دەمێ بەحسێ سەرکردان دھێتە کرن ئێکسەر ھزرا مە دچیتە سەر بابەتێ خزمەتێ و کا چەند دێ شێن کاودانێن مللەتێ کورد بەرەڤ باشتر و باشتر بەن، بەلێ کەسایەتیا کارێزمایا نێچیرڤان بارزانی و پێگەھێ وی ل سەر ئاستێن ناڤخو و دەرڤە و ھەولدانێن وی یێن بەردەوام بۆ باشترکرنا رەوشا ژیارا خەلکی ب تایبەت دڤان چەند سالێن بوری دا و ئەو قەیرانا دژوارا دارایی یا ب سەر مللەتێ مەدا ھاتی ژ بەر نەدانا مووچان و برینا بودجا ھەرێمێ ژلایێ بەغداڤە وەکریە خەلکێ کوردستانێ، ھەردەم بیر ل زەحمەت و ماندیبوونا ڤێ بنەمالێ بکەت کو جھێ شانازیێ نە بۆ ھەر تاکەکێ کورد، ئەڤرۆکە نێچیرڤان بارزانی سەروکی َدویێ یێ ھەرێما کوردستانێ درێژە پێدانێ ب کار و کریارێن باب و باپێرێن خو دکەت ھەر وەکو بابێ روحی یێ نەتەوا کورد مەلا مستەفا بارزانی و دووڤ دا مەسعود بارزانی خەباتا ل چیا کری و شورەش ل دووڤ شورەشێ سەرھلداین و سەرکەفتن ل دووڤ سەرکەفتنێ تومارکرین ژ پێخەمەت ئازادیا مللەتێ کورد و یا روون و ئاشکرایە ژی مەزنترین زیان ب ڤێ بنەمالێ کەفتینە ژ کوشتن و و دەربەدەری و تالانکرنا گوندێن وان، بەلێ ھەر سەرێ خوە نە چەماندیە و رێ نەدایە دوژمن ھەیبەتا گەلێ کورد بشکێنیت، نێچیرڤان ھەمان رێباز دگرتە بەر ب خوشکرنا ژیارا وەلاتیێن کوردستانێ کو ئارمانجا ڤێ بنەمالێ ھەر ئەڤە بوویە، بلا ژبیرا مە نەچیت حوکمەتا عیراقێ چەندین جاران گرفت و ئابلوقەیێن سیاسی و ئابووری ب سەر مللەتێ مە سەپاندیە، بەلێ ب سەرکێشیا سەرکردێ گەنج نێچیرڤان بارزانی شیا ڤی کاودانێ ب گوھۆریت و راستیان بۆ رایا گشتی دیار بکەت ب رێیا ئەنجامدانا چاکسازیێ و نەھێلانا گەندەلیێ.
یا خویایە نێچیرڤان بارزانی شیایە وێ باوەریێ بۆ ھەر لایەنەکی دروست بکەت ب رێکا وان رێککەفتنێن دگەل وەلاتێن جیران و زلھێزێن جیھانێ و سەرەدانا شاندێن ل سەر ئاستێن بلند بۆ ھەرێما کوردستانێ و چێکرنا پەیوەندیێن دبلوماسی یێن موکم ژ پێخەمەت خوشکرنا ژیارا خەلکێ کوردستانێ و ئاڤاکرنا ئابوورەکێ ب ھێز و جھگیر نموونە ژی زۆرن، ناھێتە ژبیرکرن د وان کابینەیێن نێچیرڤان بارزانی کار تێدا کری چەندین خزمەتکگوزاری پێشکێشی وەلاتیێن ھەرێما کوردستانێ کرن مینا دانا پێشینەیێن خانوبەران و پێکئینانا خێزانێ و روخساندنا دەلیڤێن کاری بۆ گەنجان ب رێیا دانا قەرێن بچووک بۆ پرۆژێن بچووک.
کارێن ھەرە گرنگ یێن ڤێ کەسایەتیا کارێزما ئەنجام داین شیایە ب رادەکا بەرچاڤ ئێش و ئازارێن کچ و ژنان کێم کەت ب رێیا دەرکرنا یاسایێن د بەرژەوەندا خێزان و جڤاکی ب گشتی دا، لەوما ژی باوەریا مە زۆرە ب سەرکردێن مینا نێچیرڤان بارزانی کو ھەردەم ھەولێن وی ب رێکێن ئاشتیانە بووینە بۆ زامنکرنا مافێن گەلێ کورد.