ل ڤان داویان دەنگێ نەڕازیبوونێ پتر ژ جاران ژ وارگەهێ پارتی دیموکراتی کوردستان، دەڤەرا بەهدینان تێ.
وەک دیار و خوەیایە نەعەدالەتی و گەندەلی و واستە و خزم و عەشیرەتکانێ؛ ئەو نەخۆشی نە کو دەڤەرا مە پێ دنالیت، من ل بەر نەبوو توو تشتان ل سەر ڤێ مژارێ ببێژم و ناڤ پەرتووکخانا خوە یا بچوک ژ خوەرە دخەبتیم، لێ دوو ئەگەران ئەز کێشا مە هۆلێ، ئێک ئەو ب لاڕێ برنا د سۆشیال مێدیا و نووچەیان ل سەر ڤێ مژارێ تێ گۆتن و هندەکا ژی ب فورسەت لێ گەهشتنە و بزاڤێن نە ساخلەم ددەن، یا دووێ هەلبەستەکا هەلبەستڤانێ کورد ،،د.بەدرخان سندی،،یە ، نەخاسمە پشتی ل هندەک ژێدەرێن نەفەرمی هاتیه سەرۆکێ هەرێمێ نێچیرڤان بارزانی دێ سەرەدانا دهۆکێ کەت.
ژ بەرکو ئەم خوەندەکارێ ئەدەبیاتانن، لەو هەلبەست و هونەر پتر بالا مە دکشینن، ئەز لڤێرە دێ هەلبەستا ،، ئەزبەنی ئاڤ شێلی بوو وەختە رویبار راببت،،ی بەدرخان سندی کەمە مژارا گوتارا خوە.
هەلبەستڤان مژارا هەلبەستا خوە ل سەر کوردستانێ و واقعیەتا هەیی ڤەهاندیە و پێشکێشی سەرۆکی کریە، ئەز ژی دخوازم شرۆڤەیا وێ هەلبەستێ بکەم و حالێ دەڤەرا بەهدینان ب رێکا هەلبەستا ناڤبری ژبۆ سەرۆکی هەرێمێ رۆهنبکەین، دەما دبێژیت.
ئەزبەنی ئاڤ شێلی بوو وەختە رویبار راببت
گەر ژی ڕابوو زەحمەتە چارە بۆ وان نابتــن.

سندی د دەستپێکا پەیاما خوە بەحسێ ژێدەرێ ژیانێ دکەت کو ،،ئــاڤــە،، و مرۆڤ بێ ئاڤ نابت و ئەو ئاڤ ژی یا شێلی بووی، چ نەمایە رویبارا هێرس و تژی بوونا هەستان و لاسەرا نەعەدالەتیێ راببت و بپەقت، هەلبەت ئەگەر پێلا توڕەبوونا چڤاکی ڕابوو چارەسەریا وێ دێ یا ب زەحمەت بیت.
(مەبەسە دەردێ دزا رابە سەر خۆ هرێ میر... زۆر فەرە پاقژ ببت، باوەڕکە هەتکا مە چوو)
گەندەلی و نەعەدالیەتی ل دهۆکێ گەهشتیە کوپیتکی و مللەت بێ ئارام مایە، سەرۆک رابەسەر خوە و فەرە ئەڤ میناکە دناڤ مەدا نەمینن و، فەرە حەددەک بۆ وان بهێتە دانان.
دکتۆر بەدرخان ئەگەرێ بێ دەنگی و قەبولکرنا ڤی حالی بەیان دکەت و دبێژت
،، گەر بریندار نەنالن نە ژ خوەشیا دلی یە،
شەرم و بێ دەنگی و موتیع حورمەت و دلسۆزیه،،
. وەلێ سەرۆک ئیرۆ ئەو برین یا وەرمتی
ژ بێ دەنگی و حورمەت و دلسۆزیێ دەرکەتیە.
کارێ مە ئەڤرۆ برێڤه ناچتن و ماف ل ڤێرە گەلەک بێ قیمەتە. دارا بەرپرسێن مە رزی بوویە و توو بەرهەم پێڤە ناهێت بۆ دەڤەرامە، لەو مە هیڤی یە ژ سەرۆکی کار و ئەولەویاتێ خوەی چاکسازیێ ل دەڤەرا بەهدینان بکەت و ئارامی و پێکڤەژیانا مە بۆ هندەک ژانان تێکنەدەن. ئەم حەز ژ وارێ خوە دکەین و د هەمان دەم دا حەز ژ چاکسازی و پێشکەفتنێ ژی دکەین. وەلێ سەرۆک گهۆرین و باشکرن ب بەرپرسێن مە نا هێن کرن و ئەو دەردن و نابنە دەرمان.
دی گوتارا خوە ب دێرا دوماهیکا هەلبەستێ ب داوی ئینم و، دبێژت
ئەزبەنی گومــان نینــە دێ درستـکەی ڤی رەزی
توی رەزڤان و خودان، تو هەر سەرۆک و بەرزی.