کی ل پشت تیروکرنا جێگرێ کونسولێ تورکیایه گرنگه ،لێ یا گرنگتر ئارمانجه!!!
شڤان سالم گولی
فشارێن هه‌ر یه‌ک ژ ئه‌مریکا و بریتانیا لسه‌ر ئیرانێ و هه‌ولدان بو قوت کرنا ده‌ستێ وێ ژ ئێراقێ و جار جار لێدانا زه‌نگا شه‌ری ل دژی ئیرانێ و راکێشانا هێزێن سه‌ربازی بو ناوچێ و ژ لایه‌کێ دیڤه گه‌فێن ئه‌مریکا لسه‌ر تورکیا ل دور کڕینا سیسته‌مێ اس 400ێ روسی و یا ژ هه‌موویێ گرنگتر هه‌ست کرنا هه‌ردوو ولاتێن تورکیا و ئیرانێ ب ئه‌گه‌رێن گورینا توپوگرافیا سیاسیا ناوچێ ب تایبه‌ت پشتی ئه‌نجامدانا رێفراندوما هه‌رێما کوردستانێ کو هه‌ردوو وه‌لاتێن تورکیا و ئیران ب مه‌ترسیه‌کا جددی بو سه‌ر ئه‌منا خوه یا نیشتمانی دزانن ئه‌و ولاته نه‌چار کرینه کو ل دویف ئه‌لترناتیڤه‌کا دی بگه‌ڕن بو رێگری کرنێ ل وان پێشهاتێن نویی ل ده‌ڤه‌رێ و بتایبه‌ت ئه‌وا په‌یوه‌ست ب هه‌رێما کوردستانێ ڤه،له‌وما ژی هه‌ر دوو وه‌لات پێویستی ب ئالیێ سێیه‌م هه‌یه کو ڤێ ئارمانجا وان ب جی بینیت کو ب بباوه‌را من ئه‌و ئالیێ ب وێ کریارا قیزه‌وه‌ن روابوویی ب پشتراستی ڤه دێ بیت ئه‌و ئالیێ سێه‌م یێ کو هه‌ر یه‌ک ژ ئیران و تورکیا لسه‌ر رێکه‌فتین کو تا نها زوربه‌یا ئاماژه‌یان بو پارتیا کرێکارێن کوردستانی یان ژی لایه‌نه‌کێ سیاسیێ نزیک ژ وان دچن هه‌لبه‌ته ئه‌ڤ گومانه ژ ڤالاتیێ ناهێن و کومه‌کا کریار و گوتارێن ئاگرینێن په‌که‌کێ ل ڤێ داویێ دا ل دژی هه‌رێما کوردستانێ په‌رده لسه‌ر هه‌موو گومانان هه‌لگرتیه....
لێ ب باوه‌را من هه‌ر چه‌نده زانینا یان ژی پێناسه‌کرنا ئالیێ جێ به جێ کارێ ڤێ کریارا تیروریستیانه گرنگه لێ یا ژ وێ گرنگتر ئه‌وه ئه‌م بزانین کا ئارمانجا ڤێ کریارێ چی یه و ب چ مه‌به‌ست هاتیه ئه‌نجام دان کو ئه‌ز باوه‌ره‌م د ڤان خالێن ل خوارێ دا جێگر دبن
1/ هه‌ولدان بو تێکدانا په‌یوه‌ندیێن دناڤبه‌را هه‌ر یه‌ک ژ تورکیا و هه‌رێما کوردستانی دا
2/ په‌یداکرنا سه‌قایه‌کێ سیاسیێ نا ئارام ل هه‌ولێرێ دا ببی ئه‌گه‌را ڤه‌کێشانا کونسولگه‌ریێن زوربه‌یا وه‌لاتا
3/ لادانا زانا ئه‌مریکا ژ سه‌ر ئیران و تورکیا و مژویل بوون ب هه‌ولێرێ ڤه ،چونکی ب راستی ژی ته‌نها خالا ئه‌مان یا ئه‌مریکا ل ناوچێ مایی هه‌ولێره
4/رێخوشکرن بو تورکیا کو ب مه‌به‌ستا پاراستنا خاکا خوه هێزێن سه‌ربازی راکێشی هه‌رێما کوردستانێ بکت وی ده‌می دور نینه ده‌رکه‌فتن زور ئه‌سته‌م ببت
5/رێخوشکرن بو حکومه‌تا ئێراقێ بو راکێشانا پاه‌وانێن سنوری یێن عه‌ره‌ب و تورکمان بو سنورێن هه‌رێمێ و تورکیا کو ئه‌ڤه بخوه مه‌ترسیه‌کا جددیه لسه‌ر هه‌رێمێ و دورپێچکرنا هه‌رێمێ یه ژ لایێ حکومه‌تا مه‌رکه‌زی ڤه
6/ ته‌سلیم بوونا هه‌رێمێ بو وی واقعێ لسه‌ر دهێت سه‌پاندن
دبیت هنده‌ک ئارمانجێن دی ژی هه‌بن لێ ب پشت راستی ڤه ئه‌ڤه گرنگترینێن وان ئارمانجانه کو خوه ل پشت بویه‌را هه‌ولێرێ نه‌په‌نی دکن،،،
