هەڤالێ دلسۆز ئەوە یێ ل دەمێن نەخۆشیا دگەل تەبیت ، دەما (نێچیرڤانى بارزانى) وەک سەرۆکێ هەرێمێ دەست بکاربوى بفەرمى هاتە داخازکرن بۆ سەردانیکرنا فەرەسا وژلایێ سەرۆکێ فەرەنسا (ماکرون)هاتە پێشوازى کرن، ئەکەر ئەم بزڤڕینەڤ دەسپێکا پەیوەندیێن کورد و فەرەنسا ئەوەبو ل ( ئادارا/ ١٩٩١ ) دەمێ کۆچا ملیۆنیا ملەتێ کۆرد بۆ سنۆرێ ئیرانێ تورکیا دەسپێکرد ژ ترسێ، فرۆکە و تانک و کیمیا بارانکرنا رژێما بەعسی خاتون (دانیال میتران) هاتە ناڤ کۆچبەرێن کورد ل نزیک سنورێ ئیرانێ ودگەل (سەرۆک مسعود بارزانی) جڤیا، دەمێ ئەو کۆچا ملیۆنی دیتى و وەلاتێ وفەرنسا ئێکە ژ ئەندامێن هەمیشەیی یێ ئەنجۆمەنا ئاسایشا نیڤدەولەتی کو سەر ب نەتەوەیێن ئێکگرتیە داخاز کر کو ئەو کوشتنکارى و زولما لسەر ملەتێ کورد بهێتە وەستاندن ئەو بو ل (هەیڤا ٥ سالا ١٩٩١) بریارا ژمارە (٦٨٨) دەرچو لدیف بەندێن یاسایا نەتەوێن ئێکگرتی ( ١٩٤٥ ) ێ دگەل هاڤپەیمانا هێلا (٣٦ ) هاتە دانان و ناوچەکا ئارام بۆ کوردا ل سنورێ هەرێما کوردستانێ هاتە دیارکرن کو نابیت فرۆکێن رژێما بەعس بسەر وێ دەڤەرێ بلندببن و نابیت ئێدى ملەتێ کورد توشی کوشتنێ و زولم و دەربەدەریێ ببیتن و هاوکاریا کوردا بهێتە کرن ب هەمى ژ هەمى رەخاوە، ئەو خاتینان فەرەنسى بیە هۆکارێ رزگارکرنا هزارەها کوردا ل مرنێ...
- هەروەسا ژ دەمەکى دى یێ نەخۆش؟ ئەو پشتەڤانیا سەربازی بوو ل(٢٠١٤) دەمێ تیرۆرستێن داعش هێرش ئینان بۆ سنورێ هەرێمێ سەرۆکێ فەرەنسا ئێکەم سەرۆک وەلات بو گەهشتە هەولێرا پایتەخت و پشتەڤانیا خۆ راگەهند و چەندی سەرباز رەوانەکرن و چەندین تەنێن چەکی دابینکرن و ب فرۆکا ژى ل ئاسمانى هاریکاریا پێشمەرگەى دکر...
- ل دوماهیک نەخۆشى؟ پشتی خیانەتا (١٦ی ئکتۆبەرا ٢٠١٧) و لەشکر کێشیا سەر کەرکوکێ و بەغدا ئابلوقە ئێخستە سەر هەرێمێ ( نێچیرڤان بارزانی) لسەر داخازا فەرمی یا سەرۆک (ماكرون ) ل (١/١٢/٢٠١٧) گەهشتە وەلاتێ فەرەنسا و دگەل جڤیا و سەرۆکێ فەرەنسا راگەهند کو دبیت مافێ هەرێما کوردستانێ لدیف دستوری بهێتە دایین و پشتگیریا خۆ بۆ هەرێمەکا بهێز راگەهاند ، ئەو سەردان بیە هۆکارێ شکاندنا ئابلوقەیا لسەر هەرێمێ ئەوژی ب سیاسەتا حەکیمانە یا مەرجەعێ کوردا ( سەرۆک مەسعود بارزانی )و ئەندازیارێ ئاوەدانیێ (نێچیرڤان بارزانی) و دلسۆزی ومرۆڤ دۆستیا فەرنسا بو بۆ ملەتێ کوردا. لەورا باشترین هەڤالێ تەنگاڤیا بۆ کوردا فەرەنسایە و باشترین وەلاتە دیموکراسیێ ومافى مرۆڤ...

- دوماهیک سەردانا سەرۆکێ بەرێ یێ فەرنسا ل( ٢٥/٢/٢٠١٩ )بۆ دابەشکرنا خەلاتا شەهید (شیفا گەردی) نیشانا باشترین وەفاداریێیە. فەرەنسا ئێکە ژ وەلاتێن هەرە گرنگێ ل جیهانێ و ئێکەتیا ئۆرپا و ئەندامێ هەمیشەیێ ئەنجومەنێ ئاسایشا نێڤدەولەتیە ل رێکخراوا نەتەوێن ئێکگرتی و ئێکە ژ پێنج وەلاتێن مافێ ڤیتۆ یێ هەی لسەر ئەو بریارێن ل ئەنجۆمەنێ ئاسایشا سەر ب نەتەوێن ئێکگرتی دەردەچیت و پەیوەندیەکا مێژویی یا هەی دگەل کوردا. وسەردانا وەزیرێ دەرڤە یێ فەرەنسا بەرێز ( جان إيف لودريان) ل(١٤/١/٢٠١٩)و چەندین سەرەدانێن دى لسەر ئاستێ بلند ژ هەردوو لایەناوە...