گاڤا کو ئەم دیرۆکا خوە دخونن تژییە ژ هەڤڕکی و ئالۆزیێن سیاسی و چڤاکی، کێم جاران کەساتیەک هەبوویە کو جهێ باوەڕی و قەبولکرنا تەڤ ئالیێن هەڤدژ بە.
دەمێ ئەز د هۆلێن زانینگەهێ زانستی کوردناسیێ ژبۆی خوەندەکارێن خوە شرۆڤە دکم و ئەگەران دنرخینین، پرانیا نێرین و پرسێن وان ل سەر چما کورد کەسایتیێن هەڤدوو قەبول ناکن، لێ د راستێی دە ئەوێ تێ گۆتن و نیشان دان نە هەر تشتە، مخابن گەلەک پرس هەنە کو دبا ببت ئەگەرێ چارەیا گەلەک ئالۆزیان وەلێ ل جەم مە کێم گرنگی پێ هاتیە داین و بەحسکرن.
پشتی هەلبژارتنا سەرۆکی هەرێمێ و کارڤەدان و پێشوازیا ئالیێن ناڤخوەیی و دەرەکی؛ نەخاسمە ل سەر کەساتیا وی. ئێک ژ وان لایەنان کو ئەز دخوازم تێ بخەبتم بەلاڤۆکا هەفت خالیا ،،کەجەکە،، کو بالێ سەربازی و بڕیاردەرێ پارتا کارکەرێن کوردستانێ یە.
سەرۆکێ هەرێمێ دگوتارا خوە یادەست ب کاربوونێ راگەهاندبوو سەرۆکاتیا هەرێمێ چەترێ یەک رێزی و کۆمکرنا سەرجەم هێز و ئالیێن نەتەوەیی و ئۆلی و هزر و تێفوکریێن جوودا دبیت، ئەو چەتر کو ب هزاران سالە کورد و ئالێین وان چاڤەرێ ئارامیا هەمبێزا وێ دکەن. کۆتنا نێچیرڤان بارزانی و بەلاڤۆکا کەجەکە بالا من کشاند کو ئەوژی چاڤەرێنە سەرۆکاتیا هەرێمێ ببیتە دەرگەهێ پاراستن و هیڤیا گەلێ کورد ل هەر چار پارچێن کوردستانێ وەکی ل داخویانیا وان دە هاتیە نێچیرڤان بارزانی د وێ ئاستێ دایە و دکاریت رۆلێ سەرکردەکی ئازاد ژ بۆی پاراستنا کوردستانا مەزن بگێریت و ب نونەرێ هرز و بیرا ئازاد وێنە دکەن، هەروەسا د ناڤبەرا بویەرێن تورکیا و دۆزا کوردان دە نونەرێ ئیرادەیا ژیانا ئازادێ کوردان دبینن.
دیسان هەر د وێ داخویانێی دە هاتیە د پرۆسێسا دیموکراسی بوونا رۆژهەلاتا ناڤین دبیت کورد ژی رۆلێ خوە بلەیزن، هەر د ڤێ چارچۆڤێ دا چاڤەرێیا سەرۆکاتیا نێچریڤان بارزانی دکەن کو وێ ڕۆلێ ببینت.
سەرۆکێ هەرێمێ نونەرێ ئیرادەیا ئازادیا کوردانە و، هەمی ئالێین کوردستانی چاڤەرێ وێ چەترێ نە کو تێدا پاراستی و ئێک رێزبن.