ژ سایكس پیكۆ بۆ هه‌ڤالبه‌ندیێ؟!
زۆزان هارۆن
وه‌كی دیار ئه‌ڤ پووته‌دانا وه‌لاته‌كێ وه‌كی فره‌نسا ژبۆ هه‌رێما كوردستانێ ژ ڤالاهیێ ناهێت، پشتی ده‌مه‌كێ كێم ب سه‌ر ده‌ستبكاربوونا سه‌رۆكێ هه‌رێما كوردستانێ، برێز نێچیرڤان بارزانی دا ده‌ربازبووی، ئێكه‌مین وه‌لاتێ خوه ل هه‌رێما كوردستانێ كریه خودان، وه‌لاتێ فرنسا یه، داخوازناما سه‌رۆكێ فرنسا برێز مانۆێل ماكرۆن بۆ سه‌رۆكێ كوردستانێ نیشانا هه‌ڤالبه‌ندیێ یه و ژبۆ گه‌لێ كورد جهێ باوه‌ریێ یه وه‌لاته‌كێ زلهێزێ جیهانێ وه‌كی فره‌نسا ب شێوازێ سه‌رۆك ده‌وله‌ت پێشه‌وازیێ ل سه‌رۆك نێچیرڤان بارزانی بكه‌ت ئه‌ڤ رێدانه دبیته نیشانا هه‌لكرنا ئاگرێ نه‌ورۆزێ ب ره‌نگه‌كێ دی، كو ئه‌ڤ ئاگره ژجاێن به‌رێ پتر رۆناهیێ بده‌ته جڤاكێ كوردی،
خالا گرنگتر ژ ڤێ پێشوازیكرن و رێزگرتنێ ل سه‌رۆكێ كوردستانێ برێز نێچیرڤان بارزانی ئه‌وه كو مێهڤانداریا سه‌رۆكێ هه‌رێمێ ب ڤی شێوازێ ب قه‌در و مه‌زن نامه‌كا توند و ب هێزه بۆ هه‌می دوژمنێن مله‌تێ كورد.
دڤێت ئه‌م ژبیر نه‌كه‌ین هه‌ڤالبه‌ندیا هه‌رێمێ ل گه‌ل وه‌لاتێ فره‌نسا نه‌ك ژ ئه‌ڤرۆ ده‌ست پێ كریه، ل بیرا مه‌یه د كۆچا ملیۆنی دا، ئه‌م چه‌ند لاواز و شه‌پرزه‌ببووین د ده‌ستێ رژێما گۆربه‌گۆردا، ل وی ده‌می دیسا ئێكه‌مین وه‌لاتێ خوه ل مه كریه خودان و ده‌ستێ هاریكاریێ بۆ مه درێژكری وه‌لاتێ فره‌نسا بوو. دڤێت ئه‌م بزانین و ژبیر نه‌كه‌ین فره‌نسا ئێكه‌مین وه‌لاتبوو پێشنیازا ده‌ڤه‌را دژه‌فرین كری و ئه‌م ژ فرۆكه و زۆرداریا رژێما به‌عسیا پاراستین
و فره‌نسا بۆ پێشنیاركرنا خالا 688 ژبۆ پاراستنا هه‌رێما كوردستانێ ژ ده‌وله‌تێن ئێكبوویی ده‌رئێخستی.
دڤێت ئه‌م رۆلێ خودێ ژێ رازی (فرانسوا مێتیران) سه‌رۆكێ فره‌نسا یێ به‌رێ ژبیر نه‌كه‌ین و خانما وی (مه‌دام مێتیران) كو خه‌لكێ هه‌رێمێ ژ وه‌فادریا وێ خانما هێژا ب ناڤێ دایكا كوردان دایه نیاسین و هه‌موو ده‌مان جهێ رێز و ته‌قدیرێ یه، دڤێت ئه‌م بده‌ینه زانین كو ژ وه‌فاداریا (مه‌دام مێتیران) برێز نێچیرڤان بارزانی پێشنیاركر كو وه‌ك رێزگرتنه‌ك جاده‌كێ بناڤێ جاده‌یا مێتیران ب ناڤ بكه‌ن
ل دووماهیێ ئومێده‌وارین فره‌نسا به‌رده‌وامیێ بده‌ته هه‌ڤالبه‌ندیا گه‌لێ كورد داخوازا سه‌ركه‌فتنێ بۆ سه‌رۆكێ كوردستانێ ب رێز نێچیرڤان بارزانی دكه‌ین.
