هەرێمی كوردستان دوای مێژووییەك خەبات و قوربانیدان لە پێناو گەرٍاندنەوەی خاك و ناسنامەی زەوتكراویی بۆ هەموو دونیایی سەڵماند كە نەك شایانی دەوڵەتی سەربەخۆیی خۆیەتی بەڵكو دەبێتە پشتیوانی تەواویی بكرێت بۆ ئەوەی بونیاتی ئابووری و پیشەسازی خۆی بەهێز بكات و دوای وێرانكرانی و ماڵوێرانیی كاتی ئەوەیە كورد و كوردستان بەرەو لووتكە و سەربەخۆیی سیاسی و ئابووری هەنگاو بنێێت . پێگەی هەرێم لەسەر نەخشەی وزەی جیهان و توانای هایدرۆكاربۆنییەكانی كوردستان، كە خاوەنی یەدەگی نەوت و گازی سروشتی بێ شومارە، ئەمەش بایەخی ستراتیجی و سیاسی گرنگی هەیە‌.ئەم بڕیارە وێڕای قەیرانی سەختی دارایی بەهۆی دابەزینی زۆری نرخی نەوت و شەڕی داعش، داڵدەدانی بە ملێۆنەها ئاوارە و ژمارەیەكی زۆری مووچەخۆر لە هەرێم، بڕیارێكی مەدروس بوو، ئێستا و لە داهاتووشدا كاریگەرییە ئەرێنییەكانی ڕوونتر دەردەكەون. ئەم بڕیارە بێجگە لەوەی ئابووری سەربەخۆی بوونیادنا، ئەوەش هەنگاوی كۆنكرێتی و سەرەكییە لە پرۆسەی نەتەوە سازیدا، كوردستانیشی خستە سەر نەخشەی وزەی جیهان.گرنگی بوونی پێگە لەسەر ئەو نەخشەیە وا دەكات، چی دی كاریگەری جوگرافیا و شوێن، جیۆپۆلتیك، هێندە نەبێت، دەرگایەكە بۆ جیهان و دونیای دەرەوە و كورد بووە‌ یەكێك لە یاریكەری بازاڕی وزە، بازاڕێكی گرنگ، حزور و حسابمان بۆ بكرێت لە نێو پەیوەندی ئابووری سیاسی نێودەوڵەتی.ئەركی بارزانی لەم قۆناغەدا زۆر قورسە“ و هیوا سەرۆك بارزانی چ لە سەر ئاستی نێو خۆ و نێودەوڵتی هەوڵەكانی چرٍ كردۆتەوە بۆ ئەوەی كورد بە مافەرٍەواكانی بگات .. ..كوردستانی باشوور خاوەنی سوپا "پێشمەرگە" و ئابووریی خۆیەتی و دەیان كونسوڵخانە و نوێنەرایەتیی دیپلۆماسیی وڵاتانی جیهان لە هەولێر هەن، ”هەرێمی كوردستان هیچ پەیوەندییەكی ئەوتۆی لەگەڵ عێراق نەماوە“ و كۆمەڵگەی نێودەوڵەتی هاوتای دەوڵەتێك بایەخ بە كوردستان دەدات. پێوستە گشت لایەكمان هاوكاری سەرۆك بارزانی بین بۆ گەیاندنی بە كەنارٍی ئارٍامیی.
پارتی دیموكراتی كوردستان ، ئەو رێبازەیە كە لە قۆناغە سەخت و دژوارەكاندا توانیوێتی پارێزگاری لە ناسنامە و پێگەی كورد و دەستكەوتەكانی بكات و بە خوێن و گیان بەرگری بكات .پارتی بە رێبەرایەتی پێشمەرگە ،سەرۆك بارزانی توانیویەتی سەركردایەتیی قۆناغێكی هەستیاری كوردستان بكات، تا گەیشتە ئەو رادەیەی كە هەموو هێزە كوردستانییەكان پێكەوە بتوانن ریفراندۆمێك ئەنجام بدەن و بۆ یەكەمجار هەموو پێكهاتە ئایینی و نەتەوەییەكانی كوردستان بە جیهانیان راگەیاند، ئێمە هەین و داوای مافی خۆمان دەكەین و دەمانەوێت خاوەن خواست و ئیرادەی خۆمان بین، دواتریش هەر پارتی دیموكراتی كوردستان بوو كە توانیویەتی سەركردایەتیی قۆناغەكە بكات لە دوای سەپاندنی سزا و ئابڵوقە ناڕەواكان لەلایەن حوكمڕانەكانی عێراقەوە. ئەو ریفراندۆمەی كە رۆژی 25/9/2017 بە شێوازێكی ئاشتییانە و دیموكراتییانە بەڕێوەچوو، ئێستاش چونی ئێمە بۆ بەغدا پەیامی ئاشتی و پێكەوەژیانە، پارتیش لە هەمو شۆڕش و راپەڕینەكاندا كە سەركردایەتی كردووە، ئەوەی دووپات كردۆتەوە كە كێشەی ئێمە لەگەڵ گەلی عێراقدا نییە، بەڵكو لەگەڵ كاربەدەستانی عێراقە، واتە كێشەی ئێمە لەگەڵ ئەو سیستمی حوكمڕانییەیە لە عێراق كە دژایەتیی مافی خەڵكی كوردستان دەكات. ئێستاش كە دەچینە بەغدا پێشمەرگائاسا پارێزەر و داكۆكیكاری مافەكانی خەڵكی كوردستان دەبین و دەبینە پارێزەری ئاشتی و سەقامگیری كۆمەڵایەتی. لێرەدا دەمەوێت ئاماژەش بەوە بكەم كە پارتی دیموكراتی كوردستان لە سەر ئاستی عێراق حزبی براوەیە لە هەڵبژاردنەكاندا، چونكە لایەنەكانی دیكە كە دەنگیان هێناوە، حزب نین، بەڵكو هاوپەیمانێتین كە چەندین حزب لە خۆدەگرن، بەڵام وەك پارتی دیموكراتی كوردستان براوەی یەكەمە لەسەر ئاستی عێراق بە مسۆگەركردن و بەدەستهێنانی 25 كورسی، هۆكاری سەركەوتنی پارتیش بۆ ئەوە دەگەڕێتەوە كە سەرجەم پێكهاتەكانی كوردستان دەنگیان بەم پارتە داوە. هەروەها سیاسەتی حەكیمانەی جەنابی سەرۆك مسعود بارزانی و لێهاتوویی نێچیرڤان بارزانی بوو كە وایكرد هاوسەنگی لە كوردستاندا رابگیرێت و پارێزگاری لە هەرێمی كوردستان وەك قەوارەیەكی دەستووری بكرێت. لە پیلانگێری داگیركەران بپارێزێت وشكستیان پێی بێنێ‌..