ڤیانا وەلاتی هەستەکێ هەلگرە دناخێ تاکی دا بۆ دیارکرنا ڤێ ڤیانێ دڤێت چەند خالەک لبەر چاڤ بهێنە وەرگرتن ژ وانا وەفاداری و بەرەڤانی کرن ژ کوردستانێ ژ هەر دوژمنەکی ، پاقژ راگرتنا سروشتی ، بەژداری کرن د کارێن خێرخوازی دا وەک خوبەخش ، پێگیری کرن ب یاسا و رێسایێن کوردستانێ ، چارەکرنا کێشەیێن دناڤبەرا وەلاتیان ب دانوستاندنان ، رێزگرتن ل عادات و تەقالیدێن جڤاکی ، بەرز راگرتنا سمبولێن وەلاتی بگرە ژ سروودا نیشتمانی و ئاڵا و سەرکردێن مە یێن مێژویی وەک مەلا مستەفا یێ بارزانی . ناڤێ کوردستانێ د دلاندا یێ چاندی یە و د مێشکاندا یێ پاراستیە ئەڤا مە ئاماژە پێکری وێ چەندێ د سەلمینیت کو ڤیانا وەلاتی دڤێت یا نەگوربیت هەستا نەتەوایەتی د دلێ مەدا هەردەم یا ساخبیت ، ئەو کەسێ گەندەلا ب پارێزیت چ جێوازی دناڤبەرا وی و یێ هاریکاریا دوژمنی دکەت لسەر لێدانا بەرژەوەندیێن کوردستانێ نینە ، ڤیان بۆ کوردینیێ و کوردستانێ ب پەروەردەکرنا زاروکی د هێت داکو نفشەکێ ساخلەم بهێتە پێش ، ئەگەر تو پارتی بی دێ خوو ب خودان زانی نەک دێ ژ بەر کەسانێن خراب خوو ژ پارتی دیرکەی ، ئەوێ بڤێت بۆ کوردینیێ و کوردستانا ئازاد کار بکەت دێ دەستێ خوو دەتە دەستێ پارتی و بیتە پشتەڤان بۆ هەردوو سەرکردایەتیا ، سەروکێ هەرێمێ نێچیرڤان بارزانی و سەروک وەزیرێن هەرێمێ مەسروور بارزانی ، دا دگەل وان سەربێخین کوردستانێ لسەر گەندەل و توندرەو و بێ کاری و کێم خزمەتێ و نەدادپەروەریێ و بەرەلایی یێ ، ئەڤجا نەبێژە بتنێ خرابی یا زالە تو کەسەکێ باشبە و ل جهێ تو لێ کارێ ساخلەم بکە و ژ لایێ خوو ببە پارێزڤان ل کوردستانێ .
دڤێت ئەو کەسێن پێل مافێ پرانیا خەلکی ددانن کو نوت ژ سەدێ وەلاتیێن هەرێمێ موسلمانن ئەو ژی ب ماف دانا خوو ب دژاتیا ئایینێ وان کو ئیسلامە دڤێت ئەوان کەسان ژ جهێن بەرپرسیارەتی یێ بیننە خار و رێ نەدەن ببنە خودان دەستهەلات چنکو ئەف کەسە دێ بنە ئەگەرێ تێکدانا نافخویی یا کوردستانێ ئەو کەسێ ئاینێ خو بڤێت دێ وەلاتێ خوو ژی پتر ڤێت چنکو ب هەبونا ڤی وەلاتی یێ دشێت ببیتە کەسەکێ پاراستی ، دڤێت بزانین کو تاک خودیکا وەلاتیە ئەگەر تاک یێ زانا و پاک بیت دێ وەلاتێ وی ب وی سیمای بەرچاڤبیت ، ل کوردستانا مە نینە مالەک هەبیت یان کەسەکێ وی یێ خێزانێ یان ژی نیاسێ وی لسەر ڤێ ئاخێ نەهاتبیتە شەهیدکرن ئەڤجا گازندێن وەلاتیان ژ خەمخوریا وانە بۆ وێ خینا رێتی چنکو ئەو خین ب چ بهایان ناهێتە کرین گەلەک بهایێ وێ یێ ب سەنگە ، ڤیانا کوردستانێ یا د دلێ مەدا و دێ هەر مینیت بەرز و بلند هەر وەک وێ ڤیانا مە هەی بۆ بابێ کوردینیێ مەلا مستەفا بارزانی .