نێچیرڤان بارزانی سەروکێ هەرێما کودستانێ د ئێکەم سەرەدانا خودا بو بەغدا ب شێوازەکێ ب هێز و پێشوازیەکا ب هەژی و چاڤەرێ بونەکا مەزن یا دەست کەفتان دهێتە پێش .

د سەرەدانا ئێکەم دا یا نێچیرڤان بارزانی سەرکێ هەرێما کوردستانێ بو بەغدا کو ئێکەم سەرەدانە پشتی وەرگرتنا پوستێ سەروکاتیا هەرێما کوردستانێ دهێتن و ل دیڤ ئەوان رێو رەسمان ژی یێن پێشوازیا سەروکێ هەرێمێ کو ب شێوازەکێ رەسمی پێشوازی لێ هاتە کرن پێش بینی دهێتە کرن کو ئەڤ سەردانە یا سەرکەتی بیت بو خوشتر کرنا پەیوەندیێن هەرێما کوردستانێ و بەغدا ، وەک یا دیار پەیوەندێن هەرێما کوردستانێ د کابینێن دیدا یێن حکومەتا بەغدادا زور کێشە مابونە هەلاویستی و زوربەیا کێشەیێن دەستوری و دیسان پوستێن سیادی یێن کوردی مابونە ڤالا.

لەوا ژی ئەڤ سەرەدانە پێنگاڤەک باش دهێتە چاڤەرێکرن بو چارەسەرکرنا ئاریشەیێن هەلاویستی یێن دناڤبەرا هەردوو لایەنان دا .

دڤێ سەرەدانێ ژی دا کو سەروکێ هەرێمێ هاتە پێشوازی کرن ژلایێ هەر ئێک ژ عادل عبدول مەهدی سەروک وەزیریێن عیراقێ و بەرهەم سالح سەروک کومارێ عیڕاقێ و محمد الحلبوسی سەروکێ جڤاتا نینەرێن عیراقێ کر ئەڤ سەرەدانە ددەمەکێ هەستیاردا هاتە دی و خالەکا بهێز ئێنا پێش بو پێنگاڤێن مەزن یێن چارەسەریکرنا هەمی گرێ و ئاستەنگێن دناڤ بەرا هەردوو لایەن دان و خوشتر کرنا پەیوەندێن دناڤ بەرا بەغدا و هەولێرا دا .

نێچیرڤان بارزانی سەرەرای هەبونا کەساتیەکا بهێز و خودان بریار دهێتە نیاسین خودان سەربورەکا درێژ یا حکومرانیێ یە و چاڤەرێ دهێتە کرن کو د پوستێ سەروکاتیا هەرێما کوردستانێ دا شیانێن چارەکرنا ئاریشەیێن هەولێرێ و بەغدا هەبیتن و گاروانێ چار سالێن بهێت یێن کوردستانەکا بهێز ئاڤەدان بکەتن . چونکی د ڤێ سەرەدانێ ژی دا دگەل سەر کردەیێن بەغدا تاکید ل سەر چارەکرنا ئاریشەیێن هەردوو لایان کرن کو ب رێکا دەستوری و ل ژێر یاسایێ بهێنە چارەکرن ئەڤە ژی نیشانەکا بهێز یا دەستهەلاتداریا سەروکاتیا هەرێمێ نیشان ددەت .

لەوراژی دهێتە پێش بینی کرن ئەڤ سەرەدانە ببیتە مایەیا پەیوەندیێن هەردوو لا و پتر بهێکرنا هەماهنگیێ و چارەسەرکرنا گشت کێشەیێن هەولاویستی کو ب رێکا دەستوری بهێنە چارەکرن و هەڤ دەم هەڤکاریەکا مەزنتر د ناڤبەرا هەر دوو حکومەتان بهتە کرن بو پتر خوشکرنا خوشکوزەرانیێ بو گشت هەولاتیان .

سەروکێ هەرێمێ دگەل سەروک وەزیرێن عیراقێ تاکید ل سەر چارەکرنا کێشەیان کر ل سەر بنەمایێن دەستورێ عیراقا ئێگرتی ئەڤە ئاماژەیێ بو وێ یەکێ ددەت کو دەستورێ عیراقێ بهێتە ب جه ئینان . و دیسان دگەل سەروکێ جڤاتا نینەرێن عیراقێ ژی ئامادەیا هەرێما کوردستانێ دەر بری کو پێشوازیێ ژ ڵژنەیێن نینەران بکەت بو ژ نێزیک ئاگەهدار بون ل سەر دووسەیێن نەفتێ ئەڤ خالەژی ئاماژەیەک مەزنە بو چارەکرناپرسا نەفتێ کو مەزنترین کێشەیە بەغدا نەرازی بونێ ل سەر ددەت .

هەروەسا ل دەمێ پێشوازیا سەروک کومارێ عیراقێ ژی سەرۆوکێ هەرێما کوردستانێ ئاماژە بو خوشکرنا پەیوەندیان کر دناڤبەرا بەغدا و هەولێرێ دا و هەر دیسان تاکید ل سەر چارەکرنا کێشەیان کر ب رێکا دەستوری بو پتر خوشکرنا ژیارا خەلکێ ، ئەڤە وێ دگەهێنیت کو مانورەکا بهێز یا دەستپێکا دەستهەلاتا سەروکاتیا هەرێمێ دەست پێکر و چاڤەرێی خوشتر کرنا هەمی ئاستەنگەکێ دهێتە پێش ..