نێچیرڤان بارزانی سەرۆکێ هەرێما کوردستانێ سەرەدانا بەغدا کر و ل گەل عادل عەبدولمەهدی سەرۆکوەزیرێ عیراقێ و بەرهەم سالحی سەرۆککۆمارێ عیراقێ و محەمەد حەلبووسی سەرۆک پەرلەمانێ عیراقێ کۆم بوو ، وەکی دیار بۆ هەرسەرەدانەکا نێچیرڤان بارزانی بۆ دەرڤەی هەرێمێ ئارمانج ژێ چارەکرنا چەند کێشەیانە ، ئەڤجا کێشێن هەرێمێ یێن ل گەل عیراقێ د دیار و بەرچاڤن ئێک ژ وان کێشا دەڤەرێن کوردستانی یێن ل ژێر مادەیا سەد و چل ژ دەستورێ عیراقێ و ئەڤە کێشەکا مەزنە بۆ وەلاتیێن ڤان دەڤەرا کوو چەندین سالە ژ هەبونا ڤێ کێشێ د نالن ژ بەرکو د بێژن ئەو پشت گوھ هاتینە هاڤێتن ژ لایێ عیراقێ ڤە و دەڤەرێن وان د ناڤبەرا هەرێمێ و عیراقێ دا د هەلاویستی نە و خزمەتگوزاری ل دەڤەرێن وان د کێمن و ئەو خزمەتێن د هێنە کرن ژی هەرێما کوردستانێ یە بو دکەت بگرە ژ پێتڤیێن روژانە یێن ئاڤ و کارەب و سەخبێرکرنا جادەیان ئەڤە و چەندین کێشێن دی یێن ئەڤ دەڤەرە ژێ د نالن .
کێشەکا دی ژ کێشەیێن ل بەغدا سەرۆک نێچیرڤان بارزانی ل سەر راوەستیای د گەل هەر سێ سەرۆکاتیێن عیراقێ کێشا بودجە یە ئەوا ئەڤە چەندین سالە بویە ئەگەرێ تێکدانا ئابورێ هەرێمێ و چەندین پروژێن گرنگ یێن ستراتیژی راوستاندین ، سەرەرای نە هنارتنا بوودجا هەرێمێ لێ ئەڤە چەندین سالە خزمەتا وەلاتیێن هەرێمێ د هێتەکرن و ل دیڤ یا د شیاندا خزمەت یا بەردەوامە لێ ئەگەر بودجا هەرێمێ ب درستی هاتبا هنارتن کێشێن خزمەتگوزاری دا ب رێژەکا بەرچاڤ چارەبن .
ئەو کێشێن دناڤبەرا هەرێمێ و بەغدا دیسان کێشا مووچێ فەرمانبەرایە جار دێ بێژن ناهنێرین جار دێ بێژن ئەڤ سالە و تا سالەکا دی و هەردەم فەرمانبەرێن هەرێمێ هزرا وان یا لسەر پاشکەفتێ مووچەی و ب نە ئارامی کارێ خوە د کەن ، کێشا نەدانا مووچێ فەرمانبەرێن هەرێمێ ژ لایێ عیراقێ ڤە مەزنترین ئاریشە بوو بۆ حکومەتا هەرێمێ و تا نهوو یا باجا ڤێ چەندێ د دەت و عیراق هەر جار بۆ جار یا گەفا برینێ ل هەرێمێ دکەت لێ مووچێ فەرمانبەران ب کار د ئینیت بۆ گڤاشتن ل سەر حکومەتا هەرێمێ و ئەڤ چەندە کارەکێ نە مروڤاتی یە عیراق د کەت ل گەل فەرمانبەران ژ بەرکو کێشا عیراقێ نە د گەل فەرمانبەرا یە و کێشێن هەرێمێ و عیراقێ ڤیابا ب رێیێن دەستوری چارەببان و ئەو کەسێن بەری نها هاتینە سەر حکمی ل عیراقێ دەستێ خوە بۆ برینا مووچێ هەژارێن هەرێمێ نە بربا لێ ئەو ژی خالەکا رەشە ب ناف چاڤێن مالکی و عەبادی ڤە .
عادل عەبدولمەهدی سەرۆکوەزیرێ عیراقێ بەری چەند مەهانە رەتدکر کو مۆچێ فەرمانبەرێن هەرێمێ ببریت ئەڤە ژی جهێ دل خوەشیا فەرمانبەرا بوو ، فەرمانبەر و مووچێن وان دڤێت ئێدی نەبنە ئێک ژ کێشێن سیاسی یێن دناڤبەرا هەرێمێ و عیراقێ دا .
کێشە د زورن و چارەسەری پێتڤی ب روخساندنا سەقایەکێ ئارامە و خوشکرنا پەیوەندیانە لەو سەرەدانا سەرۆکێ هەرێمێ نێچیرڤان بارزانی بۆ بەغدا دێ بیتە رێ خوشکەر بۆ چارەسەریێ و ب پێشڤەبرنا پەیوەندیێن هەرێم و بەغدا دێ خزمەتگوزاری و پێشکەفتنا کوردستانێ پتر بەر قەراربیت .