وەکی یا دیار کو نوکە روژھەلاتا ناڤین ب گشتی دبارودوخەکێ ھەستیاردا و نەسەقامگیر دا دبووریت ئەڤەژی ژ ئەگەرێ وان گرژی و ئالوزیێن دناڤچەیێ دا ھەی دناڤبەرا ئیران و ئەمەریکا دا کو ئەگەرا روودانا شەری ل ھەر دەمەکی دا ھەیە وھەروەسا ل ڤێ داویێ ب دەست ب سەرداگرتنا گەشتیەکا بریتانیا ژ لایێ ئیرانێ ڤە کو رەوش پتر ئالوزکریە و ھەروەسا ژ ئالیەکێ دن ڤە کرینا سیستەمێ بەرگێریێ S-400ژلایێ تورکیا ڤە ژڤێ ئەگەرێ جورەک ژ ساریێ کەتیە دناڤبەرا پەیوەندیێن تورکیا و ئەمەریکا دا بێ گومان ژ ئەگەر ڤان گرژی و ئالوزیان ھەرێما کوردستانێ ژی دبارودوخەکێ ناسک و ھەستیاردا دەربازدبیت،لێ سیاسەتا حەکیمانە یا سەرکردایەتی کوردستانێ وب تایبەت رولێ نێچیرڤان بارزانی وەک سەروکێ نویێ ھەرێما کوردستانێ کو سیاسەتا پاراستنا بەرژەوەندیان گرتیەبەر ژبوو پاراستنا بەرژەوەندیێن ھەرێما کوردستانێ ل ناڤچەیێ و شیایەی حەتا رادەکێ مەزن بێلایەنی یا خوە دیاربکەن ڤان بەرژەوەندیان بپاریزن پەرە پەیوەندیان بدەن دگەل ولاتین ھەڤسوو و ھەروەسا ولاتێن زلھێز ژی،ول ڤێ سەرەدانا دوماھیێ یا بەرێز سەروکێ ھەرێمێ بو فرەنسا دیار کو ھەرێما کوردستانێ دێ بیتە فاکتەرەک بو ئارامیێ و سەقامگێریێ ل ناڤچەیێ .لێ ئەوا جھێ دلگرانیا ئەوە کو جموجولێن سەربازی یێن پەکەکێ ل سەرسنورێت ھەرێما کوردستانێ دێ زەرەرو زیانێ ب پێگەھ و پەیوەندی و بەرژەوەندیێن ھەرێما کوردستانێ گەھینیت،ناھێلیت ھەرێم ب خواستا خوە بگەھیت دڤێ دەربارێ دا.ھەلبەت ئەڤە ژی جھێ دلگرانیا خەلکێ کوردستانێ یە چونکی ئەڤ کارو کریارێت پەکەکێ یێت بووینە فاکتەرەک ژبوو تکێدانا و شێواندنا ھەرێما کوردستانێ و نەمانا سەقامگێریێ و ئارامێی،چونکی خەلکێ ھەرێما کوردستانێ قوربانیێن مەزن داینە حەتا گەھشتینە ڤێ قوناغێ ژ سالا ١٩٦٣حەتا سالا١٩٩١مللەتێ مە چەند جارا ھاتیە جینیوسایدکرن(ئەنفال ھەلەبچە و کومەلگوژی کوردێن فەیلی و کومەلگوژی بارزانیان ).
لەوما پێدڤی یە پەکەکە پێگەھێ ھەرێما کوردستانێ بەرچاڤ وەرگریت نەبیتە جھێ تێکدانا کوردستانێ چونکی ئەڤ کاروکریارێت پەکەکە ھیچ خزمەتەکێ بوو دوزا رەوا یامللەتێ کوردناکەت ب تایبەتی ل ھەرێما کوردستانێ ب پێچەوانە بەلکو دبیتە بیانوو د دەستێ وان دا حەتاکو ئەو بشێن ھێرشی سەر ئاخا ھەرێما کوردستانێ بکەن.ئەڤە راستیەکا ئاشکرا ھندی پەکەکە کار ژبوو تێکدان و دروست کرنا ئاریشە یان بو حکومەتا ھەرێما کوردستانێ کری ھند نەبوو یە جھێ سەرئێشێ و کێشەیا بو حکومەتا تورکیێ سەرەرای ھندێ کو جھێ خەباتا وان یێ دیارە کو کوردستانا باکوورە ،و ئەڤ ھێرشا چەند کەسەکا بو سەر گەشتیارێن ھەرێما کوردستانێ ژبەر گوشتنا جێگرێ کونسولێ تورکیا روونترین نمونەیە بو پەکە کێ کو خەباتا خوە ببەنە وێرێ.وئەگەر ھەولێن دبلوماسیێ یێن سەروکێ ھەرێمێ و سەروک وەزیران بەرپرسێن حکومەتێ نەبان بارودوخ دا پتر ئالوز بیت.