دگەل ھەلبژارتنا نێچیرڤان بارزانی وەکو سەروکێ نوی یێ ھەرێما کوردستانێ دەنگڤەدانەکا مەزن یا نیڤدەولەتی لە پەی خوە ئانی وپشتەڤانی یەکا مەزن لێ ھاتەکرن وئەڤەژی دبیتە دەستپێکەکا گرنگ یا سیاسی بو ھەرێما کوردستانێ ب تایبەت پشتی ڤان قەیرانێن ھەرێم تێدا بوری وەکی ھاتنا شەرێ داعش و وقەیرانێن دارایی وبرینا بودجەی ژلایێ حکومەتا ناڤەندی ودەرھاڤێشتەیێن گشتپرسیێ، دنوکەدا قوناغەکانوی ژبو ھەرێما کوردستانێ ھاتیە ڤ پێش ژبو مفا وەرگرتن ژ ڤان پەیوەندیێن نیڤدەولەتی ژبوو دووبارە بھێزکرنا پێگەھێ ھەرێما کوردستانێ چ ل سەرئاستێ نیڤدەولەتی وچ ل سەر ئاستێ نافخوە.
وەکی یاخویا ژبوڤێ یەکێ ژی بەرێز سەروکێ ھەرێما کوردستانێ ب سەردانەکافەرمی ل پاریسا پایتەختی فرەنسا یە کو فرەنسا ب دەولەتەکا بھێز یا ئەوروپایێ دھتە نیاسین وئەنداما ھەردەمکی یا جڤاتا ئاسایشا ئەولەکاری یا نیڤدەولەتی یە وپەیوەندیین ھەرێما کوردستانێ و فرەنسا پەیوەندیێن مێژوویی نە ب تایبەت پشتی کو فرنسا بریارا ژ مارە688 بریە جڤاتا ئاسایشا نیڤدەولەتی کو ل 25/4/1991ئەڤ بریارە ھاتیە پەژراندن کو تێدا کێشەیا کوردان بەرەڤ قوناغەکا نوی چوو وجورەک ژ گرنتیا نیڤدەولەتی ژبو خوە برێڤەرنا ھەرێما کوردستانێ دروست بوو،وھەمی گەلێن بن دەست وئەڤ بریارە ژبوو پاراستنا گەلان بوو ژ بن دەستێن رژێمێن دکتاتور.
وئەڤ پەیوەندیێن ھەرێما کوردستانێ و فرەنسا بەردەوام بەرەڤ پێشڤەچونی چون ودماوێ چەند سالین بوری دا ب تایبەت ددەما دەستپێکا شەرێ داعش دا چەندین سەرەدانێن گرنگ و دیروکی دناڤبەرا ھەردوو ئالیان دا ھاتنە ئەنجام دان فرەنسوا ئولاند وەکو ئیکەم سەروک کومارێ فرەنسا سەرەدانا ھەرێما کوردستانێ کر و ژلایێ بەرێز سەروک مسعود بارزانی ڤە ل وی دەمی ھاتە پێشوازی کرن و فرانسوا ئولاند رولێ پێشمەرگێ کوردستانێ بەرز راگرت دشەرێ دگەل داعش دا.
وھەروەسا فرەنسا رولەگێ کاریگەر دیت ددەربارا شکاندنا ئابلوقەیێن سیاسی و ئابووری ل سەر ھەرێما کوردستانێ و ھەردیسان د ئالکاریکرنا ھێزێن پێشمەرگەی دا،ولێ روژا 10ڤێ مانگێ دا ژی بوو دوبارە خورتکرنا ڤان پەیوەندی یا بەرێز نێچیرڤان بارزانی ل کوشکا ئیلیزێ دگەل بەرێز ماکرون سەروکێ فرەنسا جڤیا و دڤێ جڤینێ دا گەلەک خالێن گرنگ ئاماژە پێ ھاتەکرن وەکی قوناغا پشتی شەرێ داعش ورێگری گرن ل دوبارە سەرھلدانا داعش و ھەروەسا بەحس ل سەر پەیوەندیێن ھەولێر و بەغدایێ ھاتەکرن کو ھەردوو سەروک واقع بینانە ژ بوو کو ب رێگا ئاشتیێ و دیالوگێ کێشەیێن دناڤبەرا بەغدایێ و ھەولێرێ بھێنە چارەسەرکرن و سیاسەتا بەرێز نێچیرڤان بارزانی جھێ بایەخەکا گرنک بو ژبوو رایەدارێن فرەنسا کو ھەولا ئاشتیانە ودبلوماسی ژبوو چارەسەرکرنا کێشەیان دا ،و فرەنسا دیارکرکو دڤێ دەربارێ دا دێ پشتەڤانیا تەمام یا ھەرێما کوردستانێ کەت و ھەروەسا ئالیەکێ دن یێ گرنگێ ڤێ جڤینێ کو کو سەروکێ ھەرێما کوردستانێ دا دیارکرن ژبو پتر خورتکرنا پەیوەندیێن ئابووری و ژبو راکێشانا بەرژەوەندی یان ژبوو ھەرێما کوردستانێ و ھانا کومپانیێن فرەنسا ددەین ژبو کو وەبەرھێنانێ ل ھەرێما کوردستانێ بکەن کو ئەڤێ چەندێ ژی گرنگی یەکا زور ھەیە ژبو بھێزکرنا پێگەھێ ھەرێما کوردستانێ و پێشڤەچونا پەیوەندیێن ھەردوو ئالیان ل سەر بنەمایێ رێزگرتنا بەرژەوەندیێن ھەڤپشک.