بوو بۆ شكاندنی ئابڵۆقەی سیاسی و ئابووری و سەربازی سەر كوردستان. دروستكردنی كەسایەتیی بەتوانا و هەروەها دەستكەوتنی سەركردەیەكی بە توانا ئەوەندە سانا نیە بۆ ئەوەی متمانەی سەركردایەتی كردنی وڵات و میللەتی پێ بسپێریت، چونكە ئەوەی دەبێت بەسەرۆك، دەبێت خاوەن مێژوویەكی پڕ لەسەروەری و پێشینەیەكی خەبات و تێكۆشان و كاریزمایی تێدا هەبێت تاوەكو میللەت بێ دوودڵی سەركردایەتی خۆیان بخەنە ئەو دەستە ئەمین و دڵسۆزەوە، وەك چۆن لە رابردوو كوردستانیان یەكەم سەرۆكایەتییان بە سەرۆك مسعود بارزانی ڕاسپارد. لەبەر ئەوەی لای هەموان روون بوو كە بارزانی كێیە و چی كردووە لە رابردوو بۆ خاك و وڵات و چییان بۆ دەكات و چۆن پارێزگارییان لێ دەكات. ئێستاش وەرگرتنی سەرۆكایەتی لەلایەن سەركردەیەكی هەڵوقوڵاوی نێو خەبات و ئاوەدانی كوردستان و پیاوی زاڵبوون بەسەر قەیرانەكان و دۆزینەوەی رێگا چارەی گونجاو بۆ كێشە هەڵپەسێراوەكان.بەتایبەت كە لە ئێستادا ، رێزدار مەسروور بارزانیی ، سەرۆكایەتی كابینەی نۆیەمی حكومەتی كوردستان دەكات و پشتیوانێكی بەهێز دەبن بۆ زیاتر پێشكەوتن و سەركەوتنی وڵات لە گشت بوارەكاندا .. ئێستا رێزدار نێچیرڤان بارزانی له مێژووی سیاسی كوردستان دووه‌مین سه‌رۆكی هه‌رێمی كوردستانه . نێچیرڤان بارزانی به گه‌واهی سه‌رۆك و به‌رپرسانی باڵای دونیا خاوه‌نی ئه‌زموونی ئیداره‌كردنی باش وسه‌ركه‌وتوویی حكوومه‌تداری و به‌رێوه‌بردنی كوردستانه، به‌تایبه‌تیش له‌قۆناغه‌سه‌خته‌كانی شه‌ڕی داعش و دوای كاره‌ساتی 16ی ئۆكتۆبه‌ر،رزگاركردنی دامه‌زراوه‌كانی حكوومه‌تی هه‌رێمی كوردستان له شه‌ڕوهێڕش و گێژه‌لووك و شه‌پۆله بێ ئه‌مانه‌كانی پیلانگێڕان وگه‌یاندنیدامه‌زراوه‌ی حكوومه‌تداری به‌كه‌ناری ئارامی سیاسی و دیبلۆماسی وسه‌ر له‌نوێ بوژانه‌وه‌ی ئابووری كوردستان.
وا نێچیرڤان بارزانی، به‌شێوه‌یه‌كی یاسایی ، سه‌ركردایه‌تی هه‌رێمی كوردستان به‌رێوه ده‌بات ، له‌گه‌ڵ به‌رێز مه‌سروربارزانی به‌ربژێر بۆسه‌رۆكی حكوومه‌تی هه‌رێمی كوردستان، دوو سه‌رۆكی كاراو ئه‌كتیف و كارامه‌و لێوه‌شاوه ، دوو گه‌نجی په‌روه‌رده بووی رێبازو په‌یڕه‌وی قوتابخانه‌ی بارزانی، دوو جومگه‌ی هه‌ستارو گرنگی ئه‌م قۆناغه‌یان گرته ئه‌ستۆ.
ئێستا سه‌رۆكه گه‌نجه لێوه‌شاوه‌و شایه‌سته‌كان( نێچیرڤان بارزانی و مه‌سروور بارزانی )به‌رێنمایی وپشتگیری وپشتیوانی و ئاراسته‌ی رۆشنگه‌ریانه‌ی ئه‌زموونی قوڵیخه‌باتی سیاسیی و دبلۆماسییو پێشمه‌رگایه‌تی رابه‌روسه‌رۆك مه‌سعوود بارزانی باوك،ده‌وڵه‌مه‌ندو ئه‌زمووندارن، بۆبه‌رێوه‌بردنی سیاسیی وئیداری و دبلۆماسیی به هه‌ردوو ئاراسته‌ی په‌یوه‌ندییه دبلۆماسی و سیاسییه نێوده‌وڵه‌تییه‌كان بۆ ده‌وڵه‌تانی جیهان وچۆنیه‌تی باشتر ئیداره‌كردنی سیاسیی و كارگێری و وه‌زاری وه‌زاره‌ته‌كانی حكومه‌تیهه‌رێمی كوردستان له ناوخۆدا ئاینده‌بینترو به‌ده‌م رۆشنن .نێچیرڤان بارزانی، ئەو سەركردەیەیی هەموو تەمەنی خۆی لە پێناو كوردستان داناوە.ئەزموون و سەركردایەتی ماوەی رابردووی نێچیرڤان بارزانی ئەو بە هاونیشتمانی و كوردستانیان دەڵێت، میللەت با ئاسودە بێت و كەشتی بەرەوپێشچوونی كوردستان لەلای كاپتنێكی خەمخۆر و دڵسۆزە و لە ئایندەیەكی نزیك لە كەناری ئارامی لەنگەر دەگرێت هەروەك چۆن پێشتر ئەم سەركردایەتیە لای پێشمەرگەیەك بوو كە سەرۆك بارزانی بوو، ئەمڕۆش لای ئەندازیارێكی ئاوەدانی و شكێنەری ئابڵۆقە و قەیرانەكانە كە قوتابییەكی دڵسۆز و جێی متماە و بڵیمەتی سەرۆك بارزانییە و هەڤاڵی دڵسۆزی رێبازی بارزانییە.
