پێکڤە ئاراستەیێن هاوبەش دەست نیشانکەین
June 18, 2019
وتار و بیروڕا
![پێکڤە ئاراستەیێن هاوبەش دەست نیشانکەین](https://gulanmedia.com/public/old_images/nusaran/yyuhhnbbhh.jpg )
ئەو کێشێن هەلاویستی یێن دناڤبەرا هەرێمێ و دەوروبەرا دێ هێدی هێدی چارەبن ژ بەر وێ سیاسەتا حەکیمانە یا سەرۆک نێچیرڤان بارزانی ، بۆ مە یا دیاربوی کو ژ بۆ کوردستانێ نا وەستیێت و ب بەردەوامی پێکولا دکەت چارەسەریا پەیداکەت ، ل دەمێ بوری سەرۆک نێچیرڤان بارزانی بێی کو هەست ب کێماسیێ بکەت چەند جاران بێی دوو دلی سەرەدانا بەغدا و ئیرانێ دکر داکو هەرێمێ راگریت ، راستە یێن بەرامبەر د پێگیر نەبوون لسەر وان ئەرکێن خوە بەلێ نەبوو جهێ دلگرانیێ بۆ نێچیرڤانی و دوو جار و سێ جار پێکول و پەیوەندیێن وی د بەردەوام بوون ژ بوو رێکە چارەیان و ل دوماهیێ هەر ب دەست خوەڤە ئینا و پەیوەندی زڤراندنە ئاراستەکێ گونجای ژ بوو دان و ستانان .
حەتمەن ئەرکەکێ قورسە پوستێ سەروکاتیا هەرێما کوردستانێ بەلێ ب هەبوونا مەرجعیەتەکا قەومی یا موکم پشتەڤانە بۆ نێچیرڤان بارزانی ئەوژی کەسێ هەلگرێ خەما دەولەتا کوردی رێزدار مەسعود بارزانی یە ، کوردێن پارچێن دی یێن کوردستانا مەزن ب چاڤێ باب و خودان سەحدکەنە رێبازا بارزانی لەو وەلاتێن داگیرکەرێن وان پارچا د بێژنە کوردێن وان پارچا گەر وە کوردستان دڤێت هەرنە عیراقێ ئەو یا ل وێرێ ئانکو رێ نادەن ب زمانێ خوە بدرستی باخڤن چاڤێ وان یێ ل هەرێمێ و دلێ وان ناگریت ناڤێ وێ بینن ، لێ دیسان سەرکردێن خودان شیان مە یێن هەین لەو دشێین ل ناڤا ڤان وەلاتێن بن پێکەرێن مافێن مروڤی ب سیاسەتا بارزانییان ئەم ب خوەشی و ئارامی یێن لناڤا گورگا دژین ، ئەڤجا مەسروور بارزانی و نێچیرڤان بارزانی باشترین سەرکردێن ژێگرتینە ژ بۆ یا پێتڤی و ئەم دشێین بێژین ب سایا وان هەر کەسەک دشێت ب خوەشی بژیت دیر ژ ترسێ .
لایەنێن سیاسی یێن کوردستانێ دێ ب ئەرکێ خوە رابن ئەوژی براینیە ساخکرنا هەستا نەتەوایی د ناخێ واندا ، ب نەرم سەرەدەریکرنا نێچیرڤان بارزانی ئەوژی دێ کومبن و پیلانێن نەحەزا ژناڤبەن چاڤێ وان دێ ل یەک بیت و کارێ وان دێ هاریکاری بیت ژ بۆ پێشئێخستنا رەوشەنبیریا پێکڤەژیانێ و چاندنا حەژێکرنا کوردستانێ ددلێ وەلاتیاندا ، نەمانا دوو ئیدارەیی و دوو هێزان ئەڤە هەمی ب بورینا دەمی و کەسانێن خودان ھەلویستێن ئاڤاکەر و حەزا رێکخستنا ناف مالا کوردی دێ هێنە پێش دیسان سنورێن هەرێمێ دێ موکم بن و سلێمانی و هەولێر و دهوک و کەرکووک بنە برایێن خوشتڤی دگەل ئێک .