پشتی گڤاشتنا زێدەیا ئەمریکا ل سەر ئیرانێ، ئابووریا وی وەلاتی رووبرویێ مەترسی و گەفێن مەزن بوویە، ئیران وەلاتەکە ب سەدان سالە کۆکا خوەیی دەولەتیێ ل سەر وی ئاخێ دانایە و د هەمان دەم دا حکومەتا ئسلامیا نها دەستان ژ چوو تشتان ناپارێزن ژ بۆ مان و راگریا خوە بەرامبەر نەیار و هەڤڕکێن خوە نەخاسمە ئەمریکا.
ئیران ل هەمبەری روبروبوونا گڤاشتنا وان ئابلوقەیان ب دوو شێوازان بەهنگارێی دکەت.
ئێک: گیر و کرن و درووست کرنا ئاریشان بۆ پێکهاتنا حکومەتا هەرێمێ و سەرۆکاتیا هەریمی کوردستانی و هەرچەند ئەڤ پێکنەهاتنە گیرۆ ببا د بەرژەوەندیا ئیرانێ دە بوو، وی ب رێکا کەنالێن خوەی نەفەرمی ئەڤ ل هەڤ هاتن بۆ ماوێ چەند مەهان گیرۆکر و نەدهێلا پێک وەرە. مفایێ وێ چەندێ ژی بۆ ئیرانێ ئەو بوو کوردستان نەبتە ئەنتەرناتیڤا ئیرانێ بۆ پەترۆلی، هەروەسا هەتا ئەو ل رێکان بگەریت و دەم ژ وی رە لازم بوو.
دوو: پشتی حکومەتا هەرێمێ پێکهات ئیران کار ل سەرێ شێوازێ دوویێ دکەت، ئەو ژی تێکدانا رەوشا ئەولەهیا باشورێ کوردستانێیە، وەک خوەیابوویە کو نێچیرڤان بارزانی ل رەدەمێ دەستهەلاتداریا خوەدا وەکو سەرۆکێ حکومەتێ، پەترۆلا کوردستانیا بریە سەر نەخشەیێ جیهانێ و هەرێم کریە کارەکتەرەکێ ب هێز ل د ڤی بیاڤی دا، لەورا نها بوویە دیفاکتۆ کو کوردستان ئەنتەرناتیڤێ ئیرانێ یە ژ بۆ پەترۆلێ نەخاسمە گازا سروشتی، و دێ جهێ ئیرانی گرت ل دەڤەرێ. د ئیرۆدە رۆلێ ئیرانێ ئەوە وێ ئەنتەرناتیڤیێ ژ هۆل راکەت. کارێکتەرێت سەرەکی ڤێ لیستکێ(تورکیا، ئیران، امریکا)یە، دگەل هەرێما کوردستانێ.
تورکیا دوژمنێ دیرۆکیا میللەتێ کوردە و ب مەجبووری و پێدڤیێ و بەرژەوەندیێن خوە نەبیت ناخوازت کوردستان ڤێ رۆلی و لیستکا سەرەکیا جیهانێ بگێرت. ئیران ژی ژ بلێ دوژمنامەی سیاسی یە، ئیرۆ مە ب گەف و ئەنتەرناتیڤ ل سەر وەلاتێ خوە دبینە. لەو ب نێرینا من ئیران بەرپرسە د تێکدانا رەوشا ئەولەهیا هەرێما کوردستانی ب رێکا هند کەنالێن خوە، گەلەک جاران ( د.فرهاد پیربال )دگۆت کوردستان یا ژ بۆ سەرخوە بوونێ دچت، وەلێ هند جهـ و لایەن هەنە پێ یت مە دگرن ،،لاقمان دەگرن ناهێلن پینگاو بهاوێژین،، و ناهێلن پێنگاڤان بەر ب پێش ببەین و پێنگاڤێن ما خلۆلە دکەن، لەوا پێنگاڤێن پێکئینانا حکومەتێ و کاراکرنا سەرۆکاتیا هەرێمێ گەلەک ب هێواش بوو. ئەو پێ گرتن بوو کو د.فرهاد پیربال بەحس دکر کار ب خلۆلەیی ب رێڤە چوو ل دیوف زانیاریان ئەمریکا تورکیا هایدار کریە کو نابیت ب هیچ رەنگەکی پەترۆلی ل ئیرانی وەرگرت، و فەرە بۆ پێدڤیاتێن پەترۆلێ تورکیا پشت ب هەریما کوردستانی گرێ بدەت و هەریما کوردستان ببتە بادیلی وزەیا ئیرانێ ژ بوی تورکیا، لەو ئیران هەمی بزاڤان دکەت رەوشا ئەولەهیێ تێکبدەت و کوردستان نەبتە ئەو ئەنترناتیڤ.
بکارئینانا پەکەکێ بۆ وێ مەرەمێ ژ لایێ ئیرانی تشتەکی چاڤەرێ کری بوو، کوشتنا ئەندامەکی قونسلگەها تورکیا ل هەولێرا پایتەخت دەستپێکا وێ لیستکێ یە کو ئیران دخوازت پێ بلەیزت.
ب نێرینا مە دامەزراندنا هێزەکی چەکدار ل باشورێ کوردستانێ ب ناڤێ( هێزی پاراستنی جەوهەری باشور) دیسان ژ بۆ هەمان پیلان و مەرەمێن ئیرانێ یە، پشتی تێکچوونا پەیوەندیێن تورکیا امریکا و چەپ دانا وێ بۆ لایێ روسیا نە دورە تورکیا ژی بچتە ئالێ دیێ پرێ. کو دێ ئەڤێ چەندێ د بەشێ دووێ بەحسکەم کو (تورکیا دخوازت چ بکەت).
لەو فەرە دامەزراوەیێن هەریما کوردستانێ و نەخاسمە سەرۆکاتیا هەرێمێ کو بەرپرسێ هێزێن چەکدارە ژی هێزا خوەی دبلۆماسی و پەیوەندیان بکاربینت، چونکی بەشەک ل پیلانا وان ئەوە کو کوردان رووبروویێ شەرێ براکوژیێ بکەن، و چارەسەریا مەیی و نەتەوەیی کوردستانی د شەرێ دانینە ئەگەر چەند جوداهیێن مە هەبن و مە رەخنە ژی ل ئەداو کارێ پەکەکی هەنە. هەردیسان ئەگەر د رۆژەڤا ئیرو لسۆشیال میدیایی بنێرن ب رێکا هندەک مدیایێن سێبەر ئەو بەرەیا شەری ب ناڤێ عەشیران گەرمتر و مەزنتر دکەن. کو ئەڤەژی ب پیلانا ئیرانی دبینم.